Mphattuwelo 5
5
Ucuulu wa Atamu mpaka Nowee
1Ila phi iliivuru yo mayaranacelo o nloko na Atamu. Ukati Nluku waampattusilyawe ntthu, eelattanihaka mwanene, 2ahaapattusa nlopwana ni nthiyana. Ukati waapankilyawe, uyo ahaareriha ni aheehana atthu.
3Wapihenryawe Atamu myakha iminya nuuwa talathini (130) ahonnyara mwana mmoca oolikana ni uyo ni oonlatta venci, ni ahonvaha ncina na Seeti. 4Nannyanrene Seeti, Atamu ahokhala nkumi myakha iminya naane (800) ni ahaayara asaana akina asilopwana na asithiyana. 5Mahuku othene ookumi awe Atamu yahophiyera myakha iminya khentta nuuwa talathini (930) ni ahokhwa.
6Seeti waapihenre awe myakha iminya nuuwa mithanu (105), ahonnyara Enosi. 7Seeti nannyanrene Enosi ahokhala nkumi myakha iminya naane nuuwa saapa (807) ni ahaayara tho asaana akina asilopwana na asithiyana. 8Mahuku othene ookumi awe, yaari myakha iminya khentta nuuwa khumi na miili (912) ni ahokhwa.
9Wapihenryawe Enosi myakha tuswini (90) ahonnyara Kayinaa. 10Enosi nannyanrene Kayinaa, ahokhala nkumi mpaka myakha iminya naane nuuwa khumi na mithanu (815) ni ahaayara asaana akina asilopwana na asithiyana. 11Mahuku othene ookumi awe, yaari myakha iminya khentta nuuwa mithanu (905) ni ahokhwa.
12Waapihenryawe Kayinaa myakha sapini (70) ahonnyara Malaleli. 13Kayinaa nannyanrene Malaleli, ahokhala nkumi mpaka myakha iminya naane nuuwa arupayini (840) ni ahaayara asaana asilopwana na asithiyana. 14Mahuku othene ookumi awe, yaari myakha iminya khentta nuuwa khumi (910) ni ahokhwa.
15Wapihenryawe Malaleli myakha sitini nuuwa mithanu (65) ahonnyara Yereti. 16Nannyanrene Yereti Malaleli, ahokhala nkumi mpaka myakha iminya naane nuuwa talathini (830) ni ahaayara asaana asilopwana na asithiyana. 17Mahuku othene ukumi awe, yaari myakha iminya naane nuuwa tuswini na mithanu (895) ni ahokhwa.
18Wapihenryawe Yereti myakha iminya wo sitini na miili (162) ahonnyara Enoki. 19Nannyanrene Enoki Yereti ahokhala nkumi mpaka myakha iminya naane (800) ni ahaayara asaana asilopwana na asithiyana. 20Mahuku othene ookumi awe, yaari myakha iminya khentta nuuwa sitini na miili (962) ni ahokhwa.
21Wapihenryawe Enoki myakha sitini na mithanu (65) ahonnyara Metusalemu. 22Nannyanrene Metusalemu, Enoki aheetta ni Nluku myakha iminya ttharu (300) ni ahaayara asaana asilopwana na asithiyana. 23Mahuku othene ookumi awe, yaari myakha iminya ttharu wo sitini nuuwa mithanu (365). 24Enoki aheetta ni Nluku, ni ahorimyarimya kontha Nluku ahonkusa.
25Wapihenryawe Metusalemu myakha iminya nuuwa thamanini na saapa (187) ahonnyara Lameke. 26Nannyanrene Metusalemu Lameke ahokhala nkumi mpaka, myakha iminya saapa nuuwa thamanini na miili (782) ni ahaayara asaana asilopwana na asithiyana. 27Mahuku othene ukumi awe, yaari myakha iminya khentta wo sitini nuuwa naane (969) ni ahokhwa.
28Wapihenryawe Lameke myakha iminya nuuwa thamanini na miili (182), ahonnyara mwana mmoca. 29Ahonvaha ncina na Nowee ni aheera: Ula naahala uniwukula miteko cihu ni uhuva wo mmatatani mwihu ommwaaninya ni itthaya ilaphiye ni Mwanene Nluku. 30Nannyanrene Lameke, Nowee ahokhala nkumi mpaka myakha iminya thanu ni tuswini nuuwa mithanu (595) ni ahaayara asaana akina asilopwana na asithiyana. 31Mahuku othene ookumi awe, yaari myakha iminya saapa ni sapini nuuwa saapa (777) ni ahokhwa.
32Wapihenryawe Nowee myakha iminya thanu (500) ahaayara tho asaana akina yeehaninya: Seemu, Kani ni Yafeti.
المحددات الحالية:
Mphattuwelo 5: NNI
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
© 2021, Wycliffe Bible Translators, Inc. All rights reserved.
