Juɛl a pwɔdɛn tɛ Mak 7
7
1MAKƐ Paraci bɛnɛ Yecu ti yakɛn makɛ kijɛ wɛragɛ, ma bɛnɛ ta Jerucalem, 2ɔci ma gɔrcɛn makɛ botɛn Yecu omɛn am tɛ biŋkɛ a gikɛn, biŋkɛ luɔŋɛ bɛ. 3Makɛ Paraci ɔci ma Judaya wakɛnda biŋkɛ luɔgdɛ nɛ pwɔdɛn tha omkɛ am; kan biŋkɛ luɔgdɛ bɛ, am daldɛ: jig makɛ dwɔŋɛn tebatɛ a ɔŋ. 4Tɛ ma bɛyɛkɛ ta dukan ji, kan wakɛ luɔgdɛ bɛ, am daljɛn: ɔci jig jiɛtkɛn a coŋɛn tɛ wakɛ naŋdɛ ma ba yirtɛ kubaya ɔci cakan ɔci bilkɛ. 5Ma Paraci ɔci makɛ kijɛ wɛragɛ tocɛ Eke ti: Makɛ botɛn I noŋdɛ wakɛ ba juɛl gwɔŋɛ makɛ dwɔŋɛn tebatɛ bɛ, ɣogɛ? ɔci am amɛn tɛ biŋkɛ a gikɛn yogɛ? 6Ɔci Yecu gɔkjɛ eken ti: Ajaya jig laldɛn a pwɔdɛn tha labjɛ ɣɛke, ba juɛl kienɛn:
Ma a nɛnɛ gɔkjɛ tha Ya jig a pwɔdɛn tɛ togɛ,
Ɔci yumgɛn eken ballɛ ɔntɔ ta Ya.
7Eken muortɛ Yɛ ti budan;
Lotɛn jig eken, jig gwɔgɛ makɛ budan.
8Ɣɛke daldɛn juɛl Juɔŋ a Tolɛn, ɔci muŋɛ juɛl makɛ ban ji. 9Ɔci Yecu gɔkjɛn eken ti: A warɛ ɣɛke yuokɛn tɛ juɛl Juɔŋ a Tolɛn, aŋkɛ ɣɛke noŋdɛ juɛl maban. 10Dalɛ Mojet gɔŋɛn: Noŋdɛ wakɛ pwɔdɛn wegen ti, ɔci noŋdɛ wakɛ pwɔdɛn megen ti; ɔci minɛ gɔktɛ juɛl a yɛyɛn tha wegen ɔci tha megen, dalɛ minɛ tuwɛ a warɛ. 11Ɔci ɣɛke gɔkjɛ: Kan minɛ gɔktɛ wegen ti ɔci megen ti, Tha aginɛ pwɔdɛn ɣɛke ti nɛnɛ a Korban, tɛ jig maban, Nɛnɛ ɣonnɛn tɛ Juɔŋ a Tolɛn; 12aŋkɛ wakɛ naŋtɛn tɛ wegen ɔci megen bawɛ. 13Aŋkɛ juɛl Juɔŋ a Tolɛn dulɛn, juɛl makɛ ban ji mwuŋɛn. Ɣɛke noŋɛ amam ɔŋ, ɔci jig a coŋɛn ballɛ. 14Ɔci Yecu borcɛ makɛ coŋɛn Eke ti mokɛ, ɔci gɔkjɛn: Ɣɛke tiŋdɛ juɛl Ya wakɛnda, jithɛ: 15wakɛ ballɛ burɛ warɛ ti, akɛ noŋdɛ yayɛn konɛ ti bɛ; wakɛ yayɛn maban ti a wakɛ bɛnɛ burɛ tɛ minɛ konɛ ti. 16Ɔci tɛ Yecu kacɛn ɣora, makɛ coŋɛn nɛnɛ dulɛn, 17makɛ botɛn tocɛn Eke ti tɛ parabɔl. 18Yecu gɔkjɛn eken ti: Jithɛn ɣɛke ti bawɛ daŋkɛn? Yowɛrnɛ ɣɛke bɛ, wakɛ ballɛ burɛ uljɛn jiju naŋtɛn yayɛn bɛ; 19ballɛ yumɛ ti bɛ, ballɛ konɛ ti, ɔci piɛltɛ ma burɛ? Wakɛ amtɛn a pwɔcɛn wakɛnda. 20Ɔci Eke gɔkjɛn: Wakɛ bɛnɛ burɛ tɛ min ban, nɛnɛ noŋdɛ yayɛn. 21Ta jiju minɛ yumɛ ti bɛyɛkɛ jig a yayɛn, ɔci a tubɛn, ɔci a ɛn, ɔci a nhuwɛn, 22ɔci a labɛn, ɔci a yum digɛn, ɔci a waŋ a yayɛn, ɔci a dharŋɛn, ɔci a yum dilcɛn, ɔci aginɛ amam: 23nɛnɛ bɛnɛ ta jiju wakɛnda, ɔci noŋdɛ yayɛn min ban ti.
24Ɔci Yecu jɔŋɛ ta wɛni, atɛn ɔntɔ tɛ non ballɛ cwɔlɛn tɛ ban Tayɛ, ɔci ban Caydon. Ɔci Eke kacɛn ɣora, toktɛ ma gɔrtɛ Eke bɛ: ɔci Eke yakɛn ti tɛ tarŋɛ bɛ. 25Aca nɛntɛ minɛ eŋ bɛnɛ, dulcɛn Yecu kiegɛ ti, kacɛ a tɔla eke mwuŋɛ juɔŋ a yayɛn. 26Eŋ nɛnɛ a bwoinkɛ ma Giriki, ta ban Cura Poinika. Ɔci eke nyiwɛn Yecu ti akɛ juɔŋ a yayɛn yɛptɛ ɔntɔ ta kacɛ ekta. 27Ɔci Yecu gɔkjɛ eke ti: Dalɛ kegen korkɛ yoŋdɛ nyamɔ: minɛ am kegen edɛ aŋkɛ yɛptɛ tɛ gɔk, a yayɛ. 28Aŋkɛ eŋ gɔkjɛ: Ɛ Ɛ, ɔŋ, Ciagɔn Tolɛn: dalɛ gɔk omɛ wakɛ kegen dɛmɛn tɛ aŋgen pwɔnɛ ti. 29Yecu gɔkjɛn: Tha juɛl a nɛnɛ i ɔgdɛ otɛ ban ji; juɔŋ a yayɛn atɛn ɔntɔ ta kacɛ i. 30Ɔci eŋ atɛ banɛ ti dokɛ, ɔci kacɛ mɔktɛn ninɛn tɛ aŋgen, juɔŋ a yayɛn bawɛ eke ti.
31Ɔci Yecu atɛ ta ban Tayɛ, bɛnɛ gutɛ ban Caydon, atɛ thul Galili, gutɛ ban Decapolit, duljɛn ɔntɔ. 32Ɔci ma ɛcɛn minɛ a miŋɛ, minɛ yakɛn ti gɔkjɛ jig bɛ; ɔci ma nyiwɛ Yecu ti aŋkɛ minɛ tabdɛ tɛ biŋɛ. 33Ɔci Yecu minɛ a miŋɛ enyɛ ɔntɔ, makɛ coŋɛn dulɛn, ɔci biŋkɛ tɔlgɛn uldɛn jiɛtkɛn ti, ɔci Eke nyan uldɛn, ɔci tabdɛ minɛ lɛmɛ ti; 34ɔci puɔlɛ nyalɔ gwɔldɛ, Eke gɔkjɛn minɛ ti: Eprata, Da pɔktɛ. 35Ɔci jiɛtkɛn pwɔŋɛ dokɛ, ɔci lɛmɛ pwɔŋɛ dokɛ, ɔci eke gɔkjɛ jig nɛ pwɔdɛn. 36Ɔci Yecu gɔkjɛ: Na minɛ myitkɛ bɛ: ɔci tɛ Eke gɔkjɛ jig a nɛnɛ, ma gɔkjɛ jig nɛ peny ɔci ma myinɛn a coŋɛn. 37Ɔci ma punɛn nɛ tolɛn, pot pot bɛ; gɔkjɛn: Yecu noŋdɛ wakɛ pwɔdɛn wakɛnda: ma a miŋkɛ naŋɛn aŋkɛ tiŋɛn jig, ɔci ma aaman naŋɛn aŋkɛ gɔktɛ jig.
المحددات الحالية:
Juɛl a pwɔdɛn tɛ Mak 7: MFZ1947
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
First published by British and Foreign Bible Society in 1947.
