GENESIS 22
22
Isaacta wañuchispa Abraham kañay munasqanmanta
1Kaykuna pasaruptinmi Abrahamta Dios pruebaspam nirqa:
—Abraham —nispa.
Hinaptinmi payñataq nirqa:
—Niwayá —nispa.
2Chaymi Dios nirqa:
—Sapallan kuyasqayki churiki Isaacta pusaspa riy Moria lawman hinaspa wañuchispa kañasqa ofrendata ofrecemuway ñoqapa nisqay kaq moqopi —nispa.
3Chaymi Abraham tutapayta hatarispa asnota caronarqa hinaspam iskay sirvientenkunata pusarikuspa rirqa churin Isaacpiwan. Chitqarqataqmi yantatapas churinta wañuchispa kañananpaq hinaspam rirqaku Diospa nisqan lugarman. 4Kimsa punchawninmanmi karullamantaraq Abraham rikururqa chay lugarta. 5Hinaptinmi sirvientenkunata Abraham nirqa:
—Suyawachkaychik kaypi asnontin, warmawan rispaymi Diosta adoraramusaqku hinaspañam kutimusaqku —nispa.
6Wañuchispa kañananpaq yantatam churin Isaacta qepichirqa, aparqataqmi ninatawan cuchillotapas, paykunaqa kuskam rirqaku. 7Chaymi taytan Abrahamta Isaac nirqa:
—Taytáy —nispa.
Chaymi payñataq nirqa:
—Niwayá —nispa.
Chaymi Isaac nirqa:
—Kaypim kachkan yantapiwan nina. ¿Maypitaq kachkan wañuchispa kañanapaq carneroqa? —nispa.
8Abrahamñataqmi nirqa:
—Kikin Diosmi churamunqa wañuchispa kañanapaq carnerotaqa, churilláy —nispan.
Hinaspam kuskanku rirqaku. 9Diospa nisqan lugarman chayaruptinkum Abraham rurarqa altarta hinaspam churarqa yantata. Churintapas chaknaruspami altarpi yantapa hawanman churarqa. 10Chaymantam Abrahamqa cuchillota hapirqa churinta kuchunanpaq. 11Hinaptinmi Tayta Diospa angelnin cielomanta qayamurqa:
—Abraham, Abraham —nispa.
Hinaptinmi payñataq nirqa:
—Niwayá —nispa.
12Chaymi angelñataq nirqa:
—Ama imanaychu warmata, ñam yachaniña Dios manchakusqaykita, chullalla churikitapas ofrecewanaykipaqmi mana harkakuwarqankichu —nispa.
13Chaymi Abraham qawariykuspan rikururqa huk carnerota waqranmanta chaprapi arwikusqata. Chaymi Abraham carnerota hapirurqa hinaspam wañurachispan kañarqa churinpa rantinpi. 14Abrahanmi suticharqa chay lugarta “Tayta Diosmi Churamunqa” niq sutiwan. Chayraykum kay libro qellqasqa kasqan tiempokama niqku: “Tayta Diospa orqonpim churamusqa kanqa” nispa.
15Tayta Diospa angelnin cielomanta yapatawan qayamuspam Abrahamta nirqa:
16—Tayta Diosmi nisunki: “Sapallan churikitapas ofrecewanaykipaq mana harkakusqaykiraykum kikiyrayku juramentani. 17Anchallataña bendecispaymi mirachisqayki lucerokunata hinaspa lamar qochapa patanpi aqota hinaña, chaymi miraynikikuna enemigonkunata vencenqa. 18Kasuwasqaykiraykum kay pachapi lliw runakuna miraynikirayku bendecisqa kanqa” nispa.
19Chaymi Abraham kutirqa sirvientenkunapa kasqanman. Chaymantam kutirqaku Beerseba llaqtaman, chaypim Abraham *f**yacharqa.
Nacorpa churinkunamanta
20Kaykuna pasaruptinmi Abrahanman willarqaku:
—Milcapas wachakurunmi wawqeki Nacorpa churinkunata, 21piwinpa sutinmi Huz, qatiqninñataqmi wawqen Buz, hukninñataqmi Haranpa taytan Kemuel, 22wakinpa sutinñataqmi Quesed, Hazo, Pildas, Jidlaf hinaspa Betuel —nispa. 23Betuelpa churinmi karqa Rebeca. Chay pusaqnintintam Milca wachakurqa Abrahampa wawqen Nacorpata.
24Reuma sutiyoq Nacorpa churi-wachanñataqmi wachakurqa Tebasta, Gahamta, Tahasta hinaspa Maacata.
المحددات الحالية:
GENESIS 22: QUEAYA87
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
