GENESIS 20
20
Abrahanmantawan Abimelecmanta
1Chay lugarmantam Abraham Neguev lawman rirqa hinaspam *f**yacharqa Gerar llaqtapi, chayqa tarikun Cades llaqtamanta Shur lawman riq nanpim. 2Chaypi kaspanmi Abraham warmin Saramanta nirqa: “Paniymi” nispan. Hinaptinmi Gerar llaqtapi rey Abimelec Sarata pusachimurqa paywan casarakunanpaq. 3Ichaqa tutanmi mosqoyninpi Dios rikuriykuspan Abimelecta nirqa:
—Kunanqa wañunkim, kay warmi pusachimusqaykiqa qosayoqmi —nispa.
4Ichaqa Abimelecmi manaraq Sarawan puñusqanrayku nirqa:
—Señorniy, ¿mana huchallikuq runatapas wañuchinkichum? 5Kikin Abrahanmi niwarqa: “Paniymi”, nispa, Sarapas niwarqataqmi: “turiymi” nispa, allin sonqoywanmi kaytaqa rurarqani, manam llullaytachu —nispa.
6Hinaptinmi chay mosqoyninpi Dios nirqa:
—Yachanim allin sonqoykiwan rurasqaykita chaymi harkaykurqayki contraypi huchallikunaykimanta. Chayraykum mana permitirqanichu pay llachpanaykita. 7Kunanyá chay warmita qosan Abrahanman kutichipuy, payqa ñoqamanta willakuqmi, mañapusunkim mana wañunaykipaq. Aswanqa mana kutichispaykiqa wañurunkipunim llapallan runaykikunapiwan —nispa.
8Chaymi Abimelec hatarirqa paqarinnintin tutapayta hinaspam llapallan serviqninkunata qayachispan nirqa Diospa tukuy nisqanta chaymi runakuna mancharikururqaku sinchillataña. 9Chaymantam Abrahamta Abilemec qayachispa nirqa:
—¿Imatataq kayta ruraruwankiku? ¿Imapitaq ñoqaqa huchallikurqayki ñoqatawan runaykunata llumpa-llumpayta huchallichiwanaykikupaqqa? Mana ruranaykitam kaytaqa ruraruwankiku. 10¿Imatataq piensarqanki kayta ruranaykipaqa? —nispa.
11Hinaptinmi Abrahamñataq nirqa:
—Piensarqanim: “Kaypiqa manam Diosta manchakunkuchu, chaychá wañurachiwanqaku warmiyrayku” nispay. 12Cheqaptapunipas payqa taytaymanta paniymi ichaqa manam mamaypa wawanchu, chayraykum paywan casarakurqani. 13Diosmi horqomuwarqa taytaypa wasinmanta forasterota hina chaymi warmiyta nirqani: “Ama hina kaspaykim turichakuwanki may lugarman chayaptinchikpas” nispay.
14Abrahanmanmi Abimelec akllaykuspa qoykurqa ovejakunata, vacakunata, sirvientakunata, sirvientekunata, kutichipurqataqmi warmin Saratapas. 15Chaymantam Abrahamta Abimelec nirqa:
—Kay qawasqayki allpapipas munasqaykipiyá *f**yachakuy —nispa.
16Saratapas nirqataqmi:
—Kunanmi chunka hukniyoq kilo parten qollqeta turikiman qoni, kaymi kanqa llapallan qanwan kaqkunapi chaynataq lliwpa qayllanpi honorniki defiendesqa kananpaq chaynapim inocente kanki —nispa.
17Diosta Abraham mañakuptinmi sanoyachirqa Abimelecta, warminta hinaspa sirvientankunata, hinaptinmi chayraq wachakurqaku. 18Abrahampa warmin Sararaykum Abimelecpa wasinpi llapa warmipa madrenta Tayta Dios wichqarurqa.
المحددات الحالية:
GENESIS 20: QUEAYA87
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
