GENESIS 10
10
Noeypa mirayninkunamanta
(1 Cr 1:5-23)
1Kaykunam Noeypa churinkuna: Sem, Cam hinaspa Jafet, paykunapam churinkuna nacerqaraq sinchi para pasayta.
2Jafetpa churinkunam karqa Gomer, Magog, Madai, Javan, Tubal, Mesec hinaspa Tiras. 3Gomerpa churinkunañataqmi karqa Askenaz, Rifat hinaspa Togarma. 4Javanpa churinkunañataqmi karqa Elisa, Tarsis, Quitim hinaspa Rodanim. 5Jafetpa chay mirayninkunawanmi huntarurqa lamar qochapa patankuna, sapa llaqtapi rimayninkuman hina hinaspa nacionninkupi ayllukunaman hina.
6Campa churinkunam karqa Cus, Mizraim, Fut hinaspa Canaan. 7Cuspa churinkunañataqmi karqa Seba, Havila, Sabta, Raama hinaspa Sabteca. Raamapa churinkunam karqa Sebawan Dedan. 8Cuspa mirayninmi karqa Nimrod sutiyoq, paymi karqa kay pachapi kallpasapa runa. 9Paymi Tayta Diospa qayllanpi karqa purun animalkuna hapiq kallpasapa runa. Chayraykum pipas kallpasapa runamantaqa niqku:
Kay runaqa Nimrod qari hinaraqmi,
payqa Tayta Diospa qayllanpi
purun animalkuna hapiq
kallpasapa cazador hinaraqmi.
10Nimrodmi gobiernayta qallaykurqa Babel llaqtapi, Erec llaqtapi hinaspa Acad llaqtapi, chay llaqtakunam karqa Sinar lawpi. 11Chay Sinar allpamantam lloqsirqa Asiria lawman hinaspam Ninive llaqtata, Rehobot-ir llaqtata hinaspa Cala llaqtata hatarichirqa. 12Hatarichirqataqmi Resen hatun llaqtatapas, chayqa tarikun Ninive llaqtamanta Cala llaqtaman riq ñanpim.
13Mizraimpa mirayninkunañataqmi karqa Lud runakuna, Anam runakuna, Lehab runakuna, Naftuh runakuna, 14Patrus runakuna hinaspa Casluh runakuna. Caftor runakunapas Mizraimpa mirayninmi karqa. Paykunapa castanmi karqa Filistea runakuna.
15Canaanpa piwi churinñataqmi karqa Sidon, Sidonman qatiqñataqmi karqa Het. 16Canaanpa mirayninmi Jebus runakuna, Amor runakuna, Gerges runakuna, 17Hiv runakuna, Arac runakuna, Sin runakuna, 18Arvad runakuna, Zemar runakuna hinaspa Hamat runakuna. Chay tiempomantam Canaan runakuna cheqerurqaku. 19Sidon lawmantam Canaan runakunapa allpan colindarqa Gerar llaqtawan, Gaza llaqtawan, Sodoma llaqtawan, Gomorra llaqtawan, Adma llaqtawan, Zeboim lawwan hinaspa Lasa llaqtawan tupanankama. 20Paykunamá karqa Cam sutiyoq runapa castankuna rimayninkuman hina chaynataq allpankupipas nacionninkupipas ayllunkuman hina.
21Sem sutiyoq runam karqa Jafetpa mayor wawqen. Heberpa llapallan churinkunam karqa Sempa mirayninkuna. 22Sempa churinkunam karqa: Elam, Asur, Arfaxad, Lud hinaspa Aram. 23Arampa churinkunañataqmi karqa Uz, Hul, Geter hinaspa Mas. 24Arfaxadpa churinmi karqa Sala, Salapa churinñataqmi karqa Heber. 25Heberpam iskay churinkuna karqa, hukninmi karqa #Hebreo simipi Peleg ninanqa “rakinasqa” ninanmi.Peleg. Pelegwanmi suticharqaku paypa tiemponpi allpa rakinakurusqanrayku, wawqenpa sutinñataqmi karqa Joctan. 26Joctanpa churinkunam karqa Almodad, Selef, Hazar-mavet, Jera, 27Adoram, Uzal, Dicla, 28Obal, Abimael, Seba, 29Ofir, Havila hinaspa Jobab. Paykunam llapallanku karqaku Joctanpa churinkuna. 30*f**Yachasqanku allpam karqa Mesa lawmanta intipa qespimunan Sefar law orqokama. 31Paykunam karqa Sempa castankuna rimayninkuman hina, allpankupi nacionninkupi ayllunkunaman hina.
32Paykunamá karqa Noeypa churinkunapa ayllunkuna nacionninkupi mirasqakuman hina. Paykunamá sinchi parapa qepanta tukuy hinastinman cheqeruspanku nacionninkuta hatarichirqaku.
المحددات الحالية:
GENESIS 10: QUEAYA87
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
