Creenaght Solomon 9
9
CAB. IX.
1O Yee m’ayraghyn, as Hiarn dy vyghin, t’er chroo dagh nhee liorish dty ghoo,
2As trooid dty chreenaght t’er n’oardaghey da dooinney, dy beagh reill echey harrish ny cretooryn t’ou er chroo,
3As yn seihll y ordrail cordail rish cairys as kiartys, as briwnys y chooilleeney lesh cree ynrick:
4Cur dooys yn chreenaght ta ny hoie liorish dty stoyl-reeoil, as ny jean m’y yiooldey veih mastey dty chloan.
5Son ta mish dty harvaant, as mac dty inney-veyl, my ghooinney faase, as giare-heihltagh, as ro-aeg dy hoiggal briwnys as leighyn.
6Son lhig da dooinney ve cha ynrick as saillish mastey cloan gheiney, ny-yeih mannagh vel dty chreenaght mârish, cha bee soiaghey jeant jeh.
7T’ou er my reih dy ve my ree harrish dty phobble, as dy ve my vriw er dty vec as dty inneenyn.
8T’ou er my harey dy hroggal chiamble er dty chronk casherick, as altar ayns ard-valley dty chummal, co-soylaghey yn chabbane-agglish casherick t’ou er chummey veih’n toshiaght.
9As va creenaght mayrt ta toiggal dty obbraghyn, as v’ee kionfenish tra ren oo yn seihll y chroo, as bione jee cre va mie ayns dty hilley, as jeeragh ayns dty annaghyn.
10O cur neose ee veih dty niaughyn casherick, as veih stoyl-reeoil dty ghloyr, dy vod ee goll mârym ayns my obbraghyn, as cur orrym toiggal cre ta taitnyssagh hoods.
11Son ta fys as toiggal eck ayns dy chooilley nhee, as nee ee mish y leeideil dy sheelt ayns my yannoo, as mee y choadey liorish e pooar.
12Myr shen bee my obbraghyn booisal gys Jee, as eisht nee’m yn pobble y vriwnys dy cairal, as bee’m feeu dy hoie er stoyl my ayrey.
13Son quoi yn dooinney oddys toiggal coyrleyn Yee? ny quoi echey ta fys cre ta aigney yn Chiarn?
14Son s’fardalee ta smooinaghtyn deiney marvaanagh, as s’neu-hickyr ta nyn saaseyn!
15Son ta’n corp marvaanagh laadey sheese yn annym, as ta’n cabbane-thallooinagh ny errey da’n aigney ta smooinaghtyn er ymmodee cooishyn.
16As s’coan ta shin briwnys dy cairal mychione nheeghyn thallooinagh, as dy deinagh ta shin geddyn baght jeh ny reddyn ta kiongoyrt rooin: agh jeh ny nheeghyn flaunyssagh quoi ec ta slane toiggal?
17As dty choyrle quoi t’er doiggal, mannagh der oo creenaght da, as dty spyrryd casherick y choyrt veih’n yrjid?
18Shoh myr va raaidyn cummaltee yn thallooin er nyn lhiasaghey, as va deiney ynsit ayns ny reddyn va lurg dt’aigney’s, as v’ad er nyn sauail liorish creenaght.
المحددات الحالية:
Creenaght Solomon 9: YNAP
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
© Society for Promoting Christian Knowledge (SPCK) under licence to the British and Foreign Bible Society (BFBS) 2017