RIPHUTNA 4
4
Kaina neh Abela
1Adama#4:1Adama: Hebrai tiang chu ‘miriam khan’ tina inin â lang. khan a nupui Evi kha a pôl a; khanchu, Evi khan nai a vong a, naiipa a neia, “Pumapa iṭangpuiin naiipa kî nei tâk a nit” a ti a. Khanchu, arming Kaina a sak a. 2Khanungah khan naiipa ngir Abela a nei nôk a. Abela khah bera vâitun a om a, Kaina khah chu loisin ithotun a om tâk a. 3A nakana chu Kaina khan Pumapa zianga lan rang a loia chimu vâng ithar khah a hong chôi a. 4Abela khom khan a bera lôm lâia suak masa kha a hong chôi a, a that a, a satak iṭhahei khah thillanin a pêk a. Pumapa khan Abela neh a thillan khah a lôm a.#Heb.11:4. 5Nikhomsela, Kaina neh a thillan khah chu lôm mak a. Kaina khah a ning a thik ok a, a mâi khah a hong duk zap tâk a. 6Pumapa khan Kaina ziangah khan, “Ithôm ning ni înthik? Ithôm ni mâi ai duk zap tâk? #Mat.23:35; Lk.11:51; 1 Joh.3:12. 7Thil ni thon ṭhatin chu nang kî lôm#4:7 ‘Ni mêl khom fân a ti,’ itia let thei a nit. ngêt rang a nit; nikhomsela, ni thôn ṭhat no sikah khan sual khah ni inkot bulah a îbok ṭian mai a nit. Ani khan ni chungah thu nei ai nuam a nit; khanniseh, nangman a chungah thu ni nei ngêt rang a nit,” a ti a.
8Khanungchu, Kaina khan a unaipa Abela ziangah, “Tho loiah lei fe rei,” a ti a. Loiah an om tenan chu Kaina khan a unaipa Abela khah arsualpui a, a that tâk a.
9Khanchu, Pumapa khan Kaina ziangah khan, “Ni unai Abela khah taktiang im ai om tâk?” a ti a.
Ani khan, “Reh mang e. Ki unaipa enkoltu ki nit im a?” a ti a.
10 Pumapa khan, “Ithôm hi thil ṭhano hih nî tho tâk? Phuba la pêk ranga koina rôl irî angkan ni unaipa thisen ikhêk khan rinênga rithokin a ne isam sôn mak chêm.#Heb.12:24. 11Khasikin, ni kut ata ni unaipa thisen lei idongtu rinêng ata hih vânisal ni nit tâk. 12Rinêngah loi ni tho khomin a ṭhatna chu nang peh khâi no nia; rinêng a hin ilêng ivâi hong ni tâng ni ti,” a ti a.
13Kaina khan Pumapa ziangah, “Ni nen tuangna hih a natinsat rai a, tuang zoi no ning e. 14Hi ram ata ni ne ûmisua tâk a, nangma mitmua rithokin ni ne khâi pai tâk a; rinêng chungah hin mi vâi mi lêng ki hong init rang tâk a nit a, tukhom ne mu kangânin chu an ne ithat rang a nit,” a ti a.
15Khannisela, Pumapa khan a ziangah, “Nang that no nih. Tukhom nang ithat tak chu a bâk sarikan a chungah phuba la nîng a ti,” a ti a. Min an mua amah an that nona rangin Pumapa khan Kaina chungah khan risin a sia a. 16Khanchu, Kaina khah Pumapa mitmu a rithokin a rot a, Eden sua lam tianga Nod #4:16 “Ivâina” tina a nit. ramah khan a om tâk a.
Kaina richihei
17Kaina neh a nupui khan naiipa Enoka an nei a. Khanungchu, Kaina khan khua a siam a, a khua rimingah khan a naipa riming inpêlin Enok a be a. 18Enoka khan naiipa Irada a nei a; Irada khan Mehujaela a nei a; Mehujaela khan Methusaela a nei a, Methusaela khan Lameka a nei a. 19Lameka khan nupui inikah Adaii neh Zillaii a nei a. 20Adaii khan Jabala a nei a; ani khah puan ina om a, ran ivâi ngaihei chibul a nit. 21A unaipa khah Jubala a nit a; ani khah irîhoi neh perkhuang neh theile tum ngaituhei chibul a nit. 22Zillaii khom khan Tubal-Kaina a nei a; ani khah dâr neh thîr riamrei tinrêng isiam ngaitu a nit. Tubal-Kaina farnu khah Naamaii a nit.
23Lameka khan a nupuihei ziangah khan;
“Adaii neh Zillaii, Lameka nupuihei o,
Ki tiang nin ibeng do unla,
Ki ṭong hi ringai rei.
Ki chungah kuttum â lek sikin tlangvâl khatkah kî that tâk a nit.
24Kaina phuba lâknan mi sarikah an thi a nitin chu,
Lameka phuba lâknan chu mi sômsarika sarikah ithat ni ngêt a ti,” a ti a.#Mat.18:22.
Setha neh Enosa
25Adama neh a nupui khan naiipa dang an nei nôk a, arming Setha an sak a, Evi khan, “Kainan ai that tâk Abela rithûlin Pathianin naiipa a ne ipêk nôk tâk a nit,” a ti a. 26Setha khom khan naiipa a hong nei a, arming Enosa a sak a. Hi zoro lâi ata hih a nit, miriamhein Pumapa#4:26 PUMAPA (IAHUA) chu Pathianin an biak tâk tina a nit. riming ichinga chubai iûn an hong iphut tâk chu a nit.
المحددات الحالية:
RIPHUTNA 4: BIATBSI
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
The Bible Society of India
© 2014, Used by permission. All rights reserved. More
