ᒉᓂᓯᔅ 2
2
1ᒦ ᐃᐌ ᑳᐃᔑ ᑮᔑᒋᑳᑌᒃ ᑮᔑᒃ, ᐊᑭ ᑲᔦ, ᑲᑭᓇ ᑲᔦ ᑫᑰᓇᓐ ᐃᐃᒫ ᐁᔮᑭᓐ᙮ 2#Exo 20.11. ᒦᔥ ᑭᔐᒪᓂᑑ ᑳᓃᔣᓱᑮᔑᑳᓂᒃ ᐋᔕ ᐅᑮ ᐅᒋ ᑮᔑᑑᓐ ᒥᓂᒃ ᑫᑰᓐ ᑳᑮ ᐅᔑᑑᒡ᙮ ᒦᑕᔥ ᑳᐃᔑ ᐋᑌᔑᕽ ᑳᓃᔣᓱᑮᔑᑲᓂᓂᒃ ᑳᐃᔥᒀ ᐅᔑᑑᒡ ᒥᓂᒃ ᑫᑰᓐ ᑳᑮ ᐊᓄᑳᑕᕽ᙮ #Heb 4.4,10. 3ᑭᔐᒪᓂᑑ ᑕᔥ ᐅᑮ ᐃᓇᑑᓐ ᐃᐃ ᑳᓃᔣᓱᑮᔑᑲᓂᓂᒃ ᒋᒥᓋᑭᒋᑳᑌᓂᒃ ᔑᑾ ᒋᑭᒋ ᐃᓀᑖᑾᓂᓂᒃ ᐃᐃ ᑮᔑᑲᓐ, ᐋᓃᔥ ᒦ ᐃ ᐊᐲ ᑭᔐᒪᓂᑑ ᑳᐊᓉᔑᕽ ᑲᑭᓇ ᑮᑮᔑᑑᒡ ᐅᑕᓄᑮᐎᓐ᙮
ᑭᑎᑫᐗᑲᒥᒃ ᐄᑎᓐ ᐁᑕᔑᑌᒃ
4ᒦ ᓴ ᐃ ᐁᓈᑐᑌᒃ ᐁᑮ ᐅᔑᒋᑳᑌᒃ ᑮᔑᒃ, ᐊᑭ ᑲᔦ᙮
ᐊᐲ ᑳᑎᐯᒋᑫᒡ ᑭᔐᒪᓂᑑ ᑮᐅᔑᑑᒡ ᐊᑮᓂ, ᑮᔑᒃ ᑲᔦ, 5ᑳᐐᓐ ᒪᔑ ᑮᐊᔮᓯᓅᓇᓐ ᐐᑾᐲᓴᓐ ᐊᑮᕽ, ᑳᐐᓐ ᑲᔦ ᒪᔑ ᑮᐱ ᓵᑲᑮᓯᓅᓇᓐ ᐊᔥᑭᐸᑰᓴᓐ, ᐋᓃᔥ ᑳᑎᐯᒋᑫᒡ ᑳᒪᔑ ᐅᑮ ᐅᔑᑑᓰᓐ ᒋᑭᒥᐗᓂᓂᒃ ᐊᑮᕽ᙮ ᑳᐐᓐ ᑲᔦ ᒪᔑ ᑮᐊᔮᓰ ᐃᓂᓂ ᑫᐱᑭᔥᑲᐊᑮᒡ᙮ 6ᑲᔥᑲᐗᓐ ᑕᔥ ᐊᑮᕽ ᑮᐅᒋ ᐅᐱᔥᑳ ᑳᐅᒋ ᓂᐲᐎᒋᑳᑌᒃ ᐅᐅ ᐊᑭ ᒥᓯᐌ᙮
7 # 1Co 15.45. ᑳᑎᐯᒋᑫᒡ ᑭᔐᒪᓂᑑ ᑕᔥ ᐅᑮ ᐅᒋ ᐅᔑᐋᓐ ᐃᓂᓂᐗᓐ ᐹᒀᐗᕽ ᐊᑮᑳᕽ ᑳᐅᒌᒃ᙮ ᐅᑮ ᐸᑭᑕᓈᒧᓄᑕᐙᓐ ᑕᔥ ᐅᑌᓂᑯᒥᓃᕽ ᒋᐅᒋ ᐱᒫᑎᓯᓂᒡ᙮ ᒦ ᐃᐌ ᑳᐃᔑᐃᓐᒡ ᐊᐊ ᐃᓂᓂ ᒋᐱᒫᑎᓯᒡ ᒋᐊᒑᑯᐎᒡ᙮
8ᑳᑎᐯᒋᑫᒡ ᑭᔐᒪᓂᑑ ᑕᔥ ᐅᑮ ᐅᔑᑑᓐ ᑭᑎᑫᐗᑲᒥᒃ ᐃᐃᒫ ᐙᐸᓄᕽ ᒥᓄ ᐊᑮᕽ ᐄᑎᓐ Eden ᑳᑮ ᐃᒋᑳᑌᓂᒃ᙮ ᒦᑕᔥ ᐃᐃᒫ ᑳᐃᔑ ᐊᓵᒡ ᐃᓂᓂᐗᓐ ᑳᑮ ᐅᔑᐋᒡ᙮ 9#Rev 2.7; 22.2,14. ᑳᑎᐯᒋᑫᒡ ᑭᔐᒪᓂᑑ ᑕᔥ ᐅᑮ ᐅᔑᐋᐞ ᒥᑎᑰᐞ ᒋᓵᑭᑭᓂᒡ ᑲᑭᓇ ᑳᒥᓄᓈᑯᓯᓂᒡ, ᑳᐅᓂᔑᔑᓂᒡ ᒋᐅᒋ ᐐᓯᓂᓂᒡ᙮ ᐃᓂ ᑲᔦ ᐱᒫᑎᓯᐎᓈᑎᑰᓐ ᒣᑴ ᑭᑎᑫᐗᑲᒥᑯᕽ ᐅᑮ ᐃᔑᐋᓐ ᒋᓵᑭᑭᓂᒡ᙮ ᐃᓂ ᑕᔥ ᑲᔦ ᐯᔑᒃ ᒥᑎᑰᓐ ᐌᒋ ᑭᑫᒋᑳᑌᓂᒃ ᒥᓄᐃᔑᐌᐱᓯᐎᓐ, ᐃᐃ ᑲᔦ ᒪᒋᐃᔑᐌᐱᓯᐎᓐ᙮
10ᓰᐱ ᑕᔥ ᑮᐅᒋᒋᐗᓐ ᐃᐃᒫ ᒥᓄ ᐊᑮᕽ ᐄᑎᓐ ᑳᑮ ᐃᒋᑳᑌᒃ ᐁᑮ ᔖᐳᐸᒋᑳᑌᒃ ᑭᑎᑫᐗᑲᒥᒃ᙮ ᒦ ᐃᒫ ᑳᐅᒋ ᓃᐎ ᐸᑫᑎᑴᔮᑭᓐ ᓰᐲᓐ᙮ 11ᐃᐃ ᑕᔥ ᐯᔑᒃ ᐃᔑᓂᑳᑌ ᓰᐱ ᐸᔨᔕᓐ Pishon᙮ ᒦ ᐃᐌ ᐁᐐ ᑌᑎᐹᑎᑴᔮᒃ ᑳᐸᔥᑾᑖᐗᑳᒃ ᐊᑮᕽ ᐋᐱᓬᐊ Havilah ᑳᐃᒋᑳᑌᒃ᙮ ᒦ ᐃᒫ ᐁᔑᐊᔮᒡ ᐅᓵᐎ ᔔᓂᔮᐗᓯᓐ᙮ 12ᐅᓂᔑᔑ ᐊᐊ ᐅᓵᐎ ᔔᓂᔮᐗᓯᓐ ᐁᐅᒌᒡ ᐃᐃᒫ ᐊᑮᕽ᙮ ᐊᐊᔥ ᑲᔦ ᐱᑭᐤ ᑫᒋ ᐅᓂᔑᔑᒡ ᐃᐃᒫ ᐊᔮ ᐊᑮᕽ᙮ ᐊᐊᔥ ᑲᔦ ᐋᓂᑭᔅ Onyx ᐃᔑᓂᑳᓱ ᐁᐯᐯᔖᐱᑭᓯᒡ ᐊᓯᓐ ᐃᐃᒫ ᐊᔮ᙮ 13ᓃᔑᓐ ᓰᐱ ᑳᔐᒋᐗᕽ ᑳᐃᐊᓐ Gihon ᐃᔑᓂᑳᑌ᙮ ᒦ ᐃᒫ ᑰᔥ Cush ᐊᑮᕽ ᐃᔑ ᑌᑎᐹᑎᑴᔮ᙮ 14ᓂᓯᓐ ᓰᐱ ᑖᐃᑲᕒᐃᔅ Tigris ᐃᔑᓂᑳᑌ᙮ ᐙᐸᓄᕽ ᐃᓇᑫ ᐃᔑᑎᑴᔮ ᐊᓰᕒᐃᔭ Assyria ᐊᑮᕽ᙮ ᓃᐎᓐ ᓰᐱ ᑳᒪᑲᑌᑎᑴᔮᒃ ᐃᔫᐸᕒᐁᑏᔅ Euphrates ᐃᔑᓂᑳᑌ᙮
15ᑳᑎᐯᒋᑫᒡ ᑭᔐᒪᓂᑑ ᑕᔥ ᐅᑮ ᐃᔑᐎᓈᓐ ᐃᓂᓂᐗᓐ ᒥᓄ ᐊᑮᕽ ᐄᑎᓐ ᑳᑮ ᐃᔑᓂᑳᑌᓂᒃ ᑭᑎᑫᐗᑲᒥᑯᕽ ᐁᑮ ᐸᑭᑎᓈᒡ ᒋᑭᑎᑳᑕᒥᓂᒡ, ᒋᑲᓇᐌᑕᒥᓂᒡ ᑲᔦ᙮ 16ᑳᑎᐯᒋᑫᒡ ᑭᔐᒪᓂᑑ ᑕᔥ ᐅᑮᐃᓈᓐ ᐃᓂ ᐃᓂᓂᐗᓐ, ᐱᓵᓐ ᐃᑯ ᑭᑲ ᐅᒋ ᐐᓯᓐ ᑲᑭᓇ ᐅᑯ ᒥᑎᑰᒃ ᐁᔮᐙᒡ ᐅᐅᒫ ᑭᑎᑫᐗᑲᒥᑯᕽ᙮ 17ᐊᐊᔥ ᐐᓐ ᐯᔑᒃ ᒥᑎᒃ ᑳᐅᒋ ᑭᑫᑖᑾᒃ ᒥᓄᐃᔑᐌᐱᓯᐎᓐ, ᐃᐃ ᑲᔦ ᒪᒋᐃᔑᐌᐱᓯᐎᓐ, ᑳᐐᓐ ᐃᐃᒫ ᑭᑲ ᐅᑕᒋᑫᓰ᙮ ᐊᐲ ᓴ ᐃᐃᒫ ᐅᑕᒋᑫᔭᓐ, ᑌᐺ ᑭᑲ ᓂᑉ, ᐅᑮᐃᓈᓐ᙮
18ᒦᓇᐙ ᑕᔥ ᑳᑎᐯᒋᑫᒡ ᑭᔐᒪᓂᑑ ᑮᐃᑭᑐ, ᑳᐐᓐ ᑕᐅᓂᔑᔑᓯᓅᓐ ᒋᓂᔑᑫ ᐊᔮᐸᓐ ᐊᐊ ᐃᓂᓂ᙮ ᓂᑲ ᐅᔑᐃᒫᓐ ᑾᔭᒃ ᑫᐐᒋᐃᑯᒡ᙮ 19ᒦᑕᔥ ᑳᐃᔑ ᐅᔑᐋᒡ ᑲᑭᓇ ᐊᔭᐋᐎᔕᐞ, ᐊᑮᓈᕽ ᐁᑮ ᐅᒋ ᐅᔑᐋᒡ, ᐃᐃ ᑲᔦ ᐱᓀᔒᔕᐞ ᑳᐱᒥᓭᓂᒡ ᓀᐗᒋᑮᔑᒃ᙮ ᒦᑕᔥ ᑳᐃᔑ ᐃᔑᐎᑕᐙᒡ ᐃᓂᓂᐗᓐ ᒋᐐᓈᓂᒡ᙮ ᐋᓃᓐ ᑕᔥ ᐃᑯ ᑳᐊᔨᔑᓂᑳᓈᒡ ᐊᐊ ᐃᓂᓂ ᐃᓂᐌᓂᐗᐞ ᐊᔭᐋᐎᔕᐞ, ᒦ ᑯᐃ ᑳᐊᔨᔑᓂᑳᓱᓂᒡ᙮ 20ᒦᑕᔥ ᑳᐃᔑ ᐐᓈᒡ ᐊᐊ ᐃᓂᓂ ᑲᑭᓇ ᐊᐗᑳᓇᐞ, ᒥᓂᒃ ᑲᔦ ᐱᓀᔒᔕᐞ ᑳᐱᒥᓭᓂᒡ ᓀᐗᒋᑮᔑᒃ, ᐊᔭᐋᐎᔕᐞ ᑲᔦ᙮ ᑳᐐᓐ ᑕᔥ ᒪᔑ ᑮᒥᑲᐎᒫᓰᐗᓐ ᑾᔭᒃ ᑫᐐᒋᐃᑯᒡ ᐊᐊ ᐃᓂᓂ᙮
21ᒦᑕᔥ ᑳᑎᐯᒋᑫᒡ ᑭᔐᒪᓂᑑ ᐅᑮ ᑭᐸᑭᑾᔑᒫᓐ ᐃᓂ ᐃᓂᓂᐗᓐ, ᒦᔥ ᑳᐃᔑ ᓂᐹᓂᒡ᙮ ᐅᑮ ᐅᑖᐱᓇᒪᐙᓐ ᑕᔥ ᐯᔑᒃ ᐅᐱᑫᑲᓂᓂ᙮ ᒣᔥᑾᒡ ᑕᔥ ᐐᔮᔅ ᐅᑮ ᑭᐸᐃᑳᑫᓐ ᑳᑮ ᐅᒋ ᐅᑖᐱᓈᒡ ᐅᐱᑫᑲᓇᓐ᙮ 22ᐃᐃᒫ ᑕᔥ ᐅᐱᑫᑲᓂᓃᕽ ᐅᑮ ᐅᒋ ᐅᔑᐋᓐ ᐃᓂ ᐃᑴᐗᓐ᙮ ᒦᑕᔥ ᑳᑮ ᐃᔑ ᐲᑕᒪᐙᒡ ᐃᓂ ᐃᓂᓂᐗᓐ᙮ 23ᒦᑕᔥ ᐅᐅ ᐃᓂᓂ ᑳᐃᑭᑐᒡ,
ᒦᐗᐊ ᑫᑲᐲ ᐗᑮᒡ ᑳᐅᒌᒡ ᓂᑲᓂᕽ,
ᐙᔮᓯᐎᒡ ᑲᔦ ᑳᐅᒌᒡ ᓂᐐᔮᓯᕽ᙮
ᒦᑕᔥ ᐃᑴ ᑕᐃᔑᓂᑳᓱ
ᐋᓃᔥ ᒦ ᐃᒫ ᑮᐅᒋ ᐅᑖᐱᓂᑲᓂᐎ ᐃᓂᓃᕽ᙮
24 # Mat 19.5; Mrk 10.7,8; 1Co 6.16; Eph 5.31. ᒦᑕᔥ ᐃᓂᓂ ᑫᐅᒋ ᓇᑲᓈᒡ ᐅᑌᑌᓐ, ᐅᒫᒫᓐ ᑲᔦ, ᐁᐐ ᒥᒋᒥᓈᒡ ᐃᓂ ᐐᐗᓐ᙮ ᐯᔑᑾᓐ ᑫᐃᔑ ᐐᔮᓭᐙᒡ᙮ 25ᐊᐊ ᑕᔥ ᐃᓂᓂ, ᐊᐊ ᑲᔦ ᐃᑴ ᒥᒋᓃᔥ ᐱᑯ ᑳᐐᓐ ᑮᑭᑭᑯᓇᔦᓰᐗᒃ ᑳᐐᓐ ᑕᔥ ᑮᐊᑲᒋᓰᐗᒃ᙮
المحددات الحالية:
ᒉᓂᓯᔅ 2: OJBS
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Ojibwe Shorter Bible (Syllabic Script) © 2008 Canadian Bible Society
