آيات مشهورة من الكتاب المقدس منSAN JUAN 14

شارك

’Ndi'ya̱ cua'ni na' lo'o ma̱ cha' cua tya'a ti na': cua'ni na' cha' ti̱ ti tyi'i̱ tyiquee ma̱. Ná nchca ji'i̱ ñati̱ chalyuu tyi'i̱ ti̱ ti ngu', pana ycui' na' cua'ni na' cha' ti̱ ti tyi'i̱ ma̱ ―nacui̱ Jesús―. Nga'aa culacua tsa ti' ma̱, nga'aa cutsi̱i̱ ma̱ ―nacui̱―.

―Na' laca̱ nu nclyu'u̱ tyucui̱i̱ ―nacui̱ Jesús li'―, na' nclyu'u̱ lcaa cha' nu liñi ca; na' nda̱ chalyuu tso'o ji'i̱ ngu', chalyuu nu ná nga'a̱ cha' tye. Ná taca ji'i̱ ngu' tyalaa ngu' ca slo ycui' Ndyosi si ná lo'o na' ―nacui̱ Jesús―.

’Ná quiña'a̱ tsa cha' culacua ti' ma̱ cuentya 'na ―nacui̱ Jesús ji'i̱ ngu' li'―. Cua ngusñi ma̱ cha' ji'i̱ ycui' Ndyosi, jua'a̱ xñi tso'o ma̱ cha' jna' li'.

Tiya' la li' caca cuayá' la ti' ma̱ lcaa cha', nu lo'o culu'u Xtyi'i ycui' Ndyosi cha' bi' ji'i̱ ma̱ ―nacui̱ Jesús―. Na cua ta ti ycui' Ndyosi Sti na' ji'i̱ Xtyi'i ycui' Ni cha' ca̱a̱ Ni chalyuu cha' xtyucua Ni ji'i̱ ma̱ lcaa hora chacuayá' jna'. Lo'o jua'a̱ cua'ni nu bi' cha' tyi'u ti' ma̱ lcaa cha' nu cua nchcui' na' lo'o ma̱.

Lcaa ñati̱ nu chañi cha' ntsu'u tyiquee ngu' ña'a̱ ngu' jna', bi' laca ñati̱ nu cua'a̱ jyaca̱ ji'i̱ lcaa cha' nu chcui' na' lo'o ngu'; taquiya' ngu' bi' ji'i̱ cha' bi' ―nacui̱―. Lo'o ntsu'u tsa tyiquee ngu' ña'a̱ ngu' jna', jua'a̱ Sti na' ntsu'u tyiquee Ni ña'a̱ Ni ji'i̱ ngu' bi' li'. Lo'o na', tso'o tsa caca tyiquee na' ña'a̱ na' ji'i̱ ngu' bi', cuati culu'u na' ji'i̱ ngu' bi' lcaa cha' ñi'ya̱ nu laca ycui' Na'.

Lo'o tya'a na', li' chcui' na' lo'o ycui' Ndyosi Sti na' cha' ta Ni chaca nu xtyucua ji'i̱ ma̱; bi' laca Xtyi'i ycui' Ndyosi nu laca su̱u̱ lcaa cha' liñi. Tyanu nu bi' lo'o ma̱ ña'a̱ cuayá' nu tye chalyuu ―nacui̱―. Ná caca tyanu Xtyi'i ycui' Ndyosi ne' cresiya ji'i̱ ñati̱ cuxi, cha' ná nchca ña'a̱ ngu' bi' ji'i̱ Ni, ná nslo ngu' tilaca laca ycui' Ni. Nu cu'ma̱, nslo ma̱ ji'i̱ Ni xqui'ya cha' ndi'i̱ nu bi' lo'o ma̱, lo'o jua'a̱ cua tyanu ti Ni ne' cresiya ji'i̱ ma̱ ―nacui̱ Jesús ji'i̱ ngu'―.

Bi' cha' juani lcaa cha' nu jña ma̱ ji'i̱ ycui' Ndyosi chacuayá' jna', cua'ni na' cha' bi' ―nacui̱―. Jua'a̱ ji'i̱ ycui' Ndyosi Sti na' cua'ni tlyu ngu', nu lo'o cua'ni tlyu ngu' 'na nu laca̱ Sñi' ycui' Ni. Lcaa cha' nu jña ma̱ ji'i̱ Sti na' chacuayá' jna', cua'ni na' cha' bi' li'.

’Taquiya' ma̱ ji'i̱ lcaa cha' nu nchcui' na' lo'o ma̱, si chañi cha' ntsu'u tyiquee ma̱ 'na ―nacui̱ Jesús―.

Quiña'a̱ tsa su tso'o ntsu'u su tyi'i̱ ma̱ ca slo ycui' Ndyosi Sti na'. Tsa'a na' ca bi' cha' cua'ni cho'o na' su tyi'i̱ ma̱. Ná nchcui' na' lo'o cu'ma̱ jua'a̱, si si'i cha' liñi nu nchcui' na' lo'o ma̱ ―nacui̱ Jesús―.

Lo'o jua'a̱ tsa'a na' cha' cua'ni cho'o na' su tyi'i̱ ma̱, li' ca̱a̱ na' lo yuu chaca quiya', ca̱qui'ya na' ji'i̱ ma̱ cha' tyi'i̱ ma̱ lo'o na'.

―Cusu' ―nacui̱ Tomás―, ná jlo ti' ya macala tsaa nu'u̱. ¿Ñi'ya̱ cua'ni ya cha' quije tyucui̱i̱ bi' ji'i̱ ya? ―nacui̱ ji'i̱ Jesús.