آيات مشهورة من الكتاب المقدس منSAN JUAN 13

شارك

Nde chcui' na' sca cña cucui lo'o ma̱ cha' cua'ni ma̱: Nga'a̱ cha' tso'o ti tyu'u tyiquee ma̱ ña'a̱ ma̱ ji'i̱ tya'a ñati̱ ma̱; ñi'ya̱ ntsu'u tsa tyiquee na' ña'a̱ na' ji'i̱ ma̱, la cui' jua'a̱ nga'a̱ cha' tyu'u tyiquee ma̱ ña'a̱ ma̱ ji'i̱ tya'a ñati̱ ma̱. Li' caca cuayá' ti' lcaa ñati̱ cha' ñati̱ nu ndyaca tsa'a̱ 'na laca ma̱, si tso'o ntsu'u tyiquee ma̱ ña'a̱ ma̱ ji'i̱ tya'a ñati̱ ma̱ ―nacui̱ Jesús.

Na' nu laca̱ Xu'na ma̱, na' nu laca̱ Mstru ji'i̱ ma̱ ni, cua ngui'í̱ na' quiya' ma̱; bi' cha' jua'a̱ ntsu'u cha' qui'í̱ ycui' ma̱ quiya' tya'a ma̱ ―nacui̱ yu―. Ngua ti' na' cha' ña'a̱ ma̱ ñi'ya̱ nu ngua'ni na', cha' ñi'ya̱ ngua'ni na' lo'o nguxtyucua na' ji'i̱ ma̱, jua'a̱ ntsu'u cha' cua'ni ma̱ cha' xtyucua ma̱ ji'i̱ tya'a ma̱ ―nacui̱ Jesús ji'i̱ ngu' nu ndyaca tsa'a̱ ji'i̱―.

―Ná nchca cuayá' ti' nu'u̱ juani ni cha' laca ndyu'ni na' jua'a̱ ―nacui̱ Jesús ji'i̱―, pana ca tiya' la xi caca cuayá' ti' nu'u̱.

Cha' liñi nchcui' na' lo'o cu'ma̱, cha' ñati̱ nu laca xu'na ngu', bi' laca loo ji'i̱ ngu', si'i msu nu laca loo; ñati̱ nu nclyo cña ji'i̱ nu tsaa lquichi̱, bi' laca loo, si'i nu ndya'a̱ lquichi̱ ti.

Lo'o juani lo'o ngua cuayá' ti' ma̱ lcaa ña'a̱ cha' nu nda ca ti na' lo'o ma̱, tso'o tsa caca tyiquee ma̱ li', si taquiya' ma̱ ji'i̱ cha' bi' ―nacui̱―.

pana ndatu̱ Jesús to' mesa laja lo'o ndyacu ngu' si̱i̱, ngulo yu late' tyucui̱ nu lacu' yu, ndaya' yu chaca late' cha' sca̱' yu sii' yu; li' ngujui'i̱ yu hitya ne' sca tsi'yu, ndyaa ngui'í̱ yu quiya' ngu' nu ndyaca tsa'a̱ ji'i̱, nguxquityi yu quiya' ngu' lo'o late' nu ndyaaca̱' sii' yu.