آيات مشهورة من الكتاب المقدس منMateus 13

شارك

Ti fy ũ tóg ga há ki krãn kỹ nĩ. Ũ vẽ gé. Topẽ vĩ mẽg tóg mũ gé. Mẽ kỹ tóg to jykrén mũ sir. Kỹ tóg kanẽn há han mũ sir. Kỹ ũ vỹ tóg kanẽ tỹ 100 han, jo ũ vỹ tóg kanẽ tỹ 60 han mũ, jo ũ vỹ tóg kanẽ tỹ 30 han mũ gé,” he tóg.

Ti fy ũ tóg sónh kã ki krãn kỹ nĩ. Ũ vẽ gé. Topẽ vĩ mẽg tóg mũ gé. Hã ra tóg ti rãnhrãj hã mĩ ẽkrég mũ sir. Nén kar to én tóg mũ sir. Ón kỹ tóg riko nĩ sór mũ. Hã kỹ tóg Topẽ vĩ kã jatu' he mũ sir. Kỹ tóg kanẽn há han tũ nĩ sir.

Ũ tóg kejẽn, ón kỹ Topẽ vĩ mẽg mũ. Hã ra tóg to jykrén tũ nĩ. Kỹ Nén-Kórég vỹ, ti mỹ tỹ tũ' he mũ sir, ti tỹ mẽ ja ti tỹ. Kã jatu tóg nĩ sir. Nén fy tỹ ẽmĩn kri kutẽ mũ ẽn hã vẽ.

Kỹ ti fy ũ tóg, pãró kri krãn kỹ nĩ. Ũ vẽ gé. Topẽ vĩ mẽg tóg mũ gé. Kỹ tóg kãnhmar: he, he mũ sir. Ti mỹ tóg sér tĩ. Hã ra tóg tỹ nén ũ kré jãre tũ ẽn ri ke nĩ mỹr. Hã kỹ tóg tĩg sĩ han mũ, Topẽ mré. Nén ũ jagy kutẽ kỹ tóg, Topẽ tovãnh mũ sir, ũ tỹ Topẽ vĩ tugrĩn ti kato tẽ kỹ.

“Kỹ ẽg tỹ kanhkã tá nĩ ẽn tỹ tỹ ẽg pã'i nĩ venh ke vỹ, tag ri ke nĩ gé, ha mẽ. Ũ tỹ ti patrão japỹ tá jãnkamy ne kunũnh kỹ péju mãn kỹ nĩm ẽn ri ke tóg nĩ. Ti péju mãn kar kỹ tóg, ti tỹ nén kar fón kãn mũ sir, ti kaja to ẽpỹ ẽn vyn jé sir. Ti tỹ ẽpỹ ẽn vyn kar kỹ jãnkamy ẽn vỹ tỹ, ti tũ nĩ sir,” he tóg. Ti tỹ ẽg tỹ ti ki rã há han ke kãmén hã vẽ.

Ti fy ũ tóg vãhã, ga há ki krãn kỹ nĩ, kỹ tóg mur há han mũ, mog há han tóg mũ gé, kanẽn há han tóg mũ gé sir. Ũ tóg kanẽ tỹ 100 han mũ, jo ũ vỹ kanẽ tỹ 60 han mũ gé, jo ũ vỹ tóg kanẽ tỹ 30 han mũ.

Vãnh hỹn tóg inh jakré mré mog mũ gé. Kỹ sóg ẽg tỹ krenh ken kỹ ũ tỹ krég mũ ag mỹ: “vãnh kre vén nĩ,” henh ke mũ. “Kỹ tugfĩn nĩ, ẽg tỹ pũn jé. Kar kỹ ãjag tóg inh jakré krenh ke mũ, sỹ pãjó krẽm vin han jé,” he tóg, ag patrão ti,” he tóg, Jesus ti. Ti tỹ ũ tỹ ón kỹ Topẽ ki ge kỹ nỹtĩ ẽn ag tón hã vẽ.