آيات مشهورة من الكتاب المقدس منالْأَعْمَالْ 2

شارك

وْهُوَ يْݣُولْ لِيهُمْ بُطْرُسْ: «تُوبُو، وْخَاصّْ كُلّْ وَاحْدْ مْنّْكُمْ يْتّْعَمّْدْ بْإِسْمْ يَسُوعْ الْمَسِيحْ بَاشْ تّْغْفَرْ لِيكُمْ دْنُوبْكُمْ، وْغَادِي يْنْعَمْ عْلِيكُمْ اللَّهْ بْالرُّوحْ الْقُدُسْ،

وْكَانُو كَيْدَاوْمُو عْلَى التَّعْلِيمْ دْيَالْ الرُّسُلْ، وْعْلَى الشّْرْكَة مْعَ بْعْضِيَّاتْهُمْ، وْالْعْشَا دْيَالْ الرَّبّْ، وْالصّْلَاة.

وْتّْعَمّْرُو كُلّْهُمْ بْالرُّوحْ الْقُدُسْ، وْبْدَاوْ كَيْتّْكَلّْمُو بْلُغَاتْ خْرِينْ، كِمَا عْطَاهُمْ الرُّوحْ يْتّْكَلّْمُو.

وْعْلَى غَفْلَة تّْسْمَعْ صُوتْ مْنْ السّْمَا بْحَالْ شِي رِيحْ قْوِيَّة، وْعَمّْرْ الدَّارْ فِينْ كَانُو ݣَالْسِينْ كُلّْهَا. وْبَانُو لِيهُمْ أَلْسِنَة مْفَرّْقِينْ بْحَالْ إِلَا مْنْ الْعَافْيَة وْتّْحَطّْ عْلَى كُلّْ وَاحْدْ مْنّْهُمْ لْسَانْ. وْتّْعَمّْرُو كُلّْهُمْ بْالرُّوحْ الْقُدُسْ، وْبْدَاوْ كَيْتّْكَلّْمُو بْلُغَاتْ خْرِينْ، كِمَا عْطَاهُمْ الرُّوحْ يْتّْكَلّْمُو.

وْكُلَّ نْهَارْ كَانُو كَيْتّْجَمْعُو فْبِيتْ اللَّهْ مْتَّاحْدِينْ، وْكَيْشَرْكُو الطّْعَامْ بِينَاتْهُمْ فْدْيُورْهُمْ، وْكَيَاكْلُو وْهُمَ فْرْحَانِينْ وْمْتْوَاضْعِينْ، وْكَيْسَبّْحُو اللَّهْ، وْكَانُو مْقْبُولِينْ عَنْدْ النَّاسْ كُلّْهُمْ. وْكَانْ الرَّبّْ كُلَّ نْهَارْ كَيْزِيدْ النَّاسْ اللِّي نْجَّاهُمْ لْجْمَاعْةْ الْمُومْنِينْ.

كَيْݣُولْ اللَّهْ: فْلِيَّامْ اللّْخْرَة غَنْفِيضْ بْرُوحِي عْلَى النَّاسْ كُلّْهُمْ، وْغَيْتّْنَبّْأُو وْلَادْكُمْ وْبْنَاتْكُمْ وْغَيْشُوفُو الشُّبَّانْ دْيَالْكُمْ رُؤْيَاتْ، وْغَيْحَلْمُو الْكْبَارْ مْنّْكُمْ فْالْعْمَرْ حْلْمَاتْ.

وْݣَاعْ هَادُوكْ اللِّي آمْنُو كَانُو مْتَّاحْدِينْ وْكَانْ كُلّْشِي مْشْرُوكْ بِينَاتْهُمْ، وْكَانُو كَيْبِيعُو الْأَمْلَاكْ دْيَالْهُمْ وْݣَاعْ دَاكْشِّي اللِّي عَنْدْهُمْ، وْكَيْقَسْمُو تَمَنُه بِينَاتْهُمْ عْلَى حْسَابْ مَا كَيْحْتَاجْ كُلّْ وَاحْدْ.

وْغَيْكُونْ بْاللِّي كُلّْ وَاحْدْ كَيْطْلَبْ إِسْمْ الرَّبّْ، غَيْنْجَا.

وْالشّْمْسْ غَتْوَلِّي ضْلَامْ، وْالْقَمَرْ غَيْوَلِّي حْمَرْ بْحَالْ الدّْمْ، قْبَلْ مَا يْجِي الْيُومْ الْعْظِيمْ الْمْشْهُورْ دْيَالْ الرَّبّْ.