آيات مشهورة من الكتاب المقدس منमरकुस 9

شارك

यीशुऐ तेइबै बोलू, “अगर तू केरी सका सा! ऐ तैं कि गैल केरी? बशाह केरनु आल़ै री तैंईंयैं परमेश्वर सैभ किछ़ केरी सा।”

शोहरू रै बापूऐ लेरा मारिया बोलू, “ओ प्रभु, हांऊँ बशाह केरा सा; कि तू मेरी मज़त केरी सका सा, पर हांऊँ पक्का बशाह नी केरी सकदा। मेरै बशाह बै पक्का केरनै री तैंईंयैं मेरी मज़त केरा।”

ज़ैबै यीशु घौरा बै आऊ, ता तेइरै च़ेले केल्है न पुछ़दै लागै कि, “आसै तेसा बुरी आत्मा बै किबै नी खोली सके?” यीशुऐ तिन्हां बै बोलू, “ऐण्ढी किस्मै री बुरी आत्मा बै खोलणै री तैंईंयैं प्रार्थना रै अलावा होर कोई च़ारा नी ऑथि।”

“लूण खाँणै न पा सी, पर अगर लुणा रा स्वाद बिगड़ू ता किज़ी लाईया लुणा केरना? आपु आँध्रै लूण सांही स्वभाव रैखा होर आपु न मिली-जुलिया रौहा।”

“ज़ुण कोई मूँ सैंघै झ़ुरी रखा सा होर मेरी तैंईंयैं ऐण्ढै शोहरू बै ग्रहण केरा सा, सौ मुँभै ग्रहण केरा सा, होर ज़ुण कोई मुँभै ग्रहण केरा सा सौ मेरै भेजणु आल़ै बै ग्रहण सा।”

होर ज़ो कोई तुसाबै एक गलास पाणी रा ऐ सोचिया पियाला कि तुसै मसीह रै सी ता हांऊँ सच़ बोला सा कि तेई आपणा ईनाम पाणा।”

यीशुऐ बी बोलू, “अगर कोई न तुसै पाप करवा सी, ज़ुण मूँ पैंधै बशाह केरा सी ता परमेश्वरा तुसाबै सख्त सज़ा देणी, भलै सौ मांहणु होछ़ै शोहरू सांही होला, तेइरी तैंईंयैं ऐ भला सा कि एक बड़ा पौट तेई रै गौल़ा न बोनिआ, सौ समुन्द्र न शेटू लोड़ी।

होर अगर तेरी औछ़ी तौभै ठोकर खियाए, ता तू तेसा बै खोलिया, कांणै होईया परमेश्वरा रै राज्य न ज़ाणा तेरै तैंईंयैं भला सा कि दुई औछ़ी होईया भी तू नरका बै जाला।