آيات مشهورة من الكتاب المقدس منमरकुस 10

شارك

किबैकि मांहणु रा बेटा तैबै नी आऊ, कि तेइरी सेवा केरी लोड़ी, पर तैबै आऊ कि सैभी री सेवा केरनी, होर बोहू लौका बै छ़ुड़ाणै री तैंईंयैं आपणा प्राण बलिदान केरनै आऊ सा।”

यीशुऐ तिन्हां बै हेरिया बोलू, “मांहणु न ता ऐ होई नी सकदा, पर परमेश्वरा न सैभ किछ़ होई सका सा।”

यीशुऐ तेइबै बोलू, “ज़ा,” तेरै बशाहे तू ठीक केरू, होर सौ एकदम हेरदा लागा, होर बौता न यीशु पिछ़ै औंढदा लागा।

ज़ुण परमेश्वरै ज़ोड़ै सी, तिन्हां बै मांहणु अलग मता केरा।”

यीशुऐ तेई पैंधै आपणी नज़रा फेरी, होर तेइबै झ़ुरी केरी होर बोलू, “तौ न एकी गैला री कमी सा, जा, ज़ो किछ़ तेरा सा तेइबै बैचिया गरीबा न बौंड, होर तौभै स्वर्गा न धन मिलणा, होर एज़िया मूँ पिछ़ै औंढ।”

तैबै यीशुऐ तेइबै बोलू, “तू कि चाहा सा कि हांऊँ तेरै तैंईंयैं केरनु?” कांणै मांहणुऐ तेइबै बोलू, “ओ गुरू, ऐ कि हांऊँ हेरणू।”

पर तुसा न ऐण्ढा नी ऑथि, पर ज़ो कोई तुसा मौंझ़ै बड़ा होंणा चाहा सा, सौ आपणै आपा बै तुसरा सेवक बैणला।

हांऊँ तुसाबै सच़ बोला सा, कि ज़ो कोई परमेश्वरा रै राज्य बै शोहरू सांही नैंई अपनाला, सौ कैधी भी परमेश्वरा रै राज्य न नैंई जाई सकदा।”

पर ज़ो ऐबरै आपणै आपा बै बड़ै बैणा सी, काल रोज़ ते होछ़ै केरिनै, होर ज़ो होछ़ै सी, ते काल रोज़ बड़ै केरिनै।”

“पर ऐसा सृष्टि री शुरूआता न परमेश्वरै मर्द-बेटड़ी केरिया बणायै सी। ऐसा बजहा न मांहणु आपणै आमा-बापू बै छ़ौड़िआ आपणी लाड़ी सैंघै रोहणा, होर तिन्हां दुई एक जान होंणा। होर तिन्हां दुई एक शरीर होंणा; तैबै ते दुई नैंई, पर ऐकै जान सी।