آيات مشهورة من الكتاب المقدس منMatthai 7

شارك

Hie ungla pi pata nama cuo aa; huv ungla nama hmung aa; cakhaw ungla ingchiy kha aca pahaw'a yi.

Tahematapakieca a hiepa bangkhuo ca pipa cuo'a yite, a huvpa bangkhuo ca ama hmung aa, a cakhawpa bangkhuo ca ingchiy kha pahaw pata ama cuo aa.

“Cakhutaata i bie hing thyi te a ziypa ca alung cunglie ing a sapa cawsaa singpapaa haatana a cuo.

Malie ta ima cunglie vya tue yi se tapata nama khingpa haakhata malie cunglie kha va tue tie ung. Ama cana phungbie hne profet tie pacuvna ta a cuo.

Cuorasala hringna luopuv a sipa chiypakaa ca baa te a luo zaw a ruv, a hmungpa cawsaa zaw ama cawta.

Chiypakaa baata taakhata a ngie tie ung. Tahematapakieca rana luo a sipa chiypakaa ca ku te a luopuv zaw a na, a ziypa zaw ama hluvsa.

Niema a pha lipa tie ta nama saata kha tuokhaatama hmangphapa i pi aa tapa nama pachang kieca, vuoruo lie a awpa nama paa changchiy taca ama'a lie a hiepa tie kha hmangphapa khatluv tama a pi'a yi?

Nama zaw bie ripa pa na cuo li riypata malie bie kha va ripa kha. Tahematapakieca malie bie na ripa pa haakhata nama zaw bie ripa pata na cuo aa. Malie cuota nama na hmuopa panangna khata na nama zaw panangpa ta na cuo aa.

I bie thyi raalaa te a ziy lipa ca viehnang cunglie ing a sapa a ngaapapaa haatana a cuo.

Na ming chunglie thingtung hmuo siysaa ri li pata tuokhaatama na uvnu ming chunglie mingbuo kha na mang? Na ming chunglie thingtung a aw pata tuokhaatama na uvnu ca, ‘na ming chunglie mingbuo kha ca lapa'a ang,’ na ta the?

Profetpakhipa tie kha a raaring tie ung. Tuv vang a buv pata niema'a luo a vaw yite, cuorasala ama chung luo ca cahnie a hruopa na ama lu. Iema ca ama thyipaa kha mang ungla nama pachang aa. Ahling kung taata mingsuv thyi ama lu buo ma? Saakuvmuokalaw kung taata thyikuv ama lu buo ma?.

Cahaangiethiecata thingkung phapa ta thyiphapa pathyi te thingkung pha lipa ta thyiphalipa a pathyi.

Thingkung phapa ta thyiphalipa pathyi vyi, thingkung pha lipa ta thyiphapa pathyi ra vyi.

Thyiphapa a pathyi lipa thingkung bangkhuo ca hu pata myi luo thawpa a cuo aa.