آيات مشهورة من الكتاب المقدس منMatthai 6

شارك

Cacuonakawta Khazing pena hne aa dangna kha huv taa ungla hmanghrangpa bangkhuo zaw hing aca pi puo ngiethie'a yi.

Cacuonakaw mawluo cuota nama palung rie thyi kha se, mawluo ta ama cuota a palung rie thyi thluo se. Ata ning'apa ruvnaana hing ata ning cuota aa de.

Cacuonakawta ica chang yi, “Ning riy dang riypa kawlie cuose, nama pangpa hne abuv-ase riypa kawlie cuose, ningting hringna kawlieta nama palung rie thyi kha se. Hringna ca sa laata biepuv vie te pangpa ca cawsie laata a biepuv vie cuo vama?

Cuorasala thlaa nama chuo kieca nama khuo luo a ngie ungla, ingchiy kha khaa ungla, ming ta hmung khu a aw lipa nama Paa'a luo kha chuo tie ung. A paruv ta nama tuepa a hmungtuv nama Paa ta nama lawmuo kha aca pi'a yi.

Cacuonakaw hinghaahingta thlaa chuo tie ung: Vuoruo lie a awpa ma Paa, Na mingpathepa ca pa-uvsathyi pata aw mangsue. Na pena tlung paatie se; Vuoruo lie haata alyicung lie na khingnapa tling paatie se.

Ningting ta maa hupa sa ca ata ning zaw malie pi tie.

Malie ta ima cunglie ama sue ningta maa ngiethepa haayita, Ma suenapa kha malie a ngiethe ra tie.

Pasupaliyna luo malie pachiy sa li pata, A pha lipa chung taata malie khuo tie.

Malie ta nama cung lie ama tuepa suena kha namaa ngiethe kieca, vuoruo lie a awpa nama Paa ta niema zaw acaa ngiethe ra'a yi.

Pavaa zaw hing mang tie ung: saciy vaa vayi, sa zaw la yite be luo raw vayi. Cuorasala vuoruo lie a awpa nama Paa ta ama riy a pabi thluo yi. Niema ca pavaa laata nama sungnaa vie karaa cuo vama?

Thinghlaa ta ning te a pabung khunapa hne a se ta ce te a ra khunapa, a ruvhangpa ta a paruv khunapa alyi lieta nama suethiy kha pacung kha ung. Thinghlaa ta ning te a pabung khu linapa hne a se ta ce te a ra khu linapa vuoruo lieta nama suethiy kha pacung tie ung. Tahematapakieca nama sue a awna lie khana nama pathiypalung zaw a aw ra aa.

Ahungtahmuo byi pahning re hriepa pakhaw the'a vyi; pakha kha due'a te a hrangpa pakha kha a hue aa, pakha'a lie kha zangtluo aa tla pata aw'a te a hrangpa pakha kha siysaa ri li pata a aw aa. Khazing re hne hnyirungna re ca hrie pakhaw the'a va ungciy.

Ata ning hring te mawluo myi chung luo hmaw riypa, ruo lie aphuv kung zaw hmuo a pangituv Khazing ta niema changchiy ca ca pangi li pata aca aw'a yi ma? Nama zangna hing a caw hringhruo de!

Cuorasala niema ca hmangpha nama tue tiyta nama cacuo luo kuv ta a tuepa kha nama cavyi luo kuv tahmuo a pachang li riypata va tue tie ung. Cahaa cata a paruv ta nama tuepa a hmungtuvpa nama Paa khata nama lawmuo kha aca pi'a yi.

Biena luota hmangpha nama tuepa kha malie ta na hmung naaseyi tapata zaapuv hmielieta va tue kha ung. Cahaa cata nama tue kieca vuoruo lieta a awpa nama Paa'a taata lawmuo khaahmuo hmung'a va ungciy.

Sa namaa uv tiyta phahruocuo tie haata nama hmiephya a pachie sa kha ung. Sa amaa uvpa kha cawsaa ta malie pachang naaseyi tapata ama hmiephya kha amaa pachie sa. Biehmisi tana ica chang yi: iema ca ama lawmuo kha ama hmung diy tli. Sa namaa uv tiyta nama hmie kha a siy ungla nama luv zaw kha sathu a thuv tie ung, tahematapakieca sa namaa uvpa kha malie ta ca pachang lipa yi ta hmung khu lipa nama Paa kyalya ta aca pachang'a yi. Cahaa cata a paruv ta nama tuepa a hmungtuv nama Paa ta nama lawmuo kha aca pi'a yi.