آيات مشهورة من الكتاب المقدس منLUCAS 6

شارك

Aꞌbeyaik te tut maꞌyuk yuꞌun te yane. Jich me ya yaꞌbeyex euk te Diose te lek pꞌisbil, te lek tembil ta nojesel, te yukꞌilanbil, kꞌeba nax me koel te ba yawile. Te Diose jich me ya spꞌisbeyex ta mismo pꞌisil te tut ya apꞌisike —xchi te Jesuse.

Te winik te lek yoꞌtane lek te tut ya yal lokꞌel ta stiꞌe, yuꞌun lek te tut ay ta yoꞌtane. Yan te winik te ma tsaꞌamuk yoꞌtane, ma lekuk te tut ya yal lokꞌel ta stiꞌe, yuꞌun ma tsaꞌamuk te tut ay ta yoꞌtane. Jich ta jkꞌoptik ya xchiknaj te tut ma tsaꞌamuk ay ta koꞌtantike.

Yan te jaꞌexe kꞌux me xꞌawaꞌiyik ta awoꞌtanik te machꞌatik ya skontrainexe. Pasbeyaik te tut leke, sok aꞌbeyaik smajan te tut ay awuꞌunike. Ma me akꞌambeyik sjelol. Jich me bayal amajtanik ya awichꞌik yuꞌun, sok yal-xnichꞌanex ya xkꞌoex te Chꞌul Dios te ay ta chꞌulchane. Porke Dios kꞌux ta yoꞌtan te machꞌatik ma snaꞌik yalel kola yale sok te machꞌatik ma tsaꞌamuk yoꞌtanike.

Jich yuꞌun te jaꞌexe kꞌuxutaywananik me euk, jich tutꞌil ya xkꞌuxutaywan te Atatike.

Ma me xꞌawichꞌbe jkuenta yaꞌtel te yane. Jich me makꞌ yichꞌbeyex jkuenta euk te Diose. Ma me xꞌalebe smul te yane. Jich me makꞌ stabeyat amul euk te Diose. Akꞌaik perdon. Jich me ya yaꞌbeyex perdon euk te Diose.

Yan te jaꞌex te ya awaꞌibikon sluwar te jkꞌope ya kalbeyex: Kꞌux me xꞌawaꞌiyik te machꞌatik ya skontrainexe sok pasbeyaik te tut lek te machꞌatik ya spꞌajexe. Sok lek skꞌoplal xꞌawalbeyik te machꞌatik ma tsaꞌamuk akꞌoplal ya yalbeyexe. Sok kꞌoponbeyaik Dios te machꞌatik ya sbolkꞌoptayexe.

Te tut ya skꞌan awoꞌtanik te ya spasbelex yuꞌun te yane, jich me xꞌapasbeyik euk.

Teme ay machꞌa ya smajbeyat te jmejch achoe, aꞌbeya smaj te jmejch xane. Sok teme ay machꞌa ya spojbeyat te akotone, a me yichꞌ bael euk ta akamixe, ma me tuti awal yuꞌun. Machꞌauk a teme ay tut ya skꞌanbeyexe, aꞌbeyaik. Sok teme ay machꞌa ya spojbeyex te tut ay awuꞌunike, ma me akꞌambeyik sujtel.

Maꞌyuk lekil teꞌ te ma tsaꞌamuk sit ya yakꞌe, sok maꞌyuk ma tsaꞌamuk teꞌ te tsaꞌam sit ya yakꞌe.

Te juju-pejt teꞌe ya xnaꞌbot sba a tut yilel te site. Jich tutꞌil maꞌyuk ya jtajtik ta kꞌokel ikux te ba chꞌixtikile, sok maꞌyuk ya jkꞌoktik tsꞌusub ta yolil te makumaltike.