آيات مشهورة من الكتاب المقدس منLUCAS 5

شارك

Kꞌalal laj yoꞌtan ta kꞌope, jich a yalbe te Simone: —Wetꞌa ochel te abarko te ba toyol te jaꞌe. Teꞌ me ya achꞌojik ochel a te stsajkil achayike —xchi.

La sjakꞌ te Simone: —Ma wan, Maestro. Yuꞌun spꞌejel ajkꞌubal a aꞌtejotikix, ni jkojtuk a jtajtik. Pero yuꞌun te jaꞌat ya awale, ya me xba jchꞌoj ochel abi —xchi. Te kꞌalal la xchꞌojik ochele, bayal chay a stsakik, asta kꞌan tuchꞌuk yuꞌun te stsajkil-xchayike.

Pero te Jesuse la spit sba bael ta skꞌoponel Dios te ba jochol te luware.

Ma jaꞌuka tal kikꞌ te machꞌatik lek ayik ta skꞌopike. Jaꞌa tal kikꞌ te jmulawiletike yuꞌun ya sujtes yoꞌtanik yuꞌun te smulike —xchi.

Kꞌalal la yil te Simon Pedro te jicha kꞌot ta pasel, la skejan sba ta stojol te Jesuse. Jich a yal: —Kajwal, ma spas ya joyinat, yuꞌun jmulawilon —xchi.

Te Jesuse la sjakꞌtalanbe: —Te machꞌatik lek bujtsꞌan kꞌinal ya yaꞌiyik sok te stibalulike ma puersauk yuꞌunik te jloktore. Jaꞌ nax puersa yuꞌunik jloktor te machꞌatik ayik ta chamele.

Jicha lokꞌik tal ta juera sok te sbarkoike, la sjilesik spisil, y bajtik sok te Jesuse.

Ay jun kꞌaal laj kꞌot ta jun jtejkꞌum te Jesuse, tal jtul winik ta stojol te skojtol yichꞌoj kꞌaꞌel-chamele. Kꞌalal la yil te Jesuse, te winike jul skejan sba ta stojol. Lijk skꞌambe pawor: —Kajwal, te jichuk skꞌan awoꞌtan ya alekutesbon te jchamele —xchi. Te Jesuse la skajambe skꞌab ta sjol, jich a yalbe: —Jichuk. Ya xlekub te achamele —xchi. Tsꞌina chꞌay bael te skꞌaꞌel-chamel te winike.

Jicha pujk ta mas skꞌoplal te Jesuse. Bayal genteetik a laj tal yaꞌibeyik te skꞌope, sok la yakꞌik ta lekutesel te xchamelike.