آيات مشهورة من الكتاب المقدس منLUCAS 17

شارك

Y la yalbe te winike: —Jajchan y baan. Ta skuenta te xchꞌuunel awoꞌtan te lekubenatixe —xchi.

Manchuk me ya sta smul awuꞌun jukeb buelta te jun kꞌaale, teme ay jukeb buelta ya xtal yalulanbeyate: “Makꞌ jpasix a”, teme xchie, pasbeya perdon —xchi te Jesus.

Ay jtul te ta spisilike la yil te lekix te stiꞌbalule, jicha sujt tal ta stojol te Jesuse. Tulan yipal tal ta yalbeyel kola yal te Diose. Jul skejan sba ta sit te Jesuse, la snijan sba ta lum ta yalbeyel kola yal. Te winik to, samaria-winik.

Ila me abaik yuꞌun. “Teme ay jtuluk awermano te ay tut ma tsaꞌamuk ya spasbeyate, ban kꞌopona ta lek nax. Teme la sujtes yoꞌtane, pasbeya me perdon yuꞌun.

La yal te Jesuse: —¿Meꞌn ma lajuntuluk te machꞌatik kolik ta chamele? ¿Ba ay te baluntul xane?

Te Kajwaltike la sjakꞌtalanbe: —Teme jich ay xchꞌuunel awoꞌtanik chꞌinuk jich tutꞌil te xchꞌin bakꞌ mostesia, ya me xjuꞌ ya awalbeyik te sikomoro-teꞌ to: “Bula aba lokꞌel liye, ban tsꞌuna aba ta mar”, teme ya awute, y te teꞌe jich me ya xchꞌuunbeyat amantal.

Te machꞌa ya sle tutꞌ ya xkol sok te xkuxlejale, ya me xchꞌay sok te xkuxlejale. Pero te machꞌa ya xchꞌay sok te xkuxlejale, jaꞌ me ya xkuxuyin stukel.

Te Jesuse la yalbe te jnopojeletik yuꞌune: —Puersa me ay yalesel ta mulil. Pero oꞌol me sba te machꞌa ya syaleswan ta mulile. Te machꞌa ya syales ta mulil jtuluk te machꞌatik chꞌin yakꞌoj sbaike, jaꞌ lek te yauk yichꞌ chukel ta snukꞌ junuk chaꞌ, ya xchꞌojot ochel ta mar.

Jich te tutꞌil ayik a te genteetik ta yorail te jNoee, jich mismo ayik a te ya xtal te Nichꞌanile. Te genteetike xweꞌik xꞌuchꞌaik a, sok yipalik ta nujpunel a, sok yipalik ta chꞌom a, jaꞌto te tut kꞌaalil a och ta arka te jNoee. Tal te nojel jaꞌe, y spisil a laj cham.