آيات مشهورة من الكتاب المقدس منJUAN 6

شارك

Te Jesuse la yaltalanbe: —Joꞌon wajon yuꞌun te kuxlejale. Te machꞌa ya xtal ta jtojole ni makꞌ xwiꞌnajix a, y te machꞌa ya xchꞌuunone, ni makꞌ xtakejix yoꞌtan a.

Jaꞌ kuxulat yuꞌun te Espiritue; yan te atiꞌbalule ma tut snaꞌ stukel. Y te tutik la kalbeyexe jaꞌ yuꞌun te Espiritue, jaꞌ ya xkuxuyinex yuꞌun.

Ma me jaꞌuk xꞌawaꞌtelinik sleel te aweꞌelik te ya xlaje. Jaꞌ me xꞌawaꞌtelinik sleel te aweꞌelik te ya xkuxuyinex yuꞌun sbajtel kꞌinale. Jaꞌ to jaꞌ weꞌelil te ya yaꞌbeyex te Nichꞌanile, porke te Dios Tatile la yakꞌ chiknajuk te lek yoꞌtan yuꞌune —xchi te Jesuse.

Porke te sboluntar jTate jaꞌ te ay skuxlejalik sbajtel kꞌinal spisil machꞌa ya yil sok ya xchꞌuun te Nichꞌanile. Y joꞌon ya jchaꞌkuseslan tal ta slajibal kꞌaal —xchi te Jesuse.

Te Jesuse la sjakꞌtalanbe: —Te tut ya skꞌan Dios te ya apasike jaꞌ ya skꞌan ya achꞌuunik te machꞌa la stikon tale —xchi.

Spisil te machꞌa ya yaꞌbon te jTate ya xtal ta jtojol; y te machꞌatik ya xtal ta jtojole, makꞌ ya jlokꞌes bael ta juera.

Te Simon Pedroe la sjakꞌ: —Kajwal, machꞌa yan ya xbootik sok, porke yuꞌun kuxlejal sbajtel kꞌinal te akꞌope.

Joꞌon te kuxul wajone te koem tal ta chꞌulchane. Te machꞌa ya sweꞌ te waj to, ya xkuxuyin sbajtel kꞌinal. Te waj te ya kakꞌe jaꞌ te jtiꞌbalule te ya kakꞌ yuꞌun jich ya xkuxuyin a te genteetike —xchi te Jesuse.

Ni maꞌyuk machꞌa ya xtal ta jtojol teme ma jaꞌuk ikꞌbil tal yuꞌun te jTat te la stikonon tale. Y joꞌon ya jchaꞌkuses tal ta slajibal kꞌaal.

Porke te waj yuꞌun Diose jaꞌ te machꞌa koem tal ta chꞌulchane te ya yaꞌbey xkuxlejal te genteetike —xchi te Jesuse.

Joꞌon wajon yuꞌun te kuxlejale.

Te Jesuse la yichꞌ ta skꞌab te waje, sok la yalbe kola yal Dios yuꞌun. Patil la yaꞌbe te jnopojeletik yuꞌune, y la spukbeyik te machꞌatik te nakajtik ae. Y jich mismo spas sok te chaye, la yaꞌbe spisil te machꞌatik la skꞌanike. Kꞌalal nojelix xchꞌujtik ae, te Jesuse la yalbe te jnopojeletik yuꞌune: —Tsobaik te xejtꞌemal te la spas sobrae yuꞌun jich me makꞌ xchꞌay xejtꞌuk —xchi.

Kꞌalal beenikix bael te barko joꞌeb o wakeb kilometro ae, la yilik te Jesuse te yipal ta beel ta baba mar. Tijilaj tal te ba barkoe, y la xiꞌik yuꞌun. Te Jesuse la yaltalanbe: —Joꞌon me. Ma me xiꞌanik —xchi.