آيات مشهورة من الكتاب المقدس من‘Apositoló 17

شارك

koe‘uhi ke nau kumi ki he ‘Otua, hei‘ilo te nau fāfā ia ‘o ‘ilo‘i, ka tala‘ehai ‘oku ne mama‘o mei hatau toko taha.

Na‘a ne o‘i foki ‘a e ngaahi fa‘ahinga kakai ‘a ia ‘oku nau tupunga taha kotoa pē, ke nau nofo‘ia ‘a e funga kotoa ‘o māmani; he ne ne fakafuofua ‘a e ngaahi kuonga na‘e tu‘utu‘uni ki he‘enau nofo, mo honau ngaahi kau‘ā

Ko e ‘Otua na‘a ne ngaohi ‘a e ‘univeesi, mo e me‘a kehekehe ‘oku ‘i ai, ko e toko taha ia ko e ‘Eiki ‘o e langi mo māmani; ko ia ‘oku ‘ikai te ne ‘afio ‘i ha ngaahi temipale kuo ngaohi ‘e he nima.

koe‘uhi kuo ne kotofa ha ‘aho, ‘a ia ‘oku ne teu fakamaau ai ‘a māmani, ‘o ‘au‘autotonu, ‘o fakafai ‘i he tangata kuo ne polo‘i; ‘o ne tuku mo‘o e kakai kotoa pē ha tu‘unga ki he‘enau tui ‘i he‘ene fokotu‘u ‘a e toko taha ko ia mei he pekia.

Pea kapau leva ko e hako ‘o e ‘Otua ‘a kitautolu, tala‘ehai ‘oku totonu ‘etau lau ‘a ‘Ene ‘Afio ‘oku tatau mo ha konga koula, pe siliva, pe maka, ha me‘a kuo tongitongi, ko e ngāue mo e fakakaukau ‘a ha tangata.