آيات مشهورة من الكتاب المقدس منSan Mateo 15

شارك

Maach ãrpi nʉmʉn thãar eemua khĩirjug khaigbam iekha nʉmuata Ẽwandam na maach ãrpiejemgui ajim, ya khĩirjunaata iekhamaawai. Nem thum maach khĩirjug eemuata ober thʉnʉm: khĩirjug khaigbam, õor thõoju, dich õor khabam dʉi khapes aju, dich khaman apha khãijã dich õor dʉímjo aju, nem jĩgkhaju, seukhaju maimua chikham eugar chad khabam iek iekhaju.

Maadeu nem parhooba kho nʉmuapai chan Ẽwandam dau na maach ãrpiba aajemgui ajim. Ẽwandam na õor ãrpiejemʉn iekhaju khabam nempa khĩirjunaa iekha nʉmuata õor ãrpiejemgui ajim.

“Pãran, sĩi par iekhaupaita Ẽwandam iek ʉkha nʉm ʉkha nʉm aajemgui” ajim Jesuu amag. “Pari mag nʉm chan par chadcha thãraucha ʉkhabamta mag sĩerrjeem. Pãach mag nʉm gaaimua pãar thãar chan i dakhajã khaba, sĩi i warpta thʉnʉmgui” ajim. “Jãg nʉm aiguin parii pãach iphithur pãrau irig jeeuju. Pãrau jaau nʉmjã sĩi wir aig pãach khĩirjugpaiu; jã i iek khabamgui” ajim Jesuu amag, warrgarwe Ẽwandamau jaautarr igwia.

Magbaawaita, —¡Joo! Jãgan chadchata mua pʉch chaai monaauju khaphʉnaata pua ʉkha ʉmgui ajim. Magan chadcha pʉchdeu jaau simjo pʉ chaai monaauju ajim irig Jesuu. Mag, chadcha Jesuu mag iekhabarm bʉrre chi chaai monakkha aadejim aajem.

Pari mag nʉm ee, warag i aigcha beenaa kanieu phõbkhanaata, —Señor, mʉ ap ʉrrʉm mʉ chaai monaaubapʉi ajim. Magbaa, judionaan khabam khʉʉn chan monaauju khabam awi juau ogthompai chi Jesuu warag, —¿Pua mʉ iekha chirʉm ũrbata sĩ? ajim. Pʉ deeum durram aawai, mua pʉ chaaita nacha monaaukhiin, mua oowai dich chaainag deeju arr panta khecheunaa saakienag deebarmjo ajugui ajim irig. Pari magbaa ũanau dʉi, —Señor, jãan chadaugui ajim. Mamʉ pua oowai, ¿saakienaujã amach pap juasur mes eegar khʉimam khoba aajẽ? ajim. Maagjeewai mʉ Israelpie ʉʉi khaba ʉab mamʉ, ¿pua mʉ chaaijã dau aug khaugbaju khai? Mua khaphʉ ʉm, pua i monaaupʉiju aai simgui ajim irig.