Mat 3

'Nyuwluzʋnyɔ Zaan plici

(Mak 1.2-6; Luk 3.1-6; Zan 1.19-23)

1'Dɛ 'la clɩɩa nɩkplaan, 'Nyuwluzʋnyɔ Zaan ya ‑zɔnwlʋ, ɔ plicia Zudee 'la 'pʋpʋa nɩkplaan 2'nyɩ ɔ claa lebhe: «A cala kwla, ‑laagɔɔn 'la Nyɩbhɛlɩdua* ya cɩ mɛ.» 3Ɔmɔ Laagɔnekʋnyɩtɛnyɔ* Izayii saa 'lɛ, daa ɔ claa 'lɛ lebhe:

‑Blɩɩzɔn bhlo ‑gaan 'pʋpʋa nɩkplaan,

ʋ cla lebhe:

A bhɔsʋa ‑Kwlenyɔ 'la ‑gugwiea.

A ‑sɔɔ ‑gugoa ‑ɩ 'nylugolu 'lɛ 'kʋ na!

4Zaan ‑plaa ‑samoo#3.4 ‑Samoo ‑glɩ 'pʋpʋʋnbhlɩa 'kʋ 'la ‑gbaakʋbhɛmlɛ 'kadie. 'la cɩa 'nyɩa 'la lokwi nɩkplaan 'nyɩ mlakubɛtʋ ‑pɩaa 'lɛ ɔla kɔa. 'Kuolɛglɩbholinya ɩya 'kɔnʋngʋ ‑glɩa 'lɛ ɔla lilinyɩ. 5Na, Zolizalɛmʋnyaa, Zudeenyaa 'fɩan ɩya Zludɛɛnnyidɔlʋa 'la cɩa 'dia ‑tɛtɛa 'kʋ 'la ncɛlɩa 'fɩan, ma mʋa 'mɔɔ 'bhlɩ. 6Ma wlaa mala nyinyia ‑zɔn 'nyɩ Zaan zʋa 'lɛ maa 'nyu 'wlu, Zludɛɛnnyidɔlʋa nɩkplaan.

Falizɩɛnnya ɩya Saduseyɛɛnnya ya Zaan 'bhlɩ ci

(Luk 3.7-9)

7Zaan ya 'lɩ lebhe Falizɩɛnnya* ɩya Saduseyɛnnya* ‑bhutukpa cia 'mɔɔ 'bhlɩ le ɔ 'kaa maa 'nyuwluzʋ. Ɔ ya maa 'cla lebhe: «Kpaclɩlɔlʋnyanyɩ! ‑Ɔ caa 'lɛ anyɩ le a 'gulua Laagɔ 'la dɔgbɛa ‑ɛ ci 'lɛ 'yɛpɩ na bha? 8A tlʋnɩ 'caa ‑a pala 'lɛ lebhe a ya kaci na. 9Ɩya a 'la gugua lebhe a cɩ acɩ 'cla lebhe: ‑Anyɩ ‑a too ‑glɩ 'lɛ Ablaamʋ. Sa, n solu anyɩ lebhe cɔkʋa a ‑jlɛ 'lɛ ‑da na, Laagɔ cɩ mino 'nyɩ ɔ cɩɩ Ablaamʋ 'la 'cuo ple. 10‑Dɔbhɛa ‑nɛɔ tooto le ɛ 'ka sia 'la ‑sikpliia 'dɩ. Su 'tʋtʋʋntʋa ‑ʋ cɩ 'ta 'lɛ 'ca 'nana tlʋ na, ʋ cɩ 'ka ‑dɩɔ ɩya ʋ 'ka ‑kosuun ‑pɔɔ.»

Zaan nyɩtɛ ɔla 'nyuwluzʋlɩɛa 'la cɩa wɔlɩ

(Mak 1.7-8; Luk 3.15-17; Zan 1.24-28)

11Zaan ya ‑awlɛ maa 'cla lebhe: «‑Amʋ, 'nyu nɩkplaan n zʋlʋ 'lɛ anyɩ 'nyu 'wlu ɩya a 'ka kwlacala. ‑Ma ɔmɔa ‑ɔ ciin 'lɛ leen na, ɔ ‑ka 'tɛtɩ ɔ ziin 'kʋ. N 'ta 'kʋŋwa le n ‑sɔɔ ɔla ‑gbanbʋɩa. Ɔmɔ -ɔ -cɩ ka 'lɛ anyɩ ‑Kplɔkplɔ ‑Wugoa* ɩya ‑kosu nɩkplaan 'nyuwluzʋlʋ. 12Ɔ ‑ka ɔla bʋtɛa wlɩɩn, ɔ cɩ 'ka ɔla gologololɩɩa ma 'dɩ 'lɛ na nɩkplaan gbazlɩlɩ, ɔ 'ka 'caa ‑gbogbu 'kʋ zʋ ɩya ɔ 'ka fɩfɩa ‑kosua ‑ʋ ŋomu 'ta 'lɛ na nɩkplaan 'pa.»

Zaan ya Zozii 'nyuwluzʋ

(Mak 1.9-11; Luk 3.21-22; Zan 1.29-34)

13Na, Zozii ya Galileebhlɩa 'kʋ 'wlʋ 'nyɩ ɔ ya Zludɛɛnnyidɔlʋa cɩ ŋeni le Zaan 'kɔɔ 'nyu 'wlu zʋ. 14Zaan 'tɩɩ 'kʋ ŋonu 'nyɩ ɔ yɔɔ 'cla lebhe: «‑Amʋ ɩ ‑fata 'lɛ lebhe ‑n zʋ 'nyu 'wlu 'nyɩ ‑mɔɔ ‑n ciin 'bhlɩ bha?» 15‑Ma Zozii yɔɔ 'cla lebhe: «'Talɩɩ sɛɛ 'ciin. Sa, sɛɛ ɩ ‑fata 'lɛ lebhe ‑a ‑glalɩ ɩmɩ Laagɔ 'clalɩ 'lɛ na 'kʋ.» Zaan ya ŋonu. 16Na, daa ɔ zʋ 'lɛ Zozii 'nyu 'wlu na, Zozii ya ‑zɔn 'wlʋ. 'Kplookʋ ‑laagɔɔn ya 'gbokalɩ, Zozii ya Laagɔ 'la 'Wugoa 'lɩ, ʋ kwlia 'dablee 'bhisa 'nyɩ ʋ cilia 'mɔɔ 'kʋ. 17'Nyɩ ‑blɩɩzɔn bhlo ya ‑laagɔɔn 'wlʋlʋ ʋ claa lebhe: «Ɔmɔ ‑naa, ɔmɔ ‑ɔ ‑glɩ 'lɛ 'na ‑wawacoa, ɔmɔ nɩkplaan n ‑zʋɔ 'lɛ 'na pɔlɛkʋmɛnɔa ‑tɛtɛa.»

Currently Selected:

Mat 3: NTLD13

ማድመቅ

Copy