Genesis 4
4
Da Cain ken Abel
1Kinaidda ni Adan ni Eva nga asawana ket nagsikog ti babai. Nangipasngay iti lalaki ket kinunana, “Babaen iti tulong ti Apo, naaddaanak iti anak.” Iti kasta, pinanagananna iti Cain.#1 CAIN: Umasping ti pannakabalikasna iti sao a naadaan iti Hebreo. 2Iti saan a nabayag, nangipasngay iti sabali nga anak a lalaki, ni Abel. Nagbalin ni Abel nga agpaspastor, ngem nagbalin a mannalon ni Cain.
3Naglabas ti tiempo. Nangala ni Cain kadagiti apitna ket indatagna a kas daton ken ni Yahweh. 4Innala#Heb. 11:4. ni Abel ti inauna nga anak ti maysa kadagiti karnerona.#4 ti inauna…karnerona; wenno dagiti inauna nga annak dagiti karnerona. Pinartina sana indaton dagiti kasayaatan a paset. Naragsakan ni Yahweh ken ni Abel ken iti datonna 5ngem linaksidna ni Cain ken ti datonna. Kasta unay ti pungtot ni Cain ket uray la nagrupanget. 6Kinuna ni Yahweh ken ni Cain, “Apay nga agpungtotka? Apay a kasta ti rupam? 7No naimbag ti inaramidmo, umis-isemka koma. Ngem gapu ta nagaramidka iti dakes, mayarig ti basol iti demonio nga agur-uray a mangkemmeg kenka. Kayatnaka nga iturayan ngem masapul a parmekem.”
8Kinuna#Kin. Sol. 10:3; Mat. 23:35; Luc. 11:51; 1 Jn. 3:12. ni Cain ken ni kabsatna nga Abel, “Intan agpassiar idiay away!”#8 Intan…away kuna ti dadduma a kadaanan a patarus. Awan daytoy a paset iti Hebreo. Idi addada iti away, dinuklos ni Cain ti kabsatna ket pinatayna.
9Sinaludsod ni Yahweh ken ni Cain, “Sadino ti ayan ni Abel a kabsatmo?”
“Diak ammo,” insungbatna. “Apay, siak aya koma ti mangay-aywan iti kabsatko?”
10Ket#Heb. 12:24. kinuna ni Yahweh, “Apay a kasta ti inaramidmo? Um-umkis kaniak ti dara ti kabsatmo manipud iti daga ket dumawdawat iti panagibales. 11Mailunodka ket dimon mabalin a talonen daytoy a daga, ta inungapna ti ngiwatna a nangawat iti dara ni kabsatmo idi pinataymo. 12No mulaam ti daga, awanto ti maapitmo. Awanto ti masnop a pagtaengam ket agalla-allakanto iti daga.”
13Ket kinuna ni Cain ken ni Yahweh, “Nadagsen unay kaniak daytoy a pannusa. 14Ita ta pinagtalawnakon iti daytoy a daga tapno adayoak iti imatangmo, agkalkallautang ken agalla-allaakto. Papatayennakto ti siasinoman a makakita kaniak.”
15Ngem insungbat ni Yahweh, “Saan a mapasamak dayta.#15 Saan kuna ti dadduma a kadaanan a patarus. Iti Hebreo, Ket iti kasta. No addanto mangpatay kenka, maibalesto kenkuana iti mamimpito.” Iti kasta, nangikabil ni Yahweh iti marka ken ni Cain tapno mapakdaaran ti siasinoman a saan a rumbeng a papatayenna. 16Pimmanaw ngarud ni Cain iti imatang ni Yahweh ket napan nagnaed iti daya ti Eden, iti lugar a maaw-awagan iti Nod.#16 NOD: Agalla-alla ti kayatna a sawen iti Hebreo.
Dagiti Kaputotan ni Cain
17Naaddaan ni Cain ken ti asawana iti anak a lalaki a pinanagananda iti Enoc. Nangbangon ni Cain iti siudad sana impanagan iti anakna. 18Adda anak ni Enoc a napanaganan iti Irad. Isu ti ama ni Mehujael nga ama ni Metusael nga ama ni Lamec. 19Dua ti assawa ni Lamec, da Ada ken Zilla. 20Impasngay ni Ada ni Jabal. Ni Jabal ti kapuonan dagiti agpaspastor ket agnaedda kadagiti tolda. 21Kabsatna ni Jubal a kapuonan ti amin nga tumutokar iti arpa ken flauta. 22Inyanak ni Zilla ni Tubal Cain a nagaramid kadagiti amin a kita ti alikamen#22 a nagaramid…alikamen; kapuonan dagiti amin nga agpampanday kuna ti maysa a kadaanan a patarus. a bronse ken landok. Ni Naama ti babai a kabsat ni Tubal Cain.
23Kinuna ni Lamec kadagiti assawana,
“Ada ken Zilla, denggendak.
Adda lalaki nga agtutubo a pinatayko.
Kinabilnak isut' gapuna nga inuloyak.
24No pito a biag ti maipatli a kas sukat ti biag ni Cain,
pitopulo ket pito a biag ti maipatli no patayendak.”
Da Set ken Enos
25Naaddaan ni Adan ken ti asawana iti sabali nga anak a lalaki. Kinuna ti asawana, “Pinaraburannak ti Dios iti anak a sukat ni Abel a pinatay ni Cain.” Ngarud, pinanagananna iti Set.#25 SET: Umasping ti pannakabalikasna iti pinaraburannak iti Hebreo. 26Naaddaan ni Set iti anak a lalaki a pinanagananna iti Enos. Iti dayta a tiempo, rinugian dagiti tattao nga aramaten ti nagan ni Yahweh iti panagdaydayawda.
Currently Selected:
Genesis 4: RIPV
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
© 1996 Philippine Bible Society
