Luke 13
13
1အဲတိုင်မော်မားသတ် မာနုချ်ဟိုးသူးနဲ ကိုယ်တော်ယေရှုရ်အတ်ရေ အယတ်နန့် ဒေရီနော်ဝိုင်းသေး ဂျေရုဆလင်တောမ့်နောမားသပ် မေလီထားရိအောကောလ် မာရီဖတ်လှယေးသပ် ဂါလိလဲဒတ်ချောရ် မာနုချ်ဟိုးသူးနောရ် ဟော်သရတ် လျှောက်ဂိုကျဲ။ "အိသေးရာ ဗိမာန်တော်မားသပ် ပူဇော်ဂေါ်ရတ်သပ် အန်းသေ ရာဇာပိလတ်ယေး အိသဲရ် မေလီထားရိရတ် အော်ဒလ်သည့် အိသေးရာရတ် မာရီဖတ်လိုက်သို့ဟိုးယေး" ဟိုးယ် လျှောက်ဂိုကျဲ။ 2အန်းစောလော်မားသပ် ကိုယ်တော်ယေ "အဲမာနုချ်အဲယူ(န်) အာရ်မာနုချ်အောကောလောသူးန်ဘောလတ် ဒူချ်ဘီချီးဂို့ကျဲသတ် မာနုချ်ဘို့လိ သော်ရ ထရော်နား။ 3အဲနိကျ နော့ယ်။ သော်ရရတ် အိုင့်ဟိုသည့်၊ သော်ရဘေကူးနဲယိုး ဒူချောရတ် စီနိနော်ဝိုင်လေး အဲနိကျအေဒီလာ သင်းချော်အို့ဖို့ရိဘို့။ 4ရှိလောင်မျှော်စင်ဘက်ငိဖိုကျဲသတ်အန်းသေ မာနုချ် ချားသောရော်ဇောမ့်နောရ် အူဝါသည့် ဖိုကျဲသပ်အပ်သလိုက် မော်ရာဖိုကျဲ။ အိသေးရာ ဂျေရုဆလင်တောမ့်နောရ် အာရ်မာနုချ်အောကောလောသူးန်ဘောလတ် ဒူချ်ဘီချီးအာ့ဆတ်သတ် အပ်သလိုက်ဘို့လိ ထရော်နား။ 5အဲနိကျ လုံးဝနောယ်။ သိုယ် အိုင့် သော်ရရတ် ဟိုးယ်။ သော်ရ ဒူချောရတ် စီနိနော်ဝိုင်လေး အိသေးရာလို့ယ် အေဒီလာ မော်ရာဖိုရီဘို့" ဟိုးယ် အော်ဒလ်ဂို့ကျဲ။ 6သိုဘာဇေ ကိုယ်တော်ယေ သဘီအောကောလောရတ် အေဘော်ဆော်(န်)ကီစရတ် အော်ဒလ်ဂို့ကျဲ။ "မာနုချ်အိုဂို့ရ် စပျစ်သီးရ် ခေးသီးမားသေ လာဂါယေးသတ် ဒူရီဂါစ်အိုဂို့ အဆတ်။ အေသည်န် အိသေး အဲဂါစ် အိဘေမားသပ် ဒူရီဂူလာ သော်ဝိုက်သို့အချဲရရ် နောဖိုက်။ 7အပ်သလိုက် အိသေး ဥယျာဉ်မှူးရတ် " အေ ဂါစ်အီဘဲသူးန် ဒူရီဂူလာ ဖာယိုမ်ဘိုလီ ထက်ရီယတ်နန့် စိုည်ရိုယိသည့် သိမ်ဘော်ဆော်ရ် အို့ဂိယိုယ်၊ ကေစု ဂူလာယိုး နို့သည်ကိ။ အေဂါစ်အီဘဲရတ် ဟာရီဖတ်လား။ ကပ်လိုက် မေရီမားသပ် ဟာဇော်ရ်နာသကိ ဇာငှာလိုယ်သို" ဟိုးယ် ဟိုယေး။ 8သိုယ် ဥယျာဉ်မှူးယေ "အဲဂါစ်အိဘေ အာရ်အတ်ဘော်စောရ် လာကော။ အိုင့် ဂါစ်အိဘေရ် ဆိုက်ရော့ကူးသည့် မေရီရတ် ကူရိယတ်နန့် မေရီဆီသည်ယိုမ်။ 9အာရ်ဘော်ဆောရ် ဂူလာသို့ရိလေ သို့ရိသရတ်။ ဇိုသီ ဂူလာနိုသို့ရိလဲမှ ဟာရီဖတ်လားယိုး" ဘို့လိ ဟိုယေး" ဟိုးယ် အော်ဒလ်ဂို့ကျဲ။ 10ဖူနီမာသည့်န်အို့ဂို့မားသပ် ဒမာရုံအတ်ခါးနောမားသတ် ကိုယ်တော်ယေ ဒတ်ချားဏ ဂေါရတ်ရ်။ 11အဲဇာငှာမားသတ် ဟောရက်ပ်ဒတ်ဖောသာ့ဒ့ရစ် အာင်ရရောဘောစောရ်ဝါးန် ခေလ်ဂူဇာအိုးယ်ရိုးယေးသတ် မာယာဖွာ အတ်ဇော်(န်)အဆတ်။ 12ကိုယ်တော်ယေရှု မာယာဖွာအိဘေရတ် ဒေကဲရရ် အိဘေရတ် ဒါကီယတ်နန့် "မယာဖွာ၊ သူယ် အာဇီယာလိုသီ ဂင်မ်အို့ဇယောဂို့ယ်" ဘို့လိ အော်ဒလ်ဂို့ရိယတ်နန့်၊ 13ကိုယ်တော်ရ် အာ့သ်လိုယ် မာယာဖွာအိဘေရတ် ဘာဇယေးရရ် အောထောမားသေ အိဘေ ခေလ်အူဇူဂိုရိ သိယာယေးနန့် ဘောဂဝင့်နောရ် ဂူနော်ရတ် ချီးမွမ်းဂေါ်ရတ်ရ်။ 14သိုယ် ဒမာရုံစိုည်ဂေါ်ရတ်သတ် မော်ရော်သာအိသေး ဖူနီမာသည့်န် ကိုယ်တော်ယေရှု မာယာဖွာအိဘေရတ် ဂင်ဂိုရိသည့်ယေးသတ် အပ်သလိုက် ဂိုချားအုထေး။ အပ်သလိုက် အိသေး မာနုချ်အောကောလောရတ် "အတ်ချသော့မားသတ် ဟာ(မ်)ဂိုရိဘို့သပ် ဆောသည့်န်အဆတ် အဲသည်န်အဲယုနော်မားသပ် အယတ်နန့် ဂင်မ်အို့ဗျတ်လိုက် ဒါဟိုက်စ်။ ဖူနီမာသည့်န် နော်ဝင်ချိုး" ဘို့လိ ဟိုယေး။ 15ကိုယ်တော်ယေ "ဂင်မ်ကွာလော့သတ် မာနုချ်အောကောလ်။ ဖူနီမာသည့်န် သော်ရသူးန် အဆတ်သပ် ဂိုရူအောကောလ်၊ မြည်းအောကောလောရတ် ဂိုရူလာသူးန် အေရီသည်ယေးနန့် ဖာနိဟားဗျဘတ်လိုက် နီဇော်ဒတ်နနား။ 16သို့မို့လေ အာင်ရရောဘောစောရ်ဝါးန် ဟောရက်ပ်ဖတ်ဒိုးရိလိုက်ကျဲသေ အာဗြဟံရ်ဇူးဖွားအိုးယေးသေ အေမာယာဖွာအီဘဲရတ် ဖူနီမာသည့်န် ဒိုးရိလိုက်ကျဲသေအဲသူ(န်) အေရီသည်ယာနိုဖိုရီဘို့နား" ဟိုးယ် အာဘာရ် အော်ဒလ်ဂို့ကျဲ။ 17ကိုယ်တော်ရ် ဟော်သအောကောလ် ဟိုဂျာဂိုသို့စသပ် အိသေးရာရတ် ချောရော(မ်)ဖိုက်ဖာ(န်) အို့ယေ။ သိုယ် မာနုချ်ဘေကူးနဲ အဲအော်ဘက်ဖ်အဲယုနော်သရစ် ကုရှီအိုးယေး။ 18သိုဘာဇေ ကိုယ်တော်ယေ "ဘောဂဝင့်နောရ် ချားချော်(န်) ကီလိုယ် ဘော်နန်။ ကီဇီနိချ်လိုယ် နှိုင်းဂိုရိ ဒါဟဖို့ရိဘို့။ 19ဘောဂဝင့်နောရ် ချားချော်(န်) ဘူသီးဂုလလို့ယ် အေဒီလာ။ မာနုချ်အို့ဂို့ ဘူသီးဂုလရတ် လိုယေးနန် အိသဲရ် ဘာရီဆာမားသပ် လာဂါယေး။ အဲဘူသီးဂုလသူးန် ထေ့လ်အောကော်လ် ဖူရာယေးနန့် ဒေါမ့်ရ်ဂါစ်အို့ယေးနန့် ဖိုက်ခ်အောကောလ် ဘဟဘားနစ် သကိသားရတ်။ 20သိုဘာဇေ ကိုယ်တော်ယေ "ဘောဂဝင့်နောရ် ချားချော်နော်ရတ် ကီဇီနိချ်လို့ယ် အာဘာရ် နှိုင်းဂိုရိ ဒါဟဖို့ရိဘို့။ 21ဘောဂဝင့်နောရ် ချားချော်(န်) တဆေးလို့ယ် အေဒီလာ။ မာယာဖွာအို့ဂို့ တဆေးအေကီနိဂို့ရိ လိုယေးနန့် မိုယ်သာဂူရီ သိမ်ဘော်ရော်ကော်မားသပ် သည်ယေးနန့် မီယဇ်ဖတ်လားယေးရရ် မူးအောကောလ် ဖူးလိဂိယိုယ်" ဟိုးယ် အော်ဒလ်ဂို့ကျဲ။ 22သိုဘာဇေ ကိုယ်တော်ယေရှု ဂျေရုဆလင် ဇာသတ် ဖော်သိုးထိယား အဆတ်သပ် တောမ့်န် ဖာရာအောကောလောမားသပ် အဆတ်သပ် မာနုချ်အောကောလောရတ် ဒတ်ချားဏဟောဂိုကျဲ။ 23အတ်ဇော်နန် ကိုယ်တော်ရတ် "အရှင်၊ အူဖာရ်ဖာဗျိုသတ် မာနုချောမားသပ် အေကီနိဂို့ရိ အဆတ်သပ်နား" ဘို့လိ ဖော်စောရ်လို့ယေး။ 24ကိုယ်တော်ယေ "သော်ရ ဂူရာစိနား ဒူဝါရော်သည့် ဂို့လိသားရိဘတ်လိုက် ဘီချိဂို့ရိ ကြိုးစားဂေါရ်။ သော်ရရတ် အိုင့် ဟိုသည့် မာနုချ်ဘီရှိဂို့ရိ အဲဇာငှာမားသတ်ဂို့လိဘတ်လိုက် ကြိုးစားဂိုရိလေးယိုး အဲဒူဝါရော်သည့် ဂို့လိနားဖားရိဘို။ 25ဂေါရောရ်ဂီရောဆတ် အူရိယတ်နန့် ဒူဝါရ်ဘာသည့်ဖတ်လိုက်လေး သော်ရ ဘရတ် သိယာယတ်နန့် "ကိုယ်တော်၊ ဒူဝါရ်ကူးလိသော" ဘို့လိ ဟောဖို့ရိဘို့၊ သိုယ် ဂေါရောရ်ဂီရောဆတ် "သော်ရ ဟိုသူးန် အချောစ် အိုင့် ဟိုနားဖားရိ" ဟိုးယ် ပြန်လို့ ဟိုဗျိုး။ 26"အာင်ရ ကိုယ်တော်ရ် ဖောင့်ကတ် ဟားယီသည်အစိ။ ကိုယ်တော်ယေ အာင်ရရ် တောမ့်န်ဖာရာအောကောလောရ် ဖော်သောမားသတ်ယိုး အာင်ရရတ် ဒတ်ချားနဟိုးယေး" ဘို့လိ သော်ရ ဟိုလေးယိုး 27အိသေး "သော်ရရတ် အိုင့် ဟိုးယ်။ သော်ရ ဟိုသူးန်အချောသတ် အိုင့် ဟားထိ ဟိုနားဖားရိ။ အာင့်ရ်ဒ့ဟောသူ(န်) ဇာဂို့ယ်။ သော်ရ ဟောရက်ပ်မာနုချ် အောကောလ်" ဘို့လိ ဟိုဗျိုး။ 28ဘောဂဝင့်နောရ် ချားချော်နော်ရ် ဘိသောရတ် အာဗြဟံ၊ ဣဇက် ရတ်သတ် ပရောဖက်အောကောလောရတ် ဒေကိလေးယိုး သော်ရရတ် ဘရတ် နန်လိုက်သည်ယေးသပ်အပ်သလိုက် သော်ရ ဟော်ချ်ထော်ဖိုက် ဟာင်ဒါဖိုရီဘို့။ 29အရှေ့၊ အနောက်၊ တောင်၊ မြောက် ဇာငှာသူးန် မာနုချ်အောကောလ် ဘောဂဝင့်နောရ် ချားချော်နော်ရ် ဘိသောရတ် ဖောင့်ကတ်ဘိုယေးနန့် အောကောလောရ်ဂင်မူးန် ဟိုက်သရိဘို။ 30ယာ အရေးမပါစော် မာနုချ်အောကောလ် အရေးပါဆုံး မာနုချ်အိုးယေးနန့် ယာ အရေးပါဆုံး မာနုချ်အောကောလ် အရေးမပါဆုံး အိုးယ်အာဗျိုးသပ် မော်နော်လာကိစ်" ဟိုးယ် အော်ဒလ်ဂို့ကျဲ။ 31အဲတိုင်မော်မားသပ် ကိုယ်တော်ယေရှုရ် အတ်ရေ ဖာရိရှဲအောကောလ် အာယတ်နန့် "ဟေရုဒ်ယေး သော်ဝင့်ရတ် မိုက်သိုစသတ်အပ်သလိုက် အေဇာငှာသူးန် ဇော်ဂိုးယ်" ဟိုးယ် လျှောက်ဂိုကျဲ။ 32ကိုယ်တော်ယေ အိသေးရာရတ် "ဇာယေးနန့် အဲမြေခွေးရတ် ဟို့စ်။ အိုင့် အာဇီယာသပ် ဟာလီယာ ဟောရက်ပ်ဒတ်ဖောသာ့ရေ နန်လာယေးနန့် ဘတ်ရာ(မ်)အောကောလ် ဂင်ဂိုရိ သိမ်သည်နော်မားသပ် ဟာ(မ်)အောဖာ(န်)ဂိုကျိုးမ်။ 33သို့ယတ်နန့် အိုင့် အာဇီယာ၊ ဟာလီယာသတ် သာရ်ဖိုသည့်န် ခရီးဇာ့ဖို့ရိဘို့။ ကပ်လိုက်ဟိုးလေး ပရောဖက်ယေး ဂျေရုဆလင်တောမ့်န်ဘာဇေ အာရ်ဇာငှာမားသပ် မော်ရာဖိုကျဲဟောသတ် နာသကိဘို့"။ 34"ဂျေရုဆလင်၊ ဂျေရုဆလင်၊ သူယ် ပရောဖက်အောကောလောရတ် မာရီ ဘောဂဝင့်နန့် ဒီရယေးသပ် ချောဒတ်ဖောသာ့ရေယိုး သော်လာမာကျောစ်။ ဟိုရိုးကူးရယေး နီဇော်ရ် ဆားအော့ကော့လော်ရတ် ဖာဂေါသော်လေ ဇာ့ဘိုက်အဲရိ ဖာလာသတ်အဲနိကျ အိုင့်ယိုး သော်ရ် ပူဇိအောကောလောရတ် ဖာလာဘတ်လိုက် ဘီရှိ ဂိုရိဆာယိ သူယ် အာင့်ရတ် မာသ်နော်ဂေါ်ရောစ်။ 35သော်ရ် ဗိမာန်တော်ယေ မူရဒိခါးန် မာနုချ်ဆားရ နီဇက်ပ်အိုးယ်ရိုးဗျိုး။ သူယ် အာင့်ရတ် "ဘောဂဝင့်နောရ် နာ(မ်)လိုယ် အချဲသပ် ကိုယ်တော်ယေ မော်ဂေါလ်အဆတ်" ဟိုးယ် နောဟောသတ်အဲသို့သည်န်ဝါးန် အာင့်ရတ် သူ အာရ်ဘာရ် နိုသည်ကိဘိ" ဟိုးယ် အော်ဒလ်ဂို့ကျဲ။
Currently Selected:
Luke 13: mtpv-rv
ማድመቅ
ያጋሩ
ኮፒ
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
This translation of the Marmagyi Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
