ಲುಕ್ 3

ಬಾವ್ತಿಜ್ಮ್ ದಿತಲ್ಯಾ ಜುವಾಂವಾಚೆ ಶಿಕಾಪ್

ಮಾತೆವ್ 3:1-12; ಮಾರ್ಕ್ 1:1-8

1ತಿಬೆರಿಯಸ್ ಕೈಸಾರ್ಯಾಚ್ ಮನ್ತಲ್ಯಾ ಚಕ್ರವರ್ತಿಚ್ಯಾ ಪಂದ್ರಾವ್ಯಾ ವರ್ಸಾತ್, ಪೊನಿತುಸಿ ಪಿಲಾತ್ ಮನ್ತಲೊ ಜುದೆಯಾಚೊ ಮೊಟೊ ಅದಿಕಾರಿ ಹೊತ್ತೊ,ಹೆರೊದ್ ಮನ್ತಲೊ ಗಾಲಿಲಿಯಾಚೊ ಅದಿಕಾರ್ ಚಾಲ್ವುತಲೊ ಹೊತ್ತೊ,ಅನಿ ತೆಚೊ ಭಾವ್ ಫಿಲಿಪ್, ಇತುರೆ, ಅನಿ ತ್ರಿಕೊನಿತಿಸ್ ಮನ್ತಲ್ಯಾ ಜಾಗ್ಯಾಂಚೊ ಅದಿಕಾರಿ ಅನಿ ಅಬಿಲೆನೆ ಮನ್ತಲ್ಯಾ ಜಾಗ್ಯಾರ್ ಲುಸಾನಿ ಮನ್ತಲೊ ಅದಿಕಾರಿ ಹೊತ್ತೊ, 2ಅನ್ನಾಸ್ ಅನಿ ಕಾಯಿಫಾಸ್ ಮನ್ತಲೆ ತನ್ನಾ ಮೊಟೆ ಯಾಜಕ್ ಹೊವ್ನ್ ಹೊತ್ತೆ. ಹ್ಯಾ ಎಳಾರ್ ಎಕ್ ಹಾಳ್ ಪಡಲ್ಲ್ಯಾ ಡಂಗ್ಳಿತ್ ಜೆಕರಿಯಾಚ್ಯಾ ಲೆಕಾಕ್, ಜುವಾಂವಾಕ್, ಎಕ್ ದೆವಾಚಿ ಗೊಸ್ಟ್ ಗಾವ್ಲಿ. 3ತೆಚೆಸಾಟ್ನಿ ಜುವಾಂವ್ ಜೊರ್ದಾನ್ ನ್ಹಯ್ಚ್ಯಾ ಭೊತ್ಯಾನ್ಲ್ಯಾ ಜಾಗ್ಯಾರ್, “ತುಮ್ಚೆ ಪಾಪಾಚೆ ಜಿವನ್ ಬದ್ಲಾ, ಅನಿ ಬಾಲ್ತಿಮ್ ಘೆವಾ, ಅನಿ ದೆವ್ ತುಮ್ಚಿ ಪಾಪಾ ಮಾಪ್ ಕರ್‍ತಾ” ಮನುನ್ ಸಾಂಗುನ್ಗೆತ್ ಗೆಲೊ.

4ಇಸಾಯಿಯಾ ಪ್ರವಾದ್ಯಾಚ್ಯಾ ಪುಸ್ತಕಾತ್:

“ಡಂಗ್ಳಿತ್ ಎಕ್ಲೊ ಬೊಬ್ ಮಾರ್‍ತಾ,

ಧನಿಯಾಸಾಟ್ನಿ ವಾಟ್ ತಯಾರ್ ಕರುನ್ ಥವಾ”

“ತೆಕಾ ಯೆವ್ಕ್ ಎಕ್ ನಿಟ್ ವಾಟ್ ತಯಾರ್ ಕರಾ”

5ಸಗ್ಳೆ ಖಡ್ಡೆ ಭರುಕ್ ಪಾಜೆ, ಸಗ್ಳ್ಯಾ ಮೊಟ್ಯಾ ಬಾರಿಕ್ ಮಡ್ಡಿಯಾ ಸಪಾಟ್ ಹೊಂವ್ದಿ:

ವಾಕ್ಡಿತಿಕ್ಡಿ ಹೊತ್ತಿ ವಾಟ್ ನಿಟ್ ಹೊತಾ. ಅನಿ ಖರ್ಬಾಡಿ ವಾಟ್ ಶಾಪೊಳ್ ಹೊತಾ;

6“ಸಗ್ಳಿ ಮಾನುಸ್ ಜಾತ್ ದೆವಾಚಿ ಸುಟ್ಕಾ ಬಗ್ತಾ: ಮನುನ್ ಲಿವಲ್ಲ್ಯಾ ಸರ್ಕೆ ಹೊಲೆ”.

7ತಾಂಡ್ಯಾನಿ ಲೊಕಾ ಜುವಾಂವಾಕ್ಡೆ ಯೆಲಿ, ಅನಿ ತೆನಿ ತೆಂಕಾ ಬಾಲ್ತಿಮ್ ದಿಲ್ಯಾನ್. ಜುವಾಂವಾಕ್ ತೆಂಕಾ “ತುಮಿ ಕುಸ್ಡ್ಯಾಸಾಪಾಚ್ಯಾ ಪಿಳ್ಗಿ ಸಾರ್‍ಕೆ ಹಾಸಿ! ದೆವಾನ್ ದಿತಲ್ಯಾ ಶಿಕ್ಷಾತ್ನಾ ಚುಕ್ವುನ್ ಘೆವ್ಕ್ ಹೊತಾ, ಮನುನ್ ತುಮ್ಕಾ ಕೊನ್ ಉಶಾರ್ಕಿ ದಿಲಿ?” 8ತುಮಿ ತುಮ್ಚ್ಯಾ ಪಾಪಾನಿತ್ನಾ, ಬರ್‍ಯಾ ವಾಟೆಕ್ ಪರತ್ಲ್ಯಾಶಿ, ಮನುನ್ ದಾಕ್ವುನ್ ದಿತಲಿ ಕಾಮಾ ಕರಾ, ಅನಿ ತುಮ್ಚ್ಯಾ-ತುಮ್ಚ್ಯಾ ಮದ್ದಿ ಅಮ್ಚೊ ಅದ್ಲೊ ಬಾಬಾ ಅಬ್ರಾಹಾಮ್ ಹಾಯ್, ಮನುನ್ ಸಾಂಗುಕ್ ಜಾವ್‍ನಕಾಶಿ. ಅಬ್ರಾಹಾಮಾಕ್ ಹ್ಯಾ ಗುಂಡ್ಯಾನಿತ್ನಾ ಸೈತ್ ಪಿಳ್ಗಿ ಕರುನ್ ದಿವ್ಕ್ ದೆವಾಕ್ ಹೊತಾ? 9ಝಾಡಾ ಮುಳಾತ್ನಾಚ್ ತೊಡುಕ್ ಮನುನ್ ಕುರಾಡ್ ತಯಾರ್ ಕರುನ್ ಥವ್ನ್ ಹೊಲ್ಲಿ ಹಾಯ್,ಬರಿ ಫಳಾ ದಿ ನಸಲ್ಲಿ ಸಗ್ಳಿ ಝಾಡಾ ತೊಡುನ್ ಆಗಿತ್ ಟಾಕುನ್ ಹೊತ್ಯಾತ್, ಮಟ್ಲ್ಯಾನ್.

10ತನ್ನಾ ಲೊಕಾನಿ ಜುವಾಂವಾಕ್ “ತರ್, ಅತ್ತಾ ಅಮಿ ಕಾಯ್ ಕರ್‍ತಲೆ?” ಮನುನ್ ಇಚಾರ್‍ಲ್ಯಾನಿ. 11ತೆನಿ ತೆಂಕಾ “ಕೊನಾಕ್ಡೆ ದೊನ್ ಅಂಗಿಯಾ ಹಾತ್, ತೊ ಕಾಯ್ಬಿನಸಲ್ಲ್ಯಾಕ್ ಎಕ್ ಅಂಗಿ ದಿಂವ್ದಿ, ಅನಿ ಕೊನಾಕ್ಡೆ ಜೆವ್ಕ್ ಹಾಯ್, ತೊ ವಾಟುನ್ ಘೆವ್ನ್ ಖಾಂವ್ದಿ” ಮನುನ್ ಜಬಾಬ್ ದಿಲ್ಯಾನ್.

12ಉಲ್ಲೆ ತೆರ್‍ಗಿ ವಸುಲ್ ಕರ್‍ತಲೆಬಿ ಬಾಲ್ತಿಮ್ ಘೆವ್ಕ್ ಯೆಲ್ಲೆ, ಅನಿ “ಗುರುಜಿ: ಅಮಿ ಕಾಯ್ ಕರುಚೆ?” ಮನುನ್ ಇಚಾರ್‍ಲ್ಯಾನಿ. 13ತೆಂಕಾ ಜುವಾಂವಾಕ್ “ಕವ್ಡೆ ವಸುಲ್ ಕರ್‍ತಲೆ ಹಾಯ್,ತೆಚೆನ್ ಜಾಸ್ತಿಚೆ ವಸುಲ್ ಕರುನಕಾಶಿ” ಮನುನ್ ಸಾಂಗ್ಲ್ಯಾನ್.

14ಉಲ್ಲಿ ಸೈನಿಕಾಬಿ ಯೆಲಿ ಅನಿ “ಅಮ್ಚ್ಯಾ ವಿಶಯಾತ್ ಕಾಯ್ ಮನ್ತೆ? ಅಮಿ ಕಾಯ್ ಕರುಚೆ”, ಮನುನ್ ಇಚಾರ್‍ಲ್ಯಾನಿ.

ತೆನಿ ತೆಂಕಾ “ಒತ್ತಾಯ್ ಕರುನ್ ಧಮ್ಕಿ ದಿವ್ನ್ ಕೊನಾಕ್ನಾಬಿ ಪೈಸೆ ಕಾಡುನ್ ಘೆವ್‍ನಕಾಶಿ, ನಾಹೊಲ್ಯಾರ್ ಕೊನಾ ವರ್‍ತಿಬಿ ಝುಟೆ ಅಪ್ವಾದ್ ಘಾಲುನಕಾಶಿ,ತುಮ್ಕಾ ಕವ್ಡೊ ಪಗಾರ್ ದಿತ್ಯಾತ್ ತ್ಯಾತುರುಚ್ ಕುಶಿ ಹೊವಾ” ಮನುನ್ ಸಾಂಗ್ಲ್ಯಾನ್.

15“ಅಮಿ ವಾಟ್ ಬಗುನ್ಗೆತ್ ಹೊತ್ತೊ ಮೆಸ್ಸಿಯಾ ಜುವಾಂವುಚ್ ಕಾಯ್ಕಿ,” ಮನುನ್ ಲೊಕಾ ಅಪ್ನಾಚ್ಯಾ ಮನಾತ್ನಿ ಯವ್ಜುಕ್ ಲಾಗಲ್ಲಿ.

16ತೆಚೆಸಾಟ್ನಿ ಜುವಾಂವಾಕ್ ತೆಂಕಾ “ಮಿಯಾ ತುಮ್ಕಾ ಪಾನಿಯಾನ್ ಬಾಲ್ತಿಮ್ ದಿವ್ಲಾ ಖರೆ ಮಾಜ್ಯಾ ಮಾನಾ ಎಕ್ಲೊ ಯೆತಲೊ ಹಾಯ್ ತೊ ಮಾಜೆನ್ಕಿ ಲೈ ಮೊಟೊ, ತೆಚ್ಯಾ ವ್ಹಾನಾಚಿ ನಾಡಿ ಸೊಡ್ತಲಿ ಸೈತ್ ಮಾಕಾ ಮರ್‍ಯಾದ್ ನಾ, ತೊ ತುಮ್ಕಾ ಪವಿತ್ರ್ ಆತ್ಮ್ಯಾನ್ ಅನಿ ಆಗಿನ್ ಬಾಲ್ತಿಮ್ ದಿತಾ. 17ತೆನಿ ತೆಚೆ ಸುಪ್ಪ್ ಹಾತಿತ್ ಧರ್‍ಲ್ಯಾನಾಯ್, ತೊ ಅಪ್ಲೆ ಖಳ್ಯಾತ್ಲೆ ದಾನೆ ಫಾಪಡ್ತಾ, ಅನಿ ಘವ್ ಅಪ್ನಾಚ್ಯಾ ದಾನೆ ಥವ್ತಲ್ಯಾ ತಟ್ಟ್ಯಾತ್ ಭರುನ್ ಥವ್ತಾ, ಖರೆ, ಜೊಳ್ಳ್ ಕನ್ನಾಚ್ ಇಜಿನಸಲ್ಲ್ಯಾ ಆಗಿತ್ ಘಾಲುನ್ ಜಾಳ್ವುತಾ”, ಮನುನ್ ಸಾಂಗ್ಲ್ಯಾನ್.

18ಅಶೆ ದುಸ್ರ್ಯಾ-ದುಸ್ರ್ಯಾ ರಿತಿನ್ ಜುವಾಂವಾಕ್ ಲೊಕಾಕ್ನಿ ಬರಿ ಖಬರ್ ಸಾಂಗ್ಲ್ಯಾನ್, ಅನಿ ಲೊಕಾನಿ ತೆಂಚಿ ಮನಾ ಬದ್ಲಿ ಸಾರ್ಕೆ ಕರ್‍ಲ್ಯಾನ್. 19ಹೆರೊದ್ ಮನ್ತಲ್ಯಾ ಅದಿಕಾರ್‍ಯಾನ್ ಬುರ್ಶಿ-ಬುರ್ಶಿ ಕಾಮಾ ಕರಲ್ಲ್ಯಾನ್ ಅನಿ ಅಪ್ನಾಚ್ಯಾ ಭಾವಾಚ್ಯಾ ಬಾಯ್ಕೊಕ್ ಹೆರೊದಿಯಾಸಾಕ್ ನಗಿನ್ ಕರುನ್ ಘೆಟಲ್ಲ್ಯಾನ್, ತಸೆ ಮನುನ್ ಜುವಾಂವ್ ತೆಕಾ ಹಿ ತುಜಿ ಚುಕ್ ಮನುನ್ ಸಾಂಗುನ್ಗೆತ್ ರೈ. 20ಜುವಾಂವಾಕ್ ಬಂದಿಖಾನ್ಯಾತ್ ಘಾಲುನ್, ಹೆರೊದಾನ್ ಅನಿ ಎಕ್ ಬುರ್ಶೆ ಕಾಮ್ ಕರುನ್ ಘೆಟಲ್ಲ್ಯಾನ್.

ಜೆಜುಚೆ ಬಾಲ್ತಿಮ್

ಮಾತೆವ್ 3:13-17; ಮಾರ್ಕ್ 1:9-11

21ಸಗ್ಳ್ಯಾ ಲೊಕಾಕ್ನಿ ಬಾಲ್ತಿಮ್ ದಿವ್ನ್ ಹೊಲ್ಲ್ಯಾ ತನ್ನಾ ಜೆಜುನ್‍ಬಿ ಬಾಲ್ತಿಮ್ ಘೆಟ್ಲ್ಯಾನ್, ಜೆಜು ಮಾಗ್ನಿ ಕರ್‍ತಾನಾ ಮಳಬ್ ಉಗಡ್ಲೊ 22ಅನಿ ಪಾರಿವಾಳಾಚ್ಯಾ ರುಪಾರ್ ಪವಿತ್ರ್ ಆತ್ಮೊ ತೆಚ್ಯಾ ವರ್‍ತಿ ಉತ್ರುನ್ ಯೆಲೊ ಅನಿ “ತಿಯಾ ಮಾಜ್ಯಾ ಮನಾ ಸರ್ಕೊ ಮಾಜೊ ಅಪುರ್‍ಬಾಯೆಚೊ ಲೆಕ್” ಮನುನ್ ಸರ್‍ಗಾ ವೈನಾ ಎಕ್ ಧನ್ ಆಯ್ಕೊ ಯೆಲೊ.

ಜೆಜುಚ್ಯಾ ಘರಾನ್ಯಾಚಿ ಅದ್ಲಿ ಲೊಕಾ

ಮಾತೆವ್ 1:1-17

23ಜೆಜುನ್ ತೆಚೆ, ಬರಿ ಖಬರ್ ಸಿಕ್ವುತಲೆ ಕಾಮ್ ಸುರು ಕರ್‍ತಾನಾ, ತೊ ತಿಸ್ ವರ್ಸಾಂಚೊ ಹೊತ್ತೊ, ಲೊಕಾ ಜೆಜು ಎಲಿಚ್ಯಾ ಲೆಕಾಚೊ ಜುಜೆಚೊ ಲೆಕ್ ಮನುನ್ ಯವ್ಜಿತ್. 24ಯೆಲಿ ಮತ್ತಾತಾಚೊ ಲೆಕ್, ಮತ್ತಾತ್ ಲೆವಿಚೊ ಲೆಕ್, ಲೆವಿ ಮೆಲ್ಕಿಚೊ ಲೆಕ್, ಮೆಲ್ಕಿ ಜನ್ನಾಯಾಚೊ ಲೆಕ್, ಜನ್ನಾಯ್ ಜುಜೆಚೊ ಲೆಕ್, 25ಜುಜೆ ಮತ್ತಥಿಯಾಚೊ ಲೆಕ್, ಮತ್ತಥಿಯಾ ಅಮೊಸಾಚೊ ಲೆಕ್, ಅಮೊಸ್ ನಾಹುಮಾಚೊ ಲೆಕ್, ನಾಹುಮ್ ಎಸ್ಲಿಚೊ ಲೆಕ್, ಎಸ್ಲಿ ನಗ್ಗಾಯಾಚೊ ಲೆಕ್. 26ನಗ್ಗಾಯ್ ಮಾಥಾಚೊ ಲೆಕ್, ಮಾಥ್ ಮತ್ತಥಿಯಾಚೊ ಲೆಕ್, ಮತ್ತಥಿಯಾ ಸಿಮಿಯೊನಾಚೊ ಲೆಕ್, ಸಿಮಿಯೊನ್ ಜೊಸೆಖಾಚೊ ಲೆಕ್. ಜೊಸೆಖ್ ಜೊದಾಚೊ ಲೆಕ್, 27ಜೊದಾ ಜೊನಾನಾಚೊ ಲೆಕ್, ಜೊನಾನ್ ರೆಸಾಚೊ ಲೆಕ್, ರೆಸಾ ಜೆರುಬಾಬೆಲಾಚೊ ಲೆಕ್, ಜೆರುಬಾಬೆಲ್ ಶಅಲ್ತಿಥಿಯೆಲಾಚೊ ಲೆಕ್, ಶಅಲ್ತಿಯೆಲ್ ನೆರಿಚೊ ಲೆಕ್. 28ನೆರಿ ಮೆಲ್ಕಿಚೊ ಲೆಕ್, ಮೆಲ್ಕಿ ಅದ್ದಿ ಮನ್ತಲ್ಯಾಚೊ ಲೆಕ್, ಅದ್ದಿ ಕೊಸಾಮಾಚೊ ಲೆಕ್, ಕೊಸಾಮ್ ಎಲ್ಮಾದಾಮಾಚೊ ಲೆಕ್, ಎಲ್ಮಾದಾಮ್ ಎರಾಚೊ ಲೆಕ್, 29ಎರ್ ಜೊಶ್ವಾಚೊ ಲೆಕ್, ಜೊಶ್ವಾ ಎಲಿಯಾಜರಾಚೊ ಲೆಕ್, ಎಲಿಯಾಜರ್ ಜೊರಿಮಾಚೊ ಲೆಕ್, ಜೊರಿಮ್ ಮಥಾತಾಚೊ ಲೆಕ್, ಮಥಾತ್ ಲೆವಿಚೊ ಲೆಕ್, 30ಲೆವಿ ಸಿಮಿಯಾವಾಚೊ ಲೆಕ್, ಸಿಮಿಯಾವ್ ಜುದಾಚೊ ಲೆಕ್, ಜುದಾ ಜುಜೆಚೊ ಲೆಕ್, ಜುಜೆ ಜೊನಾಮಾಚೊ ಲೆಕ್, ಜೊನಾಮ್ ಎಲಿಯಾಕಿಮಾಚೊ ಲೆಕ್, 31ಎಲಿಯಾಕಿಮ್ ಮಲಿಯಾಚೊ ಲೆಕ್, ಮಲಿಯಾ ಮನ್ನಾಚೊ ಲೆಕ್, ಮನ್ನಾ ಮಾತ್ತಾಥಾಚೊ ಲೆಕ್, ಮಾತ್ತಾಥ್ ನಾತಾನಾಚೊ ಲೆಕ್,ನಾತಾನ್ ದಾವಿದಾಚೊ ಲೆಕ್, 32ದಾವಿದ್ ಜಸ್ಸೆಚೊ ಲೆಕ್, ಜಸ್ಸೆ ಒಬೆದಾಚೊ ಲೆಕ್, ಒಬೆದ್ ಬೊಆಜಾಚೊ ಲೆಕ್, ಬೊಅಜ್ ಸಲ್ಮೊನಾಚೊ ಲೆಕ್, ಸಲ್ಮೊನ್ ನಾಅಸೊನಾಚೊ ಲೆಕ್. 33ನಾಅಸೊನ್ ಅಮಿನಾದಾಬಾಚೊ ಲೆಕ್, ಅಮಿನಾದಾಬ್ ಆದ್ಮಿನಾಚೊ ಲೆಕ್, ಆದ್ಮಿನ್ ಆರ್‍ನಿಚೊ ಲೆಕ್, ಆರ್‍ನಿ ಹೆಸ್ರೊನಾಚೊ ಲೆಕ್, ಹೆಸ್ರೊನ್ ಫೆರೆಸಾಚೊ ಲೆಕ್, ಫೆರೆಜ್ ಜುದಾಚೊ ಲೆಕ್, 34ಜುದಾ ಜಾಕೊಬಾಚೊ ಲೆಕ್, ಜಾಕೊಬ್ ಇಸಾಕಾಚೊ ಲೆಕ್, ಇಸಾಕ್ ಅಬ್ರಾಹಾಮಾಚೊ ಲೆಕ್, ಅಬ್ರಾಹಾಮ್ ತೆರಾಹ್ ನಾಹೊರಾಚೊ ಲೆಕ್, 35ನಾಹೊರ್ ಸೆರುಗಾಚೊ ಲೆಕ್, ಸೆರುಗ್ ರೆವುಚೊ ಲೆಕ್, ರೆವು ಪೆಲೆಗಾಚೊ ಲೆಕ್, ಪೆಲೆಗ್ ಎಬೆರಾಚೊ ಲೆಕ್, ಎಬೆರ್ ಶಿಲಾಹಾಚೊ ಲೆಕ್, 36ಶಿಲಾಹಾ ಕಾಯಿನಾಚೊ ಲೆಕ್, ಕಾಯಿನ್ ಅರ್ಪಾಕ್ಸಾದಾಚೊ ಲೆಕ್, ಅರ್ಫಾಕ್ಸಾದ್ ಶೆಮಾಚೊ ಲೆಕ್, ಶೆಮ್ ನೊಯೆಚೊ ಲೆಕ್, ನೊಯೆ ಲಾಮೆಖಾಚೊ ಲೆಕ್, 37ಲಾಮೆಖ್ ಮಥುಸೆಲಾಚೊ ಲೆಕ್, ಮೆಥುಸೆಲಾ ಎನೊಕಾಚೊ ಲೆಕ್, ಎನೊಕ್ ಜಾರೆದಾಚೊ ಲೆಕ್, ಜಾರೆದ್ ಮಹಾಲಾಲಿಲಾಚೊ ಲೆಕ್, ಮಹಾಲಾಲಿಲ್ ಕಾನಾನಾಚೊ ಲೆಕ್, 38ಕಾನಾನ್ ಎನೊಶಾಚೊ ಲೆಕ್, ಎನೊಶ್ ಶೆತಾಚೊ ಲೆಕ್, ಶೆತ್ ಆದಾಮಾಚೊ ಲೆಕ್, ಆದಾಮ್ ದೆವಾಚೊ ಲೆಕ್.

Currently Selected:

ಲುಕ್ 3: NTSii24

ማድመቅ

Copy