Mateo 8
8
Yesu saa kwatani bi yadeɛ
(Marko 1:40-45; Luka 5:12-14)
1Berɛ a Yesu siane firii mmepɔ he so he, nnipadɔm pii dii n’akyi. 2Na hwɛ, kwatani bi baa ne hɔ bebuu nkotodwe n’anim, kaa sɛ, “Awurade, sɛ wopɛ a, wobetumi ama me ho afiri.” 3Na Yesu tenee ne nsa de kaa no, kaa sɛ, “Mepɛ. Wo ho mfiri!” Amonom hɔaa ne kwata he firii ne ho. 4#Mat 9:30; Mar 7:36; Luk 17:14; Lew 14:2-32 Na Yesu ka kyerɛɛ no sɛ, “Hwɛ na woanka ankyerɛ nipa biaa; afei kɔ, fa wo ho kɔkyerɛ sɔfo, na bɔ afɔdeɛ a Mose hyɛeɛ he, na ɔnyɛ adansedie mma bɛ.”
Yesu saa asraafoɔ ha so panyini bi akoa yadeɛ
(Luka 7:1-10)
5Na oduruu Kapernaum he, asraafoɔ ha so panyini bi baa ne hɔ, srɛɛ no 6sɛ, “Awurade, m’akoa abubu gu fie a ohu amane paa.” 7Na ɔka kyerɛɛ no sɛ, “Mɛba abɛsa no yadeɛ.” 8Na asraafoɔ ha so panyini he buaa sɛ, “Owura, memfata sɛ wobɛba me fie; kasa kɛkɛ, na m’akoa he ho bɛtɔ no. 9Na me nso meyɛ bi a me di tumi a asraafoɔ hyɛ m’ase; sɛ meka kyerɛ baako sɛ, “Kɔ a ɔkɔ,” na meka kyerɛ foforɔ nso sɛ, “Bra,” a ɔba, na mehyɛ m’akoa so sɛ, “Yɔ yei” a, ɔyɔ.” 10#Mat 15:28 Na Yesu tee deɛ ɔkaeɛ he, ne ho dwirii no, na ɔka kyerɛɛ bɛ a bedi n’akyi he sɛ, “Nɔkorɛ meeka akyerɛ ho, menhu biaa Israel mu a ɔwɔ gyidie sei. 11#Yes 49:12; Luk 13:28-29 Meeka akyerɛ ho, nnipa bebree firi apieeɛ ne atɔeɛ bɛba ne Abraham ne Isak ne Yakob abɛtena soro ahennie mu abedidi, 12#Mat 22:13; 24:51; 25:30 na ahennie he mma paa deɛ bɛbɛto bɛ atwene sum kabii mu, baabi a suu ne benabɔ ya.” 13#Mat 9:29; 15:28 Na Yesu ka kyerɛɛ asraafoɔ ha so panyini he sɛ, “Kɔ; ɔnyɔ hɔ ma wo sɛdeɛ wo gyidie teɛ.” Na akoa he ho tɔɔ no saa dɔnhwere heaa mu.
Yesu saa nnipa bebree yadeɛ ya Petro fie
(Marko 1:29-34; Luka 4:38-41)
14Na afei Yesu kɔɔ Petro fie, na abunu akye Petro ase baa da hɔ. 15Yesu sɔɔ ne nsa, na abunu he gyaeɛ, na ɔsɔreeɛ, na ɔyɔɔ no ahɔhoyɛ. 16Saa anwummerɛ he bɛde nnipa bebree a bɛwɔ ahohommɔne braa no; ɔde tumi a ɔya n’asɛm mu tutuu ahohommɔne he, na ɔsaa bɛ a bɛyare nyinaa yadeɛ. 17#Yes 53:4 Yei maa deɛ diyifoɔ Yesaia kaeɛ he baam sɛ, “Ɔfaa yɛ mmerɛyɛ na ɔsoaa yɛ yadeɛ.”
Yesu daakye akyidifoɔ
(Luka 9:57-60)
18 #
Mar 4:35; Luk 8:22 Afei Yesu huu nnipadɔm pii sɛ bɛatwa ne ho ahyia he, ɔhyɛɛ sɛ bentwa nkɔ fa nohoaa. 19Twerɛfoɔ bi baa ne nkyɛne sɛ, “Kyerɛkyerɛni, medi w’akyi baabi a wobɛkɔ biaa.” 20#2 Ko 8:9 Na Yesu ka kyerɛɛ no sɛ, “Sakramane wɔ bɔno, na nnomaa a bɛya wiem wɔ pirebuo; nso Nipa Ba he deɛ onni baabi a ɔde ne ti bɛto mpo.” 21#1 Ah 19:20 Na suani foforɔ nso kaa sɛ, “Awurade, mma me kwane na menni kane nkosie me papa.” 22Nso Yesu ka kyerɛɛ no sɛ, “Di m’akyi, na ma awufoɔ nsie bɛ awufoɔ.”
Yesu brɛɛ ahum ase
(Marko 4:36-41; Luka 8:23-25)
23Na Yesu tenaa kodoɔ he mu he, n’asuafoɔ dii n’akyi. 24Ahum kɛseɛ bi bɔ faa po he so, na ano dene nti asorɔkye he baa kodoɔ he mu; nso na Yesu ada. 25Na asuafoɔ he baa ne nkyɛne bɛyanee no, sɛ, “Awurade, gye yɛ! Yɛɛhwere yɛ nkwa!” 26Na ɔka kyerɛɛ bɛ sɛ, “Mmɛ ntia ho suro yi, ho a ho gyidie sua?” Na ɔsɔreeɛ na ɔteateaa mframa ne po he; na bɛyɛɛ dinn koraa. 27Na yei yɛɛ bɛ nwanwa, na bɛkaa sɛ, “Abɛ nipa di a, mframa ne po mpo yɔ setie ma no yi?”
Yesu tutuu ahonhommɔne ya Gadarene
(Marko 5:1-17; Luka 8:26-37)
28Na Yesu duruu asuogya hɔ he, Gadarenefoɔ asaase so he, nnipa mmienu a bɛwɔ honhommɔne firi afunsieɛ behyiaa no. Na bɛ ho hu nti, na nnipa biaa ntumi ntwam saa kwane he so. 29#Luk 4:41; 2 Pe 2:4 Amonom hɔaa bɛteateam sɛ, Mmɛ ne wo ne yɛ wɔ yɔ, Nyankopɔn Ba? Woaba ha sɛ wobɛha yɛ ansa na mmerɛ he aduru anaa? 30Saa mmerɛ he na mprakokuo bebree bi oodidi nkyɛne hɔ. 31Na ahohommɔne he srɛɛ no sɛ, “Sɛ wotutu yɛ a, ma yɛnkɔ mprakokuo yi mu.” 32Na ɔka kyerɛɛ bɛ sɛ, “Honkɔ!” Nti bɛkɔ kɔ wuraa mprakokuo he mu; na hɔaa, mprako he nyinaa bɔɔ bum sianee monku he mu koguu po he mu ma bɛ ase hyeeɛ. 33Na bɛ a bɛɛhwɛ mprakokuo he dwane kɔɔ kurom hɔ, kaa deɛ asi fa bɛ a na bɛwɔ ahohommɔne he ho kyerɛɛ bɛ. 34Na afei kuro mu he nyinaa ba behyiaa Yesu; na behuu no he, bɛsrɛɛ no sɛ ommfiri bɛ mpɔtamu hɔ nkɔ.
Currently Selected:
Mateo 8: BBTP
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Bono New Testament © The Bible Society of Ghana, 2021
