Luka 23
23
Bɛde Yesu begyinaa Pilato anim
(Mateo 27:2; 27:11-31; Marko 15:1-20; Yohane 18:28—19:16)
1Nti nnipadɔm he nyinaa sɔreeɛ, na bɛde Yesu kɔmaa Pilato. 2#Luk 20:25Afei befirii aseɛ bɔɔ no soboɔ sɛ, “Yɛakye beema yi sɛ ɔɔsɛe yɛ mane, na ɔbra sɛ bentua toɔ mma Kaesare na ɔka sɛ ɔno ne hene Kristo he.” 3Afei Pilato bisaa no sɛ, “Wone Yudafoɔ hene he ampa?” Na obuaa no sɛ, “W’ankasa ne wooka.” 4Afei Pilato ka kyerɛɛ asɔfoɔ mpanyimfoɔ he ne nnipakuo he sɛ, “Menhu bɔne biaa beema yi ho.” 5Nso bɛkaa no dendenndene sɛ, “Ɔkyerɛkyerɛ Yudea nyinaa de hwanyane mane he mu, ofirii aseɛ mpo firii Galilea ne ɔde abeduru ha yi.” 6Berɛ a Pilato teeɛ he, obisaa sɛ beema he yɛ Galileani anaa?
Bɛde Yesu kɔmaa Herode
7 #
Luk 3:1
Na ohuu sɛ Yesu hyɛ Herode tumi ase he, ɔma bɛde no kɔmaa Herode a nna he mu na n’ankasa ya Yerusalem he. 8#Luk 9:9 Berɛ a Herode huu Yesu he n’ani gyee yie, efiri sɛ na ofiri mmerɛ tentene apɛ sɛ ohu no esiane ne ho asɛm a waate nti, na na ɔpɛ sɛ ɔyɔ nsɛnkyerɛnne bi ma ohu. 9Afei ofirii aseɛ bisaa no nsɛm bebree; nso Yesu ammua no. 10Na asɔfoɔ mpanyimfoɔ he ne atwerɛfoɔ he kɔɔ so sɔre gyinaeɛ de abufuɔ bɔɔ no soboɔ aniberɛ so. 11Afei Herode ne n’asraafoɔ he bɔɔ no adapaa, goroo ne ho, na bɛhyɛɛ no ahentaadeɛ bi de no kɔmaa Pilato bio. 12Afei Herode ne Pilato bɛyɛɛ nnamfoɔ saa da heaa; kane he, na nka bɛyɛ atamfoɔ.
Pilato di maa Yesu
13Afei Pilato frɛɛ asɔfoɔ mpanyimfoɔ he, mane sodifoɔ he ne ne manfoɔ he hyiaa mu 14na ɔka kyerɛɛ bɛ sɛ, “Hode nipa yi braa me sɛ bi a ɔma nkurofoɔ te atua, na hwɛ, mehwehwɛɛ n’asɛm mu ho anim ha yiaa, nso manhu nnyinasoɔ biaa a hode bɔɔ no soboɔ. 15Nɔkwasɛm ne sɛ, Herode nso anhu bi, na ɔsane de no braa yɛ; na hwɛ, ɔnyɔɔ bibiaa a ɔsɛ sɛ beku no. 16Nti mɛtwe n’aso na magyaa no.” 17[Nso ɔsɛ Pilato sɛ daa, afahyɛ he mu, ogyaa deduani baako ma bɛ.] 18Na nnipadɔm he nyinaa teaam kaa sɛ, “Fa yei kɔ, na gyaa Baraba ma yɛ!” 19(Saa nipa yi, ɔnam sakasaka bi a ɔkɔyɔɔ no kuro mu hɔ ne awudie bi a odiiɛ nti ne bɛde no kɔtoo afiase.)
Pilato buaa Yesu kumfɔ
20Pilato maa ne nne so ne nnipadɔm he kasaa bio, efiri sɛ na ɔpɛ sɛ ogyaa Yesu. 21Na befirii aseɛ teateam sɛ. “Bɔ no asennua mu! Bɔ no asennua mu!” 22Ɔka kyerɛɛ bɛ ne mprɛnsa so sɛ. “Abɛ bɔne ne nipa yi ayɔ? Menhu bibiaa a ɔya ne ho a ɔsɛ sɛ owu. Nti mɛtwe n’aso na magyaa no.” 23Afei bɛde nne kɛseɛ kaa no dendenndene sɛ ɔmmɔ no asennua mu; na bɛ nne bunkamm ne deɛ so. 24Nti Pilato buu atɛne sɛnea bɛɛhwehwɛ he. 25Na ogyaa deɛ sakasaka ne awudie nti bɛde no kɔtoo afiase maa bɛ sɛnea bɛsrɛɛ no sɛ ɔnyɔ he; nso oyii Yesu maeɛ sɛdeɛ na bɛɛpɛ he.
Yerusalem mmaa
26 #
Mat 27:32; Mar 15:21 Na bɛde no ɔɔkɔ he, bɛsɔɔ Simon, Kireneni bi a na ofiri akuraa bi ase ɔɔba kurom, na bɛde asennua he soaa no dii Yesu akyi. 27Na dɔm kɛseɛ bi a befiri mane he mu ne mmaa a beedi abooboo na beesu dii n’akyi. 28Yesu danee ne ho kyerɛɛ mmaa he kaa sɛ, “Yerusalem mmaa, honnsu mmma me; na mmom honsu mma ho ho ne ho mma! 29#Luk 21:23 Na hwɛ, nna bi ɔɔba a nkurofoɔ bɛka sɛ, ‘Nhyira ne bonyini ne yafunu a ɔnwoo da ne nofoɔ a bɛnnom ano da!’ 30#Hos 10:8; Adi 6:16; 9:6Afei bebefiri aseɛ aka akyerɛ mmepɔ sɛ, ‘Hommegu yɛ so,’ ne nkokoɔ sɛ, ‘honkata yɛ so!’ 31#1 Pe 4:17 Na sɛ bɛde yei ɔɔyɔ dua mono a, mmɛ ne bɛde bɛyɔ dua wuiɛ?” 32Na bɛde nnebɔnyɛfoɔ mmienu bi nso aka ne ho a beekoku bɛ.
Golgota
(Mateo 27:33-56; Marko 15:22-41; Yohane 19:17-30)
33Berɛ a beduruu baabi a bɛfrɛ hɔ Golgota he, bɛbɔɔ Yesu ne nnebɔnyɛfoɔ he asennua mu, baako ya ne nifa, ne baako nso ya ne benkum. 34#Mat 5:44; Yes 53:12; Dwom 22:18 Na Yesu kaa sɛ, “Agya fa kyɛ bɛ efiri sɛ bennim nea bɛɛyɔ.” Bio nso, bɛtwee ntonto kyɛɛ ne ntaadeɛ faeɛ. 35Na nkurofoɔ he gyina hɔ ɔɔhwɛ. Na atumfoɔ he dii ne ho agorɔ kaa sɛ, “Ɔgyee binom; sɛ yei ne Kristo a Nyankopɔn ayi no he a, ma onnye ne ho ɛ!”
Yesu ho agodie
36Asraafoɔ he mpo dii ne ho agorɔ, na bɛbaa ne nkyɛne de nsa kekakeka maa no 37kaa sɛ, “Sɛ wone Yudafoɔ hene he a, gye wo ho!” 38Bɛde ntwerɛeɛ bi nso bɔɔ n’atifi sɛ, “Yei ne Yudafoɔ hene he.”
Wudini a ɔsakraa n’adwene he
39Na nnebɔnyɛfoɔ a bɛasɛne bɛ he mu baako firii aseɛ kasa tiaa Yesu sɛ, “Wone Kristo he, anaa ɔnyɛ wo a? Gye wo ho, na gye yɛ nso.” 40Na nea ɔka ho he buaa no kaa n’anim sɛ, “Nti wonsuro Nyankopɔn koraa berɛ a woya afobuo korɔ yiaa mu yi? 41Yɛ deɛ, wuo fata yɛ, efiri sɛ nea yɛ yɔeɛ so akatua ne yɛ nsa aka yi, na yei deɛ, ɔnyɔɔ mfomsoɔ biaa.” 42#Mat 16:28 Na ɔtoaa so kaa sɛ, “Yesu, sɛ woba w’ahennie mu a, kae me.” 43Na Yesu ka kyerɛɛ no sɛ, “Nɔkorem meeka akyerɛ wo sɛ, nnɛ wobɛka me ho Paradise hɔ.”
Yesu wuo
44Na aabɔ bɛyɛ awia dummienu, afei sum baa asaase nyinaa so kosii awie nnɔnmmeɛnsa, 45#Eks 36:35 na awia duruu sum; afei asɔredane he mu ntoma a otwa mfimfini he mu tee mmienu. 46#Dwom 31:5; Aso 7:59 Na Yesu de nne kɛseɛ teaam sɛ, “Agya, wo nsam ne mede me honhom hyɛ.” Ɔkaa yei he ogyaa mu.
Yesu wuo ho hu kaa nkurofokuo he
47Na sraani panyini he huu nea asi he, ɔhyɛɛ Nyankopɔn animuonyam sɛ, “Ampa, na nipa yi yɛ teneneeni.” 48Na berɛ a nnipakuo a bɛahyiam ɔɔhwɛ nea ɔɔkɔ so he nyinaa huu nea asi he, bɛde bɛ nsa bobɔɔ bɛ koko so firii hɔ kɔeɛ. 49#Luk 8:2-3 Bio nso, na bɛ a benim no he nyinaa gyinagyina akyiri. Na mmaa a bedii n’akyi firii Galilea he nso gyinagyina hɔ ɔɔhwɛ yeinom.
Yesu sie
(Mateo 27:57-61; Marko 15:42-47; Yohane 19:38-42)
50Na hwɛ, na beema bi ya hɔ a bɛfrɛ no Yosef a ɔyɛ badwani na ɔyɛ nipa pa na ɔtene nso. 51#Luk 2:25; 2:38 Ɔno deɛ, wampene bɛ agyina ne bɛ nneyɔeɛ he so. Ofiri Yudafoɔ kuro Arimatea mu, na ɔnoaa nso ɔɔtwɛne Nyankopɔn ahennie he. 52Saa beema yi kɔɔ Pilato nkyɛne kɔsrɛɛ no Yesu amu he. 53Na okoyii amu he kyekyeree no nwera mu, na ɔde kɔtoo da a bɛatwa no boɔ mu a bensie nipa biaa mu da mu. 54Na da he yɛ ahoboaboa da ma homeda a na ɔɔba he. 55#Luk 23:49 Na mmaa he nso a bɛne no firi Galilea baeɛ he dii akyire kɔhwɛɛ da he ne sɛdeɛ bɛde n’amu he too hɔ faeɛ. 56#Eks 20:10 Na bɛsane besiesiee nnuro ne ngo hwamhwam.
Na homeda he, bɛhomeeɛ sɛnea mmara he teɛ he.
Currently Selected:
Luka 23: BBTP
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Bono New Testament © The Bible Society of Ghana, 2021
