Luka 21

Baa kunafoɔ he afɔrebɔdeɛ

(Marko 12:41-44)

1Na Yesu maa n’ani so he, ohuu sɛ adefoɔ he de bɛ afɔrebɔdeɛ oogu sika nnaka he mu. 2Afei ohuu sɛ kunafoɔ hiani bi de nkaprɛ mma mmienu a ɔnsom bo biaa abegu mu. 3#2 Ko 8:12 Na ɔkaa sɛ, “Nɔkorem meeka akyerɛ ho sɛ, ewom sɛ kunafoɔ yi yɛ hiani deɛ, nso nea ɔde agu mu he so kyɛne bɛ nyinaa bɛ deɛ, 4efiri sɛ afɔrebɔdeɛ a nnipa yi nyinaa de abegu mu he firi nea bɛanya ama no aboro so mu, na baa yi deɛ, ofiri ne hia mu de n’asetenadeɛ a ɔwɔ nyinaa abegu mu.”

Asɔrefie sɛeɛ ho nkɔmhyɛ

(Mateo 24:1-21; Marko 13:1-19)

5Na afei berɛ a binom ɔɔka asɔre fie he ho asɛm sɛnea bɛde abo-pa ne nnoɔma a bɛahyira so ahyehyɛ he, 6#Luk 19:44 ɔkaa sɛ, “Nnoɔma a hohu yi, nna bi ɔɔba a bennya boɔ mma ɔnka boɔ so a bennwiri ngu fam.”

Nsɛm a odi sɛeɛ yi anim

7Afei bebisaa no sɛ, “Kyerɛkyerɛfoɔ, mmɛ berɛ koraa ne yeinom bɛba mu, na mmɛ ne ɔbɛyɛ berɛ a otwa sɛ nnoɔma yi ba he ho nsɛnkyerɛnne?” 8Ɔkaa sɛ, “Honhwɛ yie na bɛannaadaa ho, efiri sɛ nnipa bebree de me dini bɛba abɛka sɛ, ‘Mene no,’ na ‘Berɛ a bɛahyɛ he abɛne!’ Honnni bɛ akyi.

9Bio nso, sɛ hote kõ ne sakasaka a, hommma ɔmɔ ho hu. Na otwa sɛ yeinom di kane sisi, nso awieeɛ he ɔmma hɔaa.”

Akodie ne asaasewosoɔ

10Afei ɔtoaa so ka kyerɛɛ bɛ sɛ, “Mane bɛsɔre atia mane na ahennie atia ahennie; 11na asaasewosoɔ kɛseɛ bɛba, na yaredɔm ne kɔm bɛba mmeammea; na nnoɔma a ohu ne nsɛnkyerɛnne akɛseɛ afiri soro aba.

Taa

12 # Luk 12:11 “Nso, ansa na yeinom nyinaa bɛba he, nkurofoɔ bɛkye ho, na bɛataa ho, de ho akɔ hyia adane mu ne afiase, atwe ho akɔ ahemfo ne amradofoɔ anim, me dini nti.

Gyeɛ

13 # Mat 10:19 Yei bɛma ho kwane ama hoadi adanseɛ. 14Nti homfa nto ho tim sɛ, sɛ ɔba saa a, ɔnsɛ sɛ hodwene deɛ hodebeyi ho ho ano ansa, 15#Aso 6:10 efiri sɛ mɛma ho ano ne nyansa a bɛ a bɛsɔre tia ho nyinaa ntumi nnyina ano anaa bɛmmɔ ngu. 16Afei nso, awofoɔ ne anuanom ne abusuafoɔ ne nnamfonom mpo beyi ho ama, na bɛaku ho mu binom; 17#Mat 10:21-22na me dini nti nnipa nyinaa bɛtane ho. 18Nso ho tinwi baako mpo ɔnnyera da. 19#2 Be 15:7; Heb 10:36Sɛ honya boasetɔ a, hobenya ho kra.

Yerusalem sɛeɛ ho nkɔmhyɛ

20“Afei nso, sɛ hohu sɛ asrafodɔm atwa Yerusalem ho ahyia a, hedeɛ honhu sɛ ne sɛeɛ abɛne. 21Afei homma bɛ a bɛya Yudea mfiri aseɛ nwane nkɔ mmepɔ he so, na homma bɛ a bɛya kuro he mu he mfiri mu nkɔ, na hommma bɛ a bɛya nkuraase he nkɔ kuro he mu; 22#Yer 5:29 efiri sɛ yei yɛ aweretɔ nna, sɛnea ɔbɛyɛ a nea bɛatwerɛ he nyinaa bɛba mu.

Kuro he sɛeɛ

23Nna he mu he, mmaa a bɛanyinsɛne ne bɛ a bɛma mmɔfra nofoɔ nnue! Na ahohia kɛseɛ bɛba asaase he so na abufuo aba nkurofoɔ yi so; 24#Rom 11:25; Adi 11:2 na bɛbɛtotɔ sekane ano na bɛafa bɛ nommum akɔ amanamane nyinaa mu; na amanamane he bɛsɛe Yerusalem kosi sɛ amanamane he mmerɛ a bɛahyɛ he bɛ duru.

Nipa ba no mmaeɛ

(Mateo 24:29-30; Marko 13:24-26)

25“Bio nso, nsɛnkyerɛnne bɛba awia ne bosome ne nsoromma mu, na amanamane ho ayera bɛ asaase so a benhu nea bɛbɛyɔ esiane po a oohuru na oobu fa so nti, 26na hu ne nnoɔma a ɔɔba asaase so he bɛma nnipa atotɔ piti, efiri sɛ bɛbɛwoso soro ahoɔdene. 27Na afei hobehu sɛ Nipa Ba he nam mununkum mu de tumi ne animuonyam kɛseɛ ɔɔba. 28#Flp 4:4-5 Na sɛ nnoɔma yi firi aseɛ sɛ oosisi a, honsɔre nnyina na homma ho ti so, efiri sɛ na hogyeɛ he abɛne.”

Borɔdoma ho adesua

(Mateo 24:32-35; Marko 13:28-31)

29Nti, ɔmaa mfantoho bi sɛ, “Honhwɛ borɔdoma dua ne nnua a aka nyinaa. 30Sɛ onya fefɛ na hohwɛ a, hohu sɛ ahuhuro berɛ abɛne. 31Saa ara ne ho nso, sɛ hohu sɛ nnoɔma a mekaa ho asɛm he oosisi a, honhu sɛ Nyankopɔn ahennie he abɛne. 32Nɔkorem, meeka akyerɛ ho sɛ saa awoɔ ntoatoasoɔ yi ontwam da gye sɛ nnoɔma nyinaa bɛba mu ansa. 33#Luk 16:17 Soro ne asaase betwam, nso me nsɛm deɛ, onntwam da.

Yesu bɔɔ asuafoɔ he kɔkɔ sɛ bɛnwɛne

34 # Mar 4:19; 1 Te 5:3 “Na honhwɛ ho ho so yie, na adidi mmorosoɔ ne nsaborɔ ne asetena mu dadwene anhyɛ ho akoma so, na da he ammɛto ho mpofirem te sɛ fidie, 35na sɛ ɔbɛba nnipa a bɛtete asaase ani nyinaa so. 36#Mar 13:33 Nti, honwɛne, na honsrɛ berɛ nyinaa na hoatumi agyina nnoɔma a otwa sɛ osisi yi nyinaa ano, na hoatumi agyina Nipa Ba he anim akokoɔduro so.” 37Na Yesu kyerɛkyerɛ asɔrefie hɔ dabiaa, na oduru anadwo a, ofiri kɔtena Ngo Bepɔ he so. 38Na nkurofoɔ he nyinaa ba ne nkyɛne asɔrefie hɔ anɔpahema betie no.

Currently Selected:

Luka 21: BBTP

ማድመቅ

Copy