Yohane 3
3
Nikodemo kɔsraa Yesu
1 #
Yoh 7:50; 19:39 Na afei na nipa bi ya hɔ a na ɔka Farisifoɔ he ho a na bɛfrɛ no Nikodemo, a na ɔyɛ Yudafoɔ panyini. 2Ɔbaa Yesu hɔ anadwo bɛka kyerɛɛ no sɛ, “Rabuni, yenim sɛ woyɛ kyerɛkyerɛni a wofiri Nyankopɔn nkyɛne ne aba, na bi ntumi nyɔ nsɛnkyerɛnne a woyɔ yi, gye sɛ Nyankopɔn ka ne ho.” 3#1 Pe 1:23 Yesu buaa no sɛ, “Meeka nɔkwasɛm paa akyerɛ wo sɛ, bɛamfiri soro anwo bi a ontumi nnya kyɛfa biaa Nyankopɔn ahennie he mu.” 4Nikodemo bisaa no sɛ, “Ɔbɛyɛ dɛ na nipa a woanyini he, bɛatumi awo no bio? Obetumi akɔ ne maame yam ama bɛ awo no bio anaa?” 5#Hes 36:25-27; Efe 5:26; Tit 3:5 Yesu buaa sɛ, “Nɔkorɛ meeka akyerɛ wo sɛ, bɛamfa nsuo ne honhom anwo bi a ontumi nkɔ Nyankopɔn ahennie mu. 6#Yoh 1:13; Gye 5:3; Dwom 51:5 Nea befiri honam mu awo no he yɛ honam, na nea befiri Honhom mu awo no he yɛ honhom. 7Mma no nyɛ wo nwanwa sɛ meeka akyerɛ wo sɛ, ɔsɛ sɛ befiri soro wo ho. 8Mframa bɔ kɔ baabi a ɔpɛ, na hote sɛ ɔɔbɔ, nso honnim baabi a ofiri ne baabi a ɔɔkɔ. Saa ne bi a bɛawo no honhom mu he teɛ.” 9Nikodemo buaa sɛ, “Ɔbɛyɛ dɛ na yeinom atumi aba mu?” 10Yesu buaa sɛ, “Nti wo a woyɛ Israel kyerɛkyerɛfoɔ he, wonnim yeinom?”
11 #
Yoh 7:16; 8:26; 8:28 Meeka akyerɛ wo nɔkorem paa sɛ, “Nea yenim ne yɛka, na nea yɛani ahu ne yedi ho adanseɛ, nso honnye yɛ adanseɛ he nni. 12Sɛ maaka asaase so nsɛm akyerɛ ho na honnye nni a, ɔbɛyɛ dɛ na meka soro nsɛm kyerɛ ho a hoagye adi? 13#Efe 4:9 Nipa biaa mforo nkɔɔ soro gye sɛ nea wasiane afiri soro, Nipa Ba he. 14#Num 21:8-9 Na sɛnea Mose maa wɔ he so serɛ so he, saa ne otwa sɛ bɛma Nipa Ba he so, 15na biaa ɔbɛgye no adi he, benya daa nkwa.” 16#Rom 5:8; 8:32; 1 Yoh 4:9 Na sɛnea Nyankopɔn dɔɔ wiase di, sɛ ɔde ne Ba ɔwoo no koro he maeɛ, na biaa a ɔbɛgye no adi he anyera, na mmom wanya daa nkwa. 17#Yoh 12:47 Na Nyankopɔn ansoma ne Ba he amma wiase sɛ ommebu wiase atɛne, na mmom sɛ bɛmfa no so nnye wiase nkwa. 18#Yoh 3:36; 5:24 Nea ɔgye Nyankopɔn Ba he di he, bemmu no atɛne, na nea ɔnnye no nni he, bɛabu no atɛne dada efiri sɛ wannye Nyankopɔn Ba koro pɛ he anni. 19#Yoh 1:5; 1:9-11 Na yei ne atemmuo he, sɛ hann he aba wiase na nnipa dɔ sum kyɛne hann he, efiri sɛ bɛ nnwuma yɛ bɔne. 20#Efe 5:13 Biaa a ɔyɔ bɔne he tane hann he, na ɔmma hann he ho, sɛ ɔbɛyɛ a ne nnwuma he onna adi. 21Na nea ɔyɔ setie ma nɔkorɛ he ba hann he ho sɛ ne nnwuma mmɛda adi, efiri sɛ ɔyɔ no Nyankopɔn mu.
Yesu ne Suboni Yohane
22 #
Yoh 4:1-2
Yeinom akyi he, Yesu ne n’asuafoɔ he kɔɔ Yudea asaase so. Ɔne bɛ tenaa hɔ kakra na ɔbɔɔ nkurofoɔ asu. 23Na Yohane nso ɔɔbɔ asu nsuo Ainon a ɔbɛne Salim efiri sɛ na asuasu pii ya hɔ, na nnipa kɔɔ so baa hɔ maa no bɔɔ bɛ asu. 24#Mat 14:3 Na bennya mfaa Yohane nkɔtoo afiase. 25Na akyinnyegyeɛ bi a ɔfa ahodwira ho sɔree Yohane asuafoɔ ne Yudani bi ntam. 26#Yoh 1:26-34 Nti bɛbaa Yohane nkyɛne bɛka kyerɛɛ no sɛ, “Kyerɛkyerɛfoɔ, beema a na ɔne woya Yordan agya a wodii ne ho adanseɛ he, ɔɔbɔ asu ha, na nnipa nyinaa ɔɔkɔ ne nkyɛne.” 27#Heb 5:4 Yohane buaa sɛ, “Nipa ntumi nya bibi gye sɛ bɛde firi soro ama no. 28#Yoh 1:20; 1:23; 1:27 Ho ankasa hodi adanseɛ sɛ mekaa sɛ, ‘Ɔnyɛ mene Kristo he, na mmom bɛsomaa me dii n’anim.’ 29#Mat 22:2 Nea ayeforɔ he wɔ no he ne ayefokunu. Na ayefokunu adamfo a ogyina hɔ na otie ayefokunu he deɛ, n’ani gye paa. Nti m’anigyeɛ awie pɛyɛ. 30Ɔno deɛ, otwa sɛ ɔkɔ so yɛ kɛse, na me deɛ, me so hwane.”
Nea Ofiri Soro ba
31 #
Yoh 8:23
Nea ofiri soro ba he boro biaa so. Ampa nea ofiri asaase so he firi asaase so, na ɔka asaase so nsɛm. Nea ofiri soro ba he boro biaa so. 32#Yoh 3:11 Odi nea wahu na wate ho adanseɛ, nso biaa nnye n’adanseɛ he ntom. 33Nea ɔgye n’adanseɛ he tom he asɔ ano sɛ Nyankopɔn yɛ nɔkwafoɔ. 34#Yoh 1:33-34 Na nea Nyankopɔn asoma no he ka Nyankopɔn asɛm, na Nyankopɔn nsusu Honhom ansa na ɔde ama. 35#Yoh 5:20; Mat 11:27 Agya he dɔ Ba he, na ɔde nnoɔma nyinaa ahyɛ ne nsa. 36#Yoh 3:18 Nea ɔgye ba he di he wɔ daa nkwa, na nea ontie ba he onhu nkwa, na Nyankopɔn abufuo ya ne so.
Currently Selected:
Yohane 3: BBTP
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Bono New Testament © The Bible Society of Ghana, 2021
