Genesỳ 12
12
ABRAHAMA
Ny antson’Andriamanitra tamin’i Abrama
1Hoy ny TOMPO tamin’i Abrama:
–Mialà amin’ny taninao sy ny fianakavianao ary ny tranon-drainao ka mankanesa any amin’ny tany izay hasehoko anao#12.1 Ampit Asa 7.2-3; Heb 11.8.. 2Hataoko firenena lehibe ianao; hitahy anao Aho ka hampahalaza ny anaranao. Hanjary fitahiana ho an’ny hafa ianao. 3Hotahîko izay mitahy anao, fa hozoniko kosa izay manozona anao. Amin’ny alalanao no hitahiana ny firenena rehetra eran-tany#12.3 ny firenena rehetra eran-tany: ampit 18.18; 22.18; 26.4; 28.14; Asa 3.25; Gal 3.8-9. –Dkt hafa Ao amin’ny firenena rehetra ambonin’ny tany no hilazana hoe: Hotahîn’Andriamanitra anie ianareo, tahaka ny nitahiany an’i Abrahama. .
4Dia nandeha araka izay nolazain’ny TOMPO taminy i Abrama, ary niaraka taminy koa i Lôta. Tokony ho 75 taona i Abrama fony izy niala tany Haràna. 5Nalain’i Abrama i Saray vadiny sy i Lôta zana-drahalahiny, ary nentiny ny harena rehetra voaangony mbamin’ireo mpanompo rehetra novidîny tao Haràna. Dia niainga izy ka nankany amin’ny tany Kanahàna.
I Abrama tao Kanahàna, avy eo tany Ejipta
Dia tonga tany Kanahàna ry i Abrama mianakavy. 6Ary i Abrama namakivaky ny tany hatrany amin’ny hazo ôakan’i Môre, any Sekema. Ny Kanahanita no nipetraka tamin’iny faritra iny tamin’izany.
7Niseho tamin’i Abrama ny TOMPO ka niteny taminy hoe: «Homeko ny taranakao ity tany ity.» Dia nanorina alitara ho an’ny TOMPO i Abrama teo amin’io toerana izay nisehoan’ny TOMPO taminy io. 8Avy eo izy dia niainga ho any amin’ny faritra be havoana any atsinanan’i Betela, ary nanorina ny lainy teo anelanelan’i Betela tao andrefana sy i Hay tao atsinanana#12.8 Betela (Tranon’Andriamanitra) sy i Hay (fahasimbana) dia tanàna roa tokony ho 15 km any avaratr’i Jerosalema.. Nanorina alitara iray ho an’ny TOMPO teo koa izy ka nivavaka sady niantso an’Andriamanitra hoe TOMPO. 9Dia nandeha i Abrama ka nifindrafindra toby nihazo ny faritra atsimo.
10Ary nisy mosary tao amin’ny tany; ka rehefa nihamafy izany, dia nidina tany Ejipta ry i Abrama. 11Ary nony efa akaiky ho tonga tany Ejipta ry zareo, dia hoy i Abrama tamin’i Saray vadiny:
–Etsy ange, fantatro fa vehivavy tsara tarehy ianao. 12Koa raha vao mahita anao ny Ejiptianina, dia hanao hoe «io no vadiny»; dia hovonoiny aho, fa ianao kosa hovelominy. 13Koa aoka holazainao amin’ireo fa anabaviko ianao#12.13 Jereo Gen 20.2-12; 26.7. mba horaisiny tsara aho noho ny aminao, ary hovelominy noho ny aminao!
14Nony tonga tany Ejipta i Abrama, dia hitan’ireo Ejiptianina fa tena tsara tarehy tokoa ravehivavy. 15Nahita azy ny manamboninahitry ny Farao ka lasa nidera azy tany amin’ny Farao; koa nampanalaina ho any an-dapan’ny Farao ilay ramatoa. 16Noho ny aminy dia nasian’ny Farao soa i Abrama ka nomeny ondry aman’osy sy omby, mpanompo lahy sy vavy mbamin’ny boriky sy rameva. 17Fa ny TOMPO namely loza goavana ny Farao sy ny ankohonany noho ny amin’i Saray, vadin’i Abrama. 18Dia nampiantso an’i Abrama ny Farao ka nanao taminy hoe:
–Inona ity nataonao tamiko? Nahoana no tsy nambaranao tamiko fa vadinao izy? 19Nahoana moa no nolazainao fa anabavinao izy, ka dia nalaiko ho vadiko? Izao ankehitriny izao, iny raiso ny vadinao ka mandehana!
20Nobaikoin’ny Farao ireo mpanompony mba handefa an’i Abrama sy ny vadiny mbamin’ny fananany rehetra.
Currently Selected:
Genesỳ 12: DIEM
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Dikanteny Iombonana Eto Madagasikara © Malagasy Bible Society, 2004.
