Phŭn Blŭng 1
1
Ơi Adai bơjr̂ŏng adai dăp lŏn kơnah
1Mơ̆ng phŭn blŭng Yang Ơi Adai bơjr̂ŏng adai dih dăp lŏn kơnah ne. 2Lŏn kơnah dŏ dang đơč-đač, hmâo kăn klơi kơnăm-hyeng gom lôi ia khlăm đơč, wŏt Yang Bơngăt Ơi Adai nao r̂ai gah ngŏ ia. 3Jr̂ŏng nŭn Ơi Adai laĭ: «Br̂ơi hmâo klơi đaih wŏ.» Nŭn hmâo hĕ klơi đaih.#An 2Kô 4:6. 4Jr̂ŏng nŭn Ơi Adai ƀôh klơi đaih nŭn, hiam. Jr̂ŏng nŭn Ơi Adai pơklah lôi phar̂a klơi đaih mơ̆ng klơi kơnăm-hyeng. 5Jr̂ŏng nŭn Ơi Adai iâo klơi đaih nŭn laĭ “R̂ơi,” klơi kơnăm-hyeng dŏng ñu iâo “Mlăm.” Nŭn hmâo klăm hmâo guah, r̂ơi ti sa.#1:5 Môt sô̆n-sat Hêbrơ yap r̂ơi phar̂a mơ̆ng Jơr̂ai. Hêbrơ yap r̂ơi ti sa, ta djơ̆ r̂ơi “អាទិត្យ.”
6Jr̂ŏng nŭn Ơi Adai laĭ: «Br̂ơi hmâo wŏ ƀon dung-hung plah-wah ia, čiăng pơklah lôi phar̂a ia mơ̆ng ia.» 7Hla nŭn yơh Ơi Adai ngă ƀon dung-hung, ñu pơklah lôi ia, br̂ơi ia pơanah dŏ gah yô̆ ƀon dung-hung, ia pơanah dŏng br̂ơi dŏ gah ngŏ ƀon dung-hung. Jr̂ŏng nŭn hmâo hĕ nĭng nŭn. 8Jr̂ŏng nŭn Ơi Adai iâo ƀon dung-hung nŭn laĭ “Adai.” Nŭn hmâo klăm hmâo guah, r̂ơi ti dua.#1:8 Hêbrơ yap r̂ơi ti dua, ta djơ̆ r̂ơi “ច័ន្ទ.”
9Jr̂ŏng nŭn Ơi Adai laĭ: «Ia dŏ gah yô̆ adai, br̂ơi pơtŭm gŏp ñu ha ƀon, wŏt br̂ơi kơnah čĭ biă đĭ.» Jr̂ŏng nŭn hmâo hĕ nĭng nŭn. 10Jr̂ŏng nŭn Ơi Adai iâo kơnah čĭ nŭn laĭ “Lŏn kơnah,” ia pơtŭm gŏp ñu nŭn, ñu iâo “Ia sĭ.” Jr̂ŏng nŭn Ơi Adai ƀôh laĭ hiam. 11Jr̂ŏng nŭn Ơi Adai laĭ: «Br̂ơi lŏn kơnah čă đĭ mr̂ơ̆k, dăp djăm mr̂ơ̆k djăm mr̂ôñ dai kơtŏl hmâo săl bơjeh, dăp phŭn kơyâo thâo bơboh hmâo săl tăm boh ñu, tui tam bơjeh ñu, dŏ mơ̆ng lŏn kơnah.» Jr̂ŏng nŭn hmâo hĕ nĭng nŭn. 12Lŏn kơnah čă đĭ mr̂ơ̆k, dăp djăm mr̂ơ̆k djăm mr̂ôñ dai kơtŏl hmâo săl bơjeh tui tam bơjeh ñu, dăp phŭn kơyâo thâo bơboh hmâo săl tăm boh ñu, tui tam bơjeh ñu mơ̆n. Jr̂ŏng nŭn Ơi Adai ƀôh laĭ hiam. 13Nŭn hmâo klăm hmâo guah, r̂ơi ti klâo.#1:13 Hêbrơ yap r̂ơi ti klâo, ta djơ̆ r̂ơi “អង្គារ.”
14Jr̂ŏng nŭn Ơi Adai laĭ: «Br̂ơi hmâo wŏ nŏ thâo đaih dŏ pơ ƀon dung-hung mơ̆ng adai, čiăng pơklah lôi phar̂a r̂ơi mơ̆ng mlăm, wŏt pơthâo br̂ơi čiăng thâo kr̂ăn yan dăp r̂ơi thŭn he mơ̆n. 15Br̂ơi nŏ thâo đaih dŏ pơ ƀon dung-hung mơ̆ng adai, čiăng ñu pơčr̂ang lŏn kơnah.» Jr̂ŏng nŭn hmâo hĕ nĭng nŭn. 16Hla nŭn yơh Ơi Adai ngă nŏ thâo đaih dŭt-dŭt dua boh, ha boh dŭt hloh pr̂ăp wai-lăng gah r̂ơi, ha boh dŏng anĕt iă pr̂ăp wai-lăng gah mlăm, dăp ngă pơtŭ he mơ̆n. 17Jr̂ŏng nŭn Ơi Adai čr̂oh nŏ thâo đaih nŭn pơ ƀon dung-hung mơ̆ng adai, čiăng pơčr̂ang lŏn kơnah, 18čiăng wai-lăng gah r̂ơi gah mlăm, wŏt čiăng pơklah lôi phar̂a klơi đaih mơ̆ng klơi kơnăm-hyeng. Jr̂ŏng nŭn Ơi Adai ƀôh laĭ hiam. 19Nŭn hmâo klăm hmâo guah, r̂ơi ti pă.#1:19 Hêbrơ yap r̂ơi ti pă, ta djơ̆ r̂ơi “ពុធ.”
20Jr̂ŏng nŭn Ơi Adai laĭ: «Br̂ơi hmâo wŏ čĭm-br̂ĭm ar̂ŏng-ar̂ot thâo pơpĭ pĕn-phung-pĕn-phung tăm ia, wŏt čĭm thâo pŏl, br̂ơi ñu pŏl ngŏ lŏn kơnah pơ ƀon dung-hung mơ̆ng adai.» 21Hla nŭn yơh Ơi Adai bơjr̂ŏng mnŏng dŭt-dŭt tăm ia, dăp tơgr̂ư̆ čĭm-br̂ĭm ar̂ŏng-ar̂ot thâo pơpĭ pĕn-phung-pĕn-phung tăm ia mơ̆n, tui tam djuoi ñu, dăp tơgr̂ư̆ čĭm hmâo čăng thâo pŏl, tui tam djuoi ñu mơ̆n. Jr̂ŏng nŭn Ơi Adai ƀôh laĭ hiam. 22Jr̂ŏng nŭn Ơi Adai pha br̂ơi klơi nŭk-nua čiăng čĭm-br̂ĭm ar̂ŏng-ar̂ot hmâo nă, ñu laĭ: «Br̂ơi čeh lal čal nă lô đĭ, br̂ơi bŏ tăm ia sĭ, wŏt čĭm thâo pŏl, br̂ơi ñu lal đĭ mơ̆ng lŏn kơnah mơ̆n.» 23Nŭn hmâo klăm hmâo guah, r̂ơi ti ma.#1:23 Hêbrơ yap r̂ơi ti ma, ta djơ̆ r̂ơi “ព្រហស្បតិ៍.”
24Jr̂ŏng nŭn Ơi Adai laĭ: «Br̂ơi lŏn kơnah biă đĭ wŏ čĭm-br̂ĭm thâo să pr̂an, tui tam djuoi ñu, čĭm plơi, čĭm thâo r̂ôi čĭm thâo hr̂o, dăp čĭm glai-glo dŏ mơ̆ng lŏn kơnah, tui tam djuoi ñu.» Jr̂ŏng nŭn hmâo hĕ nĭng nŭn. 25Hla nŭn yơh Ơi Adai ngă čĭm glai-glo dŏ mơ̆ng lŏn kơnah tui tam djuoi ñu, čĭm plơi tui tam djuoi ñu, dăp tơgr̂ư̆ čĭm thâo r̂ôi čĭm thâo hr̂o mơ̆ng kơnah tui tam djuoi ñu mơ̆n. Jr̂ŏng nŭn Ơi Adai ƀôh laĭ hiam.
26Jr̂ŏng nŭn Ơi Adai laĭ: «Br̂ơi ta ngă mơnuih hla ti hup ta, kal ta pô, čiăng gơñu wai-lăng kan tăm ia sĭ, dăp čĭm thâo pŏl ngŏ adai, dăp čĭm plơi, wŏt tăl-ƀăl mơ̆ng lŏn kơnah, dăp tơgr̂ư̆ čĭm thâo r̂ôi čĭm thâo hr̂o mơ̆ng lŏn kơnah mơ̆n.»
27Nĭng nŭn yơh Ơi Adai bơjr̂ŏng mơnuih hla ti hup ñu pô,
Hla ti hup Ơi Adai ñu bơjr̂ŏng mơnuih,
Đahkơi dăp đahmơi Ơi Adai bơjr̂ŏng gơñu.#An Mat 19:4.
28Jr̂ŏng nŭn Ơi Adai pha br̂ơi gơñu klơi nŭk-nua, Ơi Adai pơhiăp hr̂ŏm gơñu: «Br̂ơi gô-ih pơpôn nă-bă lal đĭ bŏ mơ̆ng lŏn kơnah, br̂ơi gô-ih ngă khua wai-lăng lŏn kơnah, wŏt wai-lăng kan tăm ia sĭ, čĭm thâo pŏl ngŏ adai, dăp tơgr̂ư̆ čĭm thâo r̂ôi čĭm thâo hr̂o dŏ dĭp mơ̆ng lŏn kơnah.» 29Jr̂ŏng nŭn Ơi Adai laĭ: «Hmĭ wŏ, kâo br̂ơi gô-ih tơgr̂ư̆ djăm mr̂ơ̆k djăm mr̂ôñ dai kơtŏl hmâo săl bơjeh čă đĭ jŏp-jang mơ̆ng lŏn kơnah, dăp tơgr̂ư̆ phŭn kơyâo hmâo săl tăm boh ñu, nŭn čr̂oh br̂ơi gô-ih ƀŏng. 30Plai tơgr̂ư̆ mr̂ơ̆k da-da, kâo pha br̂ơi bih-tih čĭm-br̂ĭm thâo să pr̂an ƀŏng, tơgr̂ư̆ čĭm glai-glo dŏ mơ̆ng lŏn kơnah, dăp tơgr̂ư̆ čĭm thâo pŏl ngŏ adai, wŏt tơgr̂ư̆ čĭm thâo r̂ôi čĭm thâo hr̂o mơ̆ng lŏn kơnah mơ̆n.» Jr̂ŏng nŭn hmâo hĕ nĭng nŭn. 31Jr̂ŏng nŭn Ơi Adai ƀôh tơgr̂ư̆ nŏ yĕt-yĕt ñu ngă, hiam jat. Nŭn hmâo klăm hmâo guah, r̂ơi nŭn yơh r̂ơi ti năm.#1:31 Hêbrơ yap r̂ơi ti năm, ta djơ̆ r̂ơi “សុក្រ.”
Currently Selected:
Phŭn Blŭng 1: JKB
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
© 2024, Wycliffe Bible Translators, Inc.
