1 కొరింది 2
2
సిలువ పొగిలా క్రీస్తురొ ఉపదేసం
1జట్టుకారీనె, మియి తొం పక్కు అయిలబెల్లె కొతకారైకిరి గాని అదికజ్ఞానం సంగరె గాని నుచ్చిదిల్లా పురువురొ సత్యముకు తొముకు ప్రకటించితందుకు అయిలానీ. 2మియి, తొం మొజురె రొల్లాబెల్లె యేసు క్రీస్తు, ఇంకా తా సిలువ మొర్నొగురించి తప్ప, యింకిచ్చీ మెత్తె తెలిసినీ బులి నిచ్చయం కొరిగించి. 3ఈనె బలహినత సంగరె డొరొ సంగరె బడే వనుకు సంగరె తొం పక్కు అయించి. 4సడకు మియి కొతలగినన్నా సువార్త ప్రకటించినన్నా, జ్ఞానయుక్తమైల సోదకొతానుకు నాఉపయోగించుకుంటా, పురువురొ పరిసుద్దాత్మ సక్తి సంగరె దిగిదీతే వినియోగించించి. 5తొం విస్వాసము మనమానెరొ జ్ఞానముకు ఆదారము నాకొరిగీకిరి, పురువురొ సక్తికు ఆదారము కొరిగీకిరి రొమ్మంచిబులి, మో ఉద్దేసం.
పురువురొ జ్ఞానం
6పరిపూర్నులైలా తెలివిలింకె మొజిరె తెలివి బోదించిలించొ, సడ ఏ లొకొ జ్ఞానమునీ, అంతరించిజిల్లాట యే లోక అదికారిరొ జ్ఞానం పనాటనీ. 7పురువురొ జ్ఞానము మర్మమైలపనికిరి బోదించిలించొ. ఏ జ్ఞానం మరుగైకిరి అచ్చి. యే లొకొ ఆరంబముకు అగరాక అడకు పురువు అం మహిమ నిమిత్తము నియమించిసి.
8సడ లోకాదికారీనుకు కాకు బుజ్జిని; సడ తంకు బుజ్జికిరి తన్నే మహిమాస్విరూపియైలా ప్రబువుకు సిలువ నాపొక్కింటా రొయితె. 9సడ గురించి పురువు సెయ్యె ప్రేమించిలలింకె కోసం కిర సిద్దపరిచిసొ సడ
“అంకికి దిగదిల్లానీ,
కన్నొకు సుందిల్లానీ,
మనమనె హ్రుదయంకు గోచరము ఈలాని” బులి లేకనులురె రాసికిరి అచ్చి.
10అముకు ఈనె పురువు సడకు తా ఆత్మవల్లరె బయిలుపరిచికిరి అచ్చి. సే ఆత్మ సొబ్బిటికు పురువు మర్మమునె కూడ పరిసోదించించిలీసి. 11జొనె మనమరొ సంగితీనె తాబిత్తరెతల్లా మనమరొ ఆత్మకాక తెలుసు. సాకిరాక పురువురొ సంగతీనె పురువురొ ఆత్మకాక తెలుసు. 12పురువు వల్లరె అముకు కలిగిలాటకు తెలిసితే అం లౌకికాత్మకు నీకిరి పురువు పక్కరెతీకిరి అయిలా ఆత్మకు పొందిలించొ.
13ఈనె మనమాన్రొ జ్ఞానము సుక్కిల కొతానెసంగరె నీకరి ఆత్మ సంబందమైలా సంగతీనుకు ఆత్మ సంబందమైలా సంగతీనె సంగరె కొయికుంటా ఆత్మ సంబందమైలా సత్యాలు సుక్కిలా కొతానె సంగరె యెడ కోసమాక అమె బోదించిలించొ. 14ప్రక్రుతి సంబందిమిల్లా మనమ పురువురొ ఆత్మ విసయములకు అంగీకరించిని, సడ తాకు బోడాటపనికిరి తాసి, సడ ఆత్మానుబవము సంగరాకా వివేచింబొడిసి. కాబట్టి సడకు సెయ్యె గ్రహించినారి. 15ఆత్మసంబందమైలాట సొబ్బిటికు పరిసిలించుసి గాని సెయ్యె కా సంగరె ఈనెను పరిసిలించబొడిని.
16ప్రబువురొ మనుస్సుకు జనికిరి
తాకు బోదించిలాట కేసె? అమె ఈనె క్రీస్తు మనస్సు కలిగిలలింకె.
Currently Selected:
1 కొరింది 2: NTRPT23
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
The New Testament in Relli Language The Word for the World International and © 2023 Relli Translation Samiti, Vishagapatanam, Andra Pradesh