मरकुस 15

पिलातुस येशुहू प्रश्न कोअयु

(मत्ती 27.1-2,11-14; लूका 23.1-5; युहन्ना 18.28-38)

1फाशो वेगीई उवताच डाये अने शास्त्री याजकाआरी मुख्य याजक अने आखी न्याय कोअनारी सभा ऐ होमच्यु कोईत येशुहू बंधित कोईत पिलातुस आथोमेहे होपित देहु. 2पिलातुसो वांही तियाहा फ़ुस्ल्याआ, कि तू यहुद्याआ राजा होय? तिये तियाहा उत्तर आपित कोयु, तू स्वतः कोयु होय. 3अने मुख्य याजक तियापो जास्तीज दोष लागाडीत ओते. 4पिलातुसो वांही तियाहा ओ कोयु फासी फ़ुस्ल्याआ, नाहाकोत तू उत्तर आपित नाहा? पालते ताआ बद्दल केतो दोष लागाडीत होय? 5पोन येशु किबी उत्तर आप्लु नाहा ओ पालीत पिलातला आश्चर्य लाग्यो.

येशुहू मृत्यु दण्डोओ आज्ञा

(मत्ती 27.15-31; लूका 23.13-25; युहन्ना 18.39-19.16)

6तिवाराआ टायमोमें ते तियाआ मागणीवाही कोडनीबि होमला माहुंहु (कैदी) सोडीत आपित ओतु. 7अने तिया ठोग मांहाआरी जीआ खून कोल्यु ओते तीयाम बरब्बा नावाआ एक माहुहू कैद ओतु. 8अने गोर्दी तियाहा उसे जात विनंती कोहू लागीई का जेहलो तू कोईत आवयू होय तेहेज आमा आरी को 9अने पिलातुसो वांही तियाहा उत्तर आप्लु, कि तुमामे लागेहे का आय यहुद्यांआ राजाहा तुमा कोअता सोडीत आपुहू? 10काहाके तो होमजाडीत ओतु का मुख्य याजकावाही तियाहा इर्ष्यावांही तोईत आप्लु ओते 11पोन मुख्य याजकाने गोर्दी एहलो कोइला कोअता उत्साहोम कोल्यु ओते का आमाहा याआ बद्द्लोम बरब्बाहा सोडीत आपलो. 12पिलातुसो वांही फासी उत्तर आप्लु, “ज्याहा तुमु यहुद्याआ राजा कोतेहे तियाआ आय नाहाकोत कोहू?” 13ते फासी आअडीलो, तियाहा क्रूसापोओ सोडवा. 14पिलातुसो वांही तियाहा कोयु, काहा? तिये कि वाईट कोल्यु होय? पोन ते फासी जोरे आअडीलो याहा क्रूसापोओ सोडवा. 15ते पिलाताहा गोर्दी संतुष्ट कोइलाआ इच्छावाहि बरब्बाहा त्याकोअता सोडीत आप्लु अने येशुहू साबकावाही माईत क्रूसापोओ सोडविला कोअता तियाहा आपित टाक्ये.

येशुउ अपमान

16फासाडी शिपाई तियाहा कचेरी खोलीम घेऊन गोये अने तीही तिये रोमी हिपायांहा हादीत एकठे कोल्यु 17तिये तियाहा जाबलो कापडे काटाआ अने काटाआ मुकुट गुंतुवून तियाआ मुंडकापो मेक्ल्ये. 18तेहलाम ते तियाहा नमन कोहू लागाडीत “ओ यहुदांआ राजा ताआ जयजयकार होय.” 19ते तियाआ मुंडकापो बोरु देत अने तियापो थुकीत रोल्या, अने टोसणे टेक्यू तियाहा प्रणाम कोईत रोल्या 20जांहा ते तियाआ मजाक कोईत चुक्यो तेहलाम जांभलो कापडे काढीत घेऊन फासाडी तीयाआज कापडे कालीत आप्लु अने ते तियाहा क्रूसापोओ सोडविला कोअता बारथे घेऊन गोये.

येशुहू क्रूस पोओ टांग्या

(मत्ती 27.32-44; लूका 23.26-39; युहन्ना 19.17-19)

21तिये सिकन्दर अने रुफुसाचे बाह्हू शिमोन कुरेनी कोजे गावोमेरोत आवीत ओते बेन कामोको तियाहा तोओईलो याकोअता का ते येशुउ क्रूस विसित घेऊन जानारू. 22ते तियाहा, “गुलगुथा” नावोओ जागे घेऊन आव्ये, ज्याचा अर्थ होय, “कवटीइ ठिकाण”, 23अने तिये तियाहा बल मिल्वीत लेले द्राक्ष रोह आपलो प्रयत्न कोअयु पण तिये लेदो नाहा. 24अने तिये तियाहा क्रूसापोओ चोढावीत अने तियाआ कापडाआ कोडाआ नाहाकोत मिलीलो एहलो चिठ्या मेकल्या अने वाटीत लेधलो. 25जाहा तिये तियाहा क्रूसापोओ चोढावीत तेहलाम वेगर्यू नऊ वाज्यांआ ओते 26अने तियाआ दोष पत्रापो “यहुद्याआ राजा” एहलो लेखिलो ओते. 27तिये त्याआरी बेन बांडोहो पोन क्रूसापोओ चोढावीत, एकाहा हाजावोगे अने दिहीराहा डावासाईटोहो. 28ताहा पवित्रशास्त्र आ ओ वचनाआ पाप्या आरी गोणात गोयु पुरो उवो. 29अने तिहीरोत आवणारा जाणारे तियाआ निंदा कोईत अने मुंडको आलाडीत-आलाडीत कोहू लागाडीत, अरे मंदिराहा पोडीत आपणारो अने तीन दिहोम उभे कोअनारू, 30स्वतःहा वासाड अने क्रूस उतरित आव 31यावाही मुख्य याजक पण शास्त्रीआरी मिलून तियाआ थट्टा उडाडीत कोयु ओते यामा दिहीराहा वासाडये पण स्वतःहा वाचाआडयो शकला नाहा. 32ओमे ओ ख्रिस्त इस्राएलाआ राजा क्रूस निसे उतरित आविलो ओ आमाहा पाल्हू अने विश्वास कोहू अने ते पण जे कृसापो तियाआ आरी चोढावीत ओते ते पण थट्टा कोईत ओते.

येशुउ मृत्यु

(मत्ती 27.45-56; लूका 23.44-49; युहन्ना 19.28-30)

33जाहा दिहे बारा वाजाडीता गोये तो आखे देश मेहे आंदारो फैलावीत गोल्यो अने तीन वाजेतांहुंजा रोला. 34अने तीन वाजेला येशु जोरेज आयडीत कोयु, एलोई, एलोई, लमा शबक्तनी? याआ अर्थ होय, “ओ माआ देवा, माआ देवा तू माहु काहा सोडीत आप्लु?” 35फासाडी जे जागे उभे ओते ते केते जोओ ओ होमलित कोहू लागाडीत पाला तो एलीयाहा आवाज देत होय. 36अने कोडु गुगदीत जात स्पंज आंबेने पाअये अने बोरुपो मेकीत चुसित्लो आप्लु अने कोहू लागाडीत, पाल्तू एलिया तियाहा निसे उतारीला कोता आवत्लू का नाहा. 37तेहलाम येशु जोरा आयडीत जीव सोडयु 38अने मंदिराआ पडदू वरून नीसेजा फाटीतबेन भाग ओतगोयु गोल्यो. 39तेहलाम सुभेदाराही जो तीही आगाडी उबु ओतु तिये यावाही जीव सोडीलावेल पालील्यो तेहलाम कोयु, “ओ माहुहू खरोज परमेश्वरोओ पुत्र ओतु.” 40किबी बोईही पण कोयु ज्या सेटेरोत ओ पालीलो कोयु तियाआ माय मरिया मग्दलिनी, हानू याकोब अने योसेसोओ याह्ही मरीया अने सलोमी ओती. 41जाहा तो गालीला मेहे ओतु तेहलाम ती तियाआ फासाडी-फासाडी चालते रोअला अने तियाआ सेवा कोईत ओती फासी जास्तीज बोईही कोयु ज्या त्याआरी यरुशलेमोमे आव्या कोयु.

यूसुफो कब्रों मेहे येशुहू गाडलो

(मत्ती 27.57-61; लूका 23.50-56; युहन्ना 19.38-42)

42जाहा हांजेपो उवी तेहलाम तीयार उविला दीही एहलाकारनावाही म्हणजे शब्बाथाआ होमला दिहाआ पहीले, 43अरिमतियाआ रहिवासी युसुफ आवयू जो महासभेचा सदस्य होये स्वतः परमेश्वरोओ राज्याआ वात पालीत ओतु तिये हीमत कोईत पिलातुसो आगाडी जात येशुउ डील माग्ये. 44पिलातुसोहो आश्चर्य वाटेम का तियाआ मरण ओतो वेगु ओतगोयु गोये एने तिये सुभेदाराहा हादीत फ़ुस्ल्याआ, “नाहाकोत तो एतांम मोईत गोल्यो होय?” 45फासाडी तिये सुभेदारापोरोत मुंडूपोडेताहा युसुफाहा येशुउ डील आपित टाक्ये. 46तेहलाम योसेफाने तागाचे कापडे वेसातो घेऊन अने डीला निसे उतारीत तीयाम चोडाल्याएने खोड्काम खुइत्मेकल्या होमला कबरेम मेकीत आप्लु अने कबरेए बाअनापो एक वोडू दगडू मेक्या. 47मरिया मग्दलिनी अने योसेसोओ याह्ही पालीत ओती का तियाहा का मेक्ल्ये होय.

Currently Selected:

मरकुस 15: NOINT

ማድመቅ

Copy