मरकुस 2
2
दरांगा री बीमारी ठीक करनी
(मत्ती 9.1-8; लूका 5.17-26)
1कई धियाड़ी बाद यीशु भी कफरनहूम वै आउअ, होर यह शुणू की सह घरे साहा दअ। 2तेऊकी एतरे लोका कठे होई की दुआरा सेटा भी जागा नांई रही, होर सह त्या वै बचन शुणाऊदअ लागदअ थी। 3होर लोके एक बीमार मन्श चौऊ मणशे चुआकी करे आणु तेऊ मणशा दरंगा री बीमारी होई दी थी। 4तखे खासे मणश हुणे का, होर त्याहे तेऊ नेड नांई पूजी सके, तेबा त्याहे सह छत पेचु जासु थई सह थी, जेड़अ त्याहे सह छत पेचु तेडअ त्याहे सह बीमार मन्श मांजे संघे उन्दे चुड़ाऊ। 5यीशु त्या रा बुशाह हेरी करे तेऊ दरंगा रे बीमारा मन्शा वै बोलू, हे पुत्र तेरे पाप माफ होई। 6तेबा कई शास्त्री जोह तखे बेठेदे थी, आपणे-आपणे मना में विचारा करदे लागे, 7यह मणश एडा किबे बोला? एऊ तो परमेश्वरा री निन्दा लाई करणी! परमेश्वरा छाडी करे होर कूण पाप माफ करी सका? 8त्याहे आपणे-आपणे मना में ऐड़ विचारा करदे लागे, होर यीशु बोलु, तमा आपणे-आपणे मने यह विचार किबे लाऊ करना? 9साहान कैह साहा? ऐउ दरंगा रे मरीजा वै यह बोल़णा कि तेरे पाप क्षमा होई, या यह बोलणाा कि, उठ आपणे मांजे चुआक होर नाश अखा कअ? 10पर तेताका तमे यह जाणी सका कि मणशा रे शोहरू वै धरती प्रेंदे पापा क्षमा करने रा अधिकार साहा। तेऊए तेऊ दरंगा रे मारीजा वै बोलू, 11हाँउ ताका बोलदा, उठ, आपणे मांजे चुआक होर घरा वै नाशअ। 12सह उठू होर तेभरी आपण मांजअ चुआकु होर सभी रे सामने का नाठअ, ऐता हेरी करे सभे हेरान होई, होर त्या परमेश्वरा री बड़ाई करी करे बोलदे लागे, हामें ऐडा कधी नांई हेरू।
लेबी शादाउणअ
13सह भी नीखलिकरे झीला रे किनारे नाठअ, होर सारे लोकां तेऊ पीछे आउए, होर सह त्या वै उपदेशा दीनदअ लागअ। 14नांधे बक्ते तेऊये हलफई रअ शोहरू लेबी चुंगी घरा में वैठदअ हेरू, होर तेऊवै बोलू, महा पीछे ईच्छ। होर सह उठिकरे तेऊ पीछे होऊ।
15जेबा सह तेऊरे घरे रोटी खांदअ वैठअ, तेबा बऊ चुंगी मागण आले होर पापी, यीशु होर तेऊरे चेले संघे रोटी खांदे बैठे, किबेकी त्या खासे थी, होर त्या पीछे होई। 16शास्त्री होर फरीसीये यह हेरी करे की यह पापी होर चुंगी आले संघे रोटी खानदअ लगदअ, तेबा त्याहे तेऊरे चेले वै यह बोलू की यह चुंगी मांगण आले होर पापी संघे खांदा पिन्दा। 17यीशु यह शुणी करे त्या वै बोलू, भले चांगे वै बईदा री जरुरत नांई हुन्दी, पर बीमारा वै हुंदा, हाऊं धर्मी लोका री तणी नांई आऊअ, पर पापी री तणी आऊदअ।
ब्रता डाहणे रे बारे में खोजणा
(मत्ती 9.14-17; लूका 5.33-39)
18यूहन्ना रे चेले होर फरीसी ब्रता डाहन्दा, तेबा त्या इच्छी करे तेयूका यह बोलू, यूहन्ना रे चेले होर फरीसी रे चेले ब्रत किबे डाहन्दा, पर तेरे चेले ब्रता नांई डाहनदे ? 19यीशुये त्याहक बोलू, जेबरे तणी लाड़अ बराती संघे साहा दअ, त्याह किबे ब्रत डाहणे? तेबा जेबरे तक त्याह नेणे लाड़अ साहा दअ, तेबा जेबरे तणी त्याह ब्रत नांई डाई सकदे। 20पर त्याह धियाड़ी इहणी जेबरे लाड़अ त्याहक अलग करण, तेबा त्याह ब्रत डाहणे। 21नऊए झिकड़े री शाटी पूराणे झिकड़े में कोहे नांई लउंदअ, नांई तअ सह पुराणे झिकड़े भी खिंचा होर सह झिकड़अ होर भी थोछण 22नंऊई दाखरसा पुराणी मश्कां में कोहे नांई डाहदे , नांई तअ दाखरसा संघे पुराणी मशका फुटणी, तेबा दाखरस होर दूहे मश्के खत्म हुणी, पर नउंआँ दाखरस नई मश्का में भरा।
सब्ता रअ परमेश्वर
(मत्ती 12.1-8; लूका 6.1-5)
23ऐडा होऊ की सह सब्ता री धियाड़ी गिहू रे खेचा में होई करे नांदअ लागअ, होर तेऊरे चेले नाजा री डाली चोड़दे लागे। 24फरीसी हेरी करे तेऊबे बोलू, हेरा यह सब्ता री धियाड़ी काम किबे करा यह व्यवस्था रे सावे ठीक नांई आंदा? 25यीशुये त्याह वै बोलू, कैह तमें लोके यह नांई पढ़ू की जेबा दाऊदा जरुरत पड़ी जेबा सह होर तेऊरे संगी भोछ लगी, तेबा दाऊदे कैह करु? 26तेऊये केई सावै अबियातार महायाजका रे वक्ते परमेश्वरा रे घरे नाशी करे भेंट करी दी रोटी किबे खाई? तेता व्यवस्था रे सावे महा याजका रे सिबाए होर कोहे नांई खाई सका तअ थी? 27तेबा तेऊये त्याह वै बोलू, सब्ता री धियाड़ी मणशा री तणी बणाई, ना की मणश सब्ता री धियाड़ी वै। 28तेबा मणशा रअ शोहरू सब्ता री धियाड़ी रअ भी मालक साहा दअ।
Currently Selected:
मरकुस 2: ISJNT
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Inner Seraji (ईनर सराजी) Bible by The Love Fellowship is licensed under Creative Commons Attribution-ShareAlike 4.0 License.
