मरकुस 3

लूला टी मिठाच कोरो के सासजा

(मत्ती 12:9-14; लूका 6:6-11)

1डबोलटे यीशु टे आराधना जगा नी ओले। देडेन म्या कोरो डा दियागा टी लूला डा। 2आराधना जगान नी अदा फरीसि कुरकू यीशु लिजेन आनोवा टोकाके डा म्या वाजा घागटा लक्के डा। इनीघाल्जी दिकु यीशु के ध्यान टे दोडो लक्के डा, दिकु डीचके परमेश्वर गा चोखरा दिनेन सजाएच्बा कि बाने। 3यीशु नी लूला टी मिठाच कोरो टे मंडीके, “सेबाई कुरकू तालान तेगेन्जू म्हणजे आमके कुरकू डोयामी होना।” 4एठा डीचनी कोम्बराके मूसा गा नियम रोंगो, “चोच परमेश्वर आलेके दियागा गा चोखरा दिन कुरकू गा भालाई दडा हुकूम जेबा या बुरा दडा गा? चोच दिकु आलेके जेगा जीवन बबाचातिंज गा हुकूम जेबा होय या डीचके घोगेच्जा?” पेनो इनी कुरकू कायोमके। 5एठा यीशु खिजोएन, जब यीशु दिकु कोने डोके भेवा नराजोके डा चोयाकी दिकुनी यीशु गा सेंग्गोन बान आजुम्गा इन्कारके। एठा डी कोरो टे मंडीके, “अमा टी इंज कोनेन बळातिंज्के।” डी कोरोनी यीशु कोनेन बळातिंज्के एठा दिज्या टी साजायेन। 6मेटे फरीसि कुरकू बल्लान ओले तुरुटो हेरोदेस राजा गा साथो जिऊमिंकू सेंग्गोन बेल्लाटे योजना आरु लज्जे कि यीशु के चोफर टे घोजेचबा।

घोंजा गा यीशु मेरान हेजे

7एनेगा बादोन यीशु हेजा गा चेलाकू सेंग्गोन कुरकू टे लेंक्कीन गलील समुद्र गा धुरान ओले। एठा गलील जिल्हा गा टे कुरकू गा म्या खाट गर्दी दियागा टाऊटे ओले। 8दिकु कुरकू यरूशलेम शहर, एठा यहूदिया जिल्हा गा अलग्गो पुराटे, एठा इदूमिया जिल्हान, एठा यरदन गडान गा पूर्वा कोणटे, एठा सोर एठा सैदा शहरेन गा आसो पासो टे कुरकू गा म्या गर्दी इनी आजुमटे दिया मेरान हेन। कि यीशु टोनोंगो अचाम्बो कमाय दडा लक्के डा। 9एठा यीशु नी हेजा चेलाकू टे मंडीके, “इंज्के सुबान घल्जी म्या सनीसा डोंगा साली, म्हणजे इंज्के कुरकू तलान दाबातिंजू बाकी होना।” 10चोयाकी यीशु घोनेच कुरकू के साजकु डा। इनिघल्जी जो कुरकू बीमारडा, डीचके उठा घाल्जी सोडू डा। 11जब भी भूतोकु मुके कुरकू डिच्के दोडोवा, दिकु दिज्या सम्मान डिच्के मानजिउगा घाल्जी सोटजू। एठा इनी मंडी डोन चिल्लतिंजू डोन कि अमा परमेश्वर गा कोणटे होय। 12एठा यीशु नी दिकुके खट्टेका चतारायकेकू एठा मंडीके, “जेकाकेभी बाकी गघाल कि इंज परमेश्वर गा कोण होय।”

यीशु व्दारा बारा चेलाकू कलमके मिंकू

(मत्ती 10:1-4; लूका 6:12-16)

13इने बदोन, यीशु मेरा गा म्या टुक्की लिजेन ओले एठा डी कोरोकु के मेरान हाकोलेकु। दिकुके डीचनी हेजा चेला हारूघल्जी कलमके डा। एठा दिकु डी गर्दी टे दिया मेरान हेके। 14मेटे डीचनी दिकु तलाटे बारह कोरोकु के कलामके मिंकू चेलाकू घल्जी ठहरातिंजकेकु, यीशु इनिघल्जी डाके, ताकी डीच दियागा सथोन थंदळवा, एठा देटेन खाबोर गघाल घल्जी कुलकेकु। 15एठा यीशु नी चेलाकूके भूतोकुके कोखाला गा हाकगेल्ला डोकी। 16एठा दिकु बारह चेलाकू होय, दिकुके यीशु कलमके डा, शमौन दियागा जीमू डीचनी पतरस डोके। 17एठा जब्दी गा कोणटे याकूब एठा याकूब गा डाईटे यूहन्ना डिय गा जीमू डीचनी बुअनरगिस मतलब बरसातिंजू कुला गा खीजो आवाज एठा बाणतो बरसातिन्जुवा गा कोणटे डोके। 18एठा अन्द्रियास एठा फिलिप्पुस एठा बरतुल्मै एठा मत्ती एठा थोमा एठा हलफईस गा कोणटे याकूब एठा तद्दै एठा शमौन कनानी। 19एठा यहूदा इस्करियोती डीचनी यीशु के दुश्मान गा टीन उठाकेनेच डा।

यीशु एठा शैतान

(मत्ती 12:22-32; लूका 11:14-23; 12:10)

20जब यीशु हेजा चेलाकू सेंग्गोन हेजा उरान हेन, एठा देडेन खाट गर्दी जमाएन, कि डीच आटा भी बान जोमडुका। 21जब दियागा सगाकु दियागा कमाय गा बारेन इनी आजुम्के, चोयाकी कुरकू मंडी डा, दियागा दिमाग होशोन बाऊ डा, इनिघल्जी दिकु डीचके उरान सा कोशिश लक्के डा। 22एठा मूसा गा नियम इथूमिठाच गा गुरजी जो यरूशलेम शहर टे, इनी मंडी डा, “दिजेन शैतान होय, डीच भूतोकु गा मुख्या, शैतान गा शक्तीटे भूतोकुके कोलाकुवा होय।” 23एठा यीशु दिकुके मेरान हाकोटे, दिकुटे उदाहरणेन नी मंडी लक्के, “शैतान चोलाकाभी हेजाका भूतोकुके कुरकू टे बल्लान बान ओट, 24अगर म्या देशो गा कुरकू इकु इकुका लाडाई टासो मेटे दिकुगा देशो नशोऊबा।” 25एठा अगर म्या सगाकु गा कुरकू एक-मेग गा खिलाफबेन जू, डो इनी सगाकु म्या सथोन बान थंदळ। 26अगर शैतान हेजाका खिलाफबेन लाडाई डाये टासो, मेटे डीच आरु बान थंदळ, एठा डीच नशोऊबा,

27एठा यीशु नी शैतान गा बाराबोर म्या ताखातदार कोरो टे डाके डिजा मेरान म्या उरा होय, म्या कोरो के पेला डी ताखातदार कोरो तोटोल होना, बस मेटे दियागा उरा मुवा, दियागा डामा कोरो टे डामा सेगेवा डो उराके लुतातिन्जेवा।

28“इंज आपेटे सच्चो मंडीवा कुरकू गा सेबाई पापो एठा बुराई जो परमेश्वर या तुनिका कोरो खिलाफबेन दडावा होय, दिकुगा मापोऊ बाने होय।” 29पेनो जो जेकाभी पवित्र आत्मा गा खिलाफबेन मंडीवा? मेटे परमेश्वर डी कोरो के चोलाकाभी मापोऊ बाने होय, “एठा परमेश्वर डी कोरो हमेशा का घाल्जी पापो आंडाएबा।” 30चोयाकी दिकु इनी मंडी डा, कि दिजेन भूतोकु भेटटीके होय।

यीशु गा आंटे एठा डाई

(मत्ती 12:46-50; लूका 8:19-21)

31डबोलटे यीशु आंटे एठा दियागा सनी बोकोकु सेंग्गोन हेन, दिकु बल्लान तेगेनटे जेकाकेभी डीचके तालन हाको कुल्केनेच। 32मेटे गर्दी दियागा आजू-बाजुन सुबानके डा, एठा डीचनी दियाटे मंडीके, “डोगे, अमागा आंटे एठा आपेगा सनी बोको आमके बल्लान हाको लक्के।” 33यीशु नी डिचके नी जवाब जीके, “इंजा आंटे एठा इंजा सनी बोको जे होय?” 34एठा दिच्नी दिकु लिंजेन जो डिय गा आसो पासोन सुबानके डा, नजर येंडाटे मंडीके, “डोगे, इंजा आंटे एठा इंजा डाई इनकू होय, 35चोयाकी जो परमेश्वर गा इच्छा लिंजेन सेंद्रावा, देडेन इंजगा सनी बोको, एठा बोकोजाई, एठा आंटे होय।”

Currently Selected:

मरकुस 3: GOKNT

ማድመቅ

Copy