मत्ती 18

स्वर्ग राज्य नी खाटजे

(मरकुस 9:33-37; लूका 9:46-48)

1डीका टेमो चेलाकू यीशु गा मेरान कोकाम्बारा लज्जे, कि स्वर्ग गा राज्यन खाटजे होय? 2एने लिंजेन यीशु नी म्या सानी के मेरान हाकोटे दिकु तलान तेंगेन्केनेच। 3एठा मंडीके, इंज साच्चो मंडीवाकी, अगर आपे बान इखाट एठा चफनीकू रोंगो बाकी आरु, मेटे स्वर्ग गा राज्यन मु बाने होय। 4लेकिन अगर आम इनी सानी रोंगो भी नम्र आरुवा मेना, मेटे आम स्वर्ग गा राज्य गेन सेबाईकु टे महान मंडीऊवा। 5एठा जो जेकाभी इंजा जीमू टे म्या येनोगो सनी के मानेनेज्बा होय।

तोकोडू मिंकू लिजेन आरामबा

(मरकुस 9:42-48; लूका 17:1-2)

6डाबोलटे यीशु नी चेलाकू टे मंडीके, “अगर जेकाभी डी कोरो के जो इंजा लिंजेन विश्वास दोडोवा। दियागा विश्वासेन खेडा जोम गा करण आरु होय। भलाका डीच इनी सनी रोंगो जेका टासो, इनी दियागा घाल्जी अच्छा होय कि दियागा गर्दनेन म्या खाट घोटा टोल्के टासो एठा डीचके नामुजू घाल्जी समुद्रान टेप्पाकेच। 7बुरा गा वोजीटे दुनिया लिंजेन धिक्कार! बुरा डाऊ जरुरी होय पेनो धिक्कार होय डी कोरो लिंजेन दियागा वोजीटे बुरा डाऊवा होय।

8अगर आपे पापो दडा गा घल्जी अमा टीके आपना नंगाके कमाय गेन येंडा गा सोचोन होय, मेटे इनिके म्हाकी। म्या टी या नंगा गा बिना स्वर्गेन मु मुश्किलुबा, पेनो बरी भी टी या नंगाके दोडो एठा हमेशा गा सिंगेलेन मु ठायका बुरा होय। 9अगर आपे पापो दडा गा घल्जी आपना मेटके कमाय गेन येंडा गा सोचोन होय, मेटे इनिके म्हाकी। म्या मेट गा बिना परमेश्वर गा राज्यन मु मुश्किलुबा, पेनो बरी भी मेटके दोडो एठा नरक मु ठायका बुरा होय।

आटजे मिठाच मेंडा गा उदाहरण

(लूका 15:3-7)

10ध्यान डोए कि आपे इनी चाफनी कुटे जेकाकेभी बेकार नजर टे बाकी दोडो। इंज आपेके घाले डा कि स्वर्गेन#18:10 स्वर्ग गेन दियागा स्वर्गदूत हमेशा इंजा बाटे गा चेहरा के दोडोवा होय, जो स्वर्ग गेन होय इनी बातो लिंजेन ध्यान जेबा होय कि परमेश्वर दिकुटे जुळातिंजके होय जो दिया लिंजेन विश्वास दोडोवा होय। यीशु इनी बातो के सबित डे लक्के होय सानी चफनीकू घल्जी येटो महत्वपूर्ण होय कि सेबाई टे शक्तीशाली स्वर्गदूत दियागा थंदळ गेन प्रतिनिधित्व दडावा होय इंकुगा स्वर्गदूत हमेशा इंजा स्वर्ग बाटे सेंग्गोन होय। 11चोयाकी इंज कोरो गा कोण आटजे मिंकूके बबाचातिंज हेन होय। 12आपेन चोच सामझातिंजूवा होय? अगर तुनिका कोरो गा सौ मेंडाकू टासो दिकु तलाटे म्याखोम आटजे टासो, मेटे चोच नव्यनाऊ आराटे एठा टुक्की लिंजेन सेनेवा डो, डी आटजे मेंडाके बान घगाटा? 13एठा अगर येनोगो डाऊ कि डीचके घाटाएच, मेटे इंज आपेटे साच्चो मंडीवा, कि देटेन डी नव्यनाऊ मेंडाकू घल्जी जो आटडुका येटो खुशोऊ बाने, देटोका इनी मेंडा घल्जी डाएवा। 14इनिघल्जी आलेगा बाटे जो स्वर्ग गेन होय दियागा इनी इच्छा बाने, कि इनी सनीकु तलाटे म्याखोमभी सनी नाशोऊ बाकी।

हिम्मत एठा प्रार्थना

15अगर आमगा डाई#18:15 डाई विश्वासी डाई आमगा खिलाफबेन जेका गुनह डाए टासो, मेटे सेने एठा बताचितो डो, डीचके सामझातिंजेज, अगर देटेन अमा आजुमे एठा पश्चताप डाए मेटे आमनी अमा डाईके घाटाएच्बा। 16पेनो अगर अमागा बातो बान आजोम टासो, मेटे अमागा सेंग्गोन म्याखोम बार्खिंज दियागा मेरान सैय्याकु, चोयाकी मूसा गा नियम रोंगो हारेक आरोपके बार्खिंज या घोनेच गावही के साही साबित डाए होना। 17अगर देटेन दिकुगा बातो भी बान ममानातिंज टासो, मेटे मंडली टे मंडीकी, अगर डीच मंडली#18:17 मंडली इनी मंडली गा मतलब मसीह गा मंडली। गा बातो भी बान ममानातिंज टासो, मेटे दियागा सेंग्गोन डीका खिजाटे व्यवहार डाए जैसा आम तुनिका अलग्गो जाटो या टेक्सा सा मिंकू गा सेंग्गोन डाएवा।

मन जिऊ एठा मन बान जिऊ

18इंज आपेटे सच्चो-सच्चो मंडीवा मेना, जो चोचकाभी आम पृथ्वी लिंजेन टोलेवा, देटेन स्वर्ग गेन टोलेवा एठा जो चोचकाभी आम पृथ्वी लिंजेन खुल्लाएबा, देटेन स्वर्ग गेन खुल्लाएबा। 19इंज आमटे डाबोलटे मंडीवा मेना, अगर आपे तालाटे बरी कुरकिंज पृथ्वी लिंजेन तुनिका विषय लिंजेन म्या मन टासो बिनती डाए, मेटे देटेन इंजागा बाटे जो स्वर्ग गेन होय आपिंजके डी बिनती गा जवाब जेबा। 20चोयाकी तोटेन बारखींज या आफाई कुरकू इंजा जीमू टे जमाऊबा होय इंज दिकुगा तलान थंदळवा मेना।”

माफी बान जिऊमिंकू भाग्य उदाहरण

21मेटे पतरस नी मेरान हेंडो, डीचके मंडीके, “हे प्रभु, अगर इंजागा सेंग्गो विश्वासीकु पापो दडा टासो, मेटे इंज चोटो बार मापोकु, चोच सात बार टायेन?” 22यीशु नी डीचके मंडीके, “इंज आपेटे इनी बान मंडी, कि सात बार, पेनो सत्तर गा सात गुना टाएन आमके डीचके मापोकेच होना।” 23“स्वर्ग गा राज्य गा इनी उदहारण गा रोंगो होय, म्या स्वामी नी हेजा भाग्य टे लेखा-जो कासा चहतावा।” 24मेटे देटेन लेखा सा लज्जे, मेटे म्या कोरो दियागा सम्मान सालेनेच जो 10,000 बोरा सोना गा चिक्खा (म्या भाग्य जिंदगी भोर बान फिटागु) कर्जो कोरो डा। 25लेकिन फिफीटा घल्जी दियागा मेरान चोचकाभी बाऊ डा, मेटे स्वामी नी मंडीके, कि डीचके एठा दियागा जापाएटे, एठा चफनीकू सेबाई किजिकी, एठा देटेन कर्जो चुकातिंज्की। 26येने लिंजेन डी भाग्य नी इटानजेडो नंगा साब लज्जे, एठा मंडीके, “हे स्वामी, आराम्बो डोए, इंज सेबाईका भेट्टेवा।” 27मेटे राजा डी भाग्य लिंजेन असान हेन्ड़ो दियागा कर्जोके मापोके।

28पेनो मेटे देटेन भाग्य बाल्लन ओटजे, मेटे दिया सेंग्गो भाग्यकु तलाटे म्याखोम दिजेन घाटाएन, जो दियागा सौ दिनार (सौ दिन गा मुंजीरी) कर्जो कोरो डा। डीचनी डीचके उठाकेनेच डो, दियागा गर्दन कोळेचके, एठा मंडीके, “जो चोचकाभी अमा कर्जो होय भेट्टीकी।” 29येने लिंजेन दियागा सेंग्गो भाग्य नंगा सुबान बोचोयेनडो, दियाटे बिनती दडा लज्जे, आराम्बो डोए इंज सेबाई भेट्टेवा। 30पेनो डी भाग्य नी दियागा बिनती लिंजेन जरासा भी बान डुका, डीचके सैय्येनेच डो जेलेन येंडाकेनेच जब टाएन दियागा कर्जो बान हिरा टाएन, देटेन जेलेनका थंदळे। 31दियागा दूसरा भाग्यकु नी इनी घटना धोटे भेबाव नराजोएन, एठा ओलेडो राजा के पूरा हाल घाल्के। 32मेटे राजा नी डीचके हाकोटे डीचके मंडीके, “हे बुरा भाग्य, आमनी जो इंजाटे नंगा सबटे बिनती डाके, मेटे इंज्नी अमा पूरा कर्जो मापोके। 33इनिघल्जी जैसा इंज अमा लिंजेन दया घाल्के एठा अमा कर्जो मपोके, डेनोगोका, चोच आमकेभी अमा सेंग्गो भाग्य लिंजेन दया बान दडा होना डा?” 34एठा स्वामी नी भेबाव खिजोन डा, मेटे डीचनी डी नौकर सजा जिऊ घल्जी जेलेन कुल्केनेच। एठा हेजा हाकगेल्ला टे मंडीके जब टाएन देटेन सेबाई कर्जो हिरा बान टाएन, मेटे टाएन डीचके जेलेन सजा जे। 35“इनी रोंगो अगर आपे तलाटे हार म्याखोम हेजा डाईटेके#18:35 डाईटेके डोगे मत्ती 18:15 मन टे मापो बान जिऊ, मेटे इंजा स्वर्ग बाटे आपेगा सेंग्गोन येनोगो डाएवा।”

Currently Selected:

मत्ती 18: GOKNT

ማድመቅ

Copy