मत्ती 15

रितो टे रितो हुकूम गा बान गा प्रश्र

(मरकुस 7:1-13)

1मेटे यरूशलेम शहर टे चोटो फरीसि कुरकू एठा मूसा गा नियम इथूमिठाच यीशु गा मेरान हेन्ड़ो मंडी लज्जे, 2“आमगा चेलाकू आलेगा जुना सनाकु गा रितो के आजोम चोया बान दडा? दिकु खराबो टी टे आटा चोया जोजोम्बा होय?” 3यीशु नी दिकुटे मंडीके, “ताकी आपेगा शिक्षा मनातिंजेवा इनिघल्जी खाट चताराए टे परमेश्वर गा नियम के अच्छा टे बान आजुम होय।” 4चोयाकी परमेश्वर नी मंडीके डा, “इंजगा बाटे एठा इंजा आंटे के बुरा मांडे टासो, देटेन गोजेच्बा।” 5पेनो आपे मंडीवाकी होय, अगर जेका इंजा बाटे या आंटे टे मांडे, “जो चोचकाभी आमेन इंजाटे फायदा घाटाऊ डा, देटेन परमेश्वर के भार पेळेचके मेना।” 6मेटे देटेन हेजा बाटे गा मन बान दोडो, इनी रोंगो आमनी अमा रितो गा वोजीटे परमेश्वर गा वचन पूरा डुका। 7हे ढोंगोकु, यशायाह जो परमेश्वर गा कोनेटे मंडीमिठाच नी आपेगा बारेन साहीका मंडीके होय। 8“इनी कुरकू चभुटेनी इंजा मन दोडोवा होय पेनो दिकुगा मन इंजाटे लेंक्कीन थंदळवा होय।”#15:8 इनी कुरकू चभुटेनी इंजा मन दोडोवा होय पेनो दिकुगा मन इंजाटे लेंक्कीन थंदळवा होय। इनी वचन यशायाह 29:13 टे सावे मेना होय 9एठा वोया इंजगा आराधना दडावा होय, चोयाकी कोरो गा विधिके धर्म उदाहरण टे इथूवा होय।

बुरा दडामिनी मंडी

(मरकुस 7:14-23)

10डाबोलटे यीशु नी कुरकू के हेजा मेरान होकोलेकू एठा दिकुटे मंडीके, “इंजगा आजुमे, एठा इंज चोच मंडीवा होय समझातिन्ज गा कोशिश डाए। 11जो चीजो कोरो गा चबुन सेनेवा दिकु डीके खाराबोए बाने। पेनो जो कोरो गा चबुटे बल्लान सेनेवा होय डी डीचके खराबोएच्बा होय।” 12मेटे चेलाकूनी हेंडो डीचके मंडीके, “चोच आपेन हाडाई मेना कि फरीसि कुरकू के इनी आजुमटे बुरा घैय्ये?” 13डीचनी जवाब जीके, हरेक कोम्बो जो इंजा स्वर्ग गा बाटे नी बान येंडाडुका उखळा तिन्जेवा। 14डीचके सेंडाए डी अंधळा कोरा गघाल मिठाच होय, एठा अंधळा अगर अंधळा के कोरा घाल्के टासो, मेटे बरीखींज भी गढढान बोचो डा। 15इनी आजुमटे, पतरस नी डीचके मंडीके, “येटेन उदाहरण आलेके सामझातिंजकेकु।” 16यीशु नी हेजा चेलाकू टे कोम्बराके, “चोच आपे भी एगो नासमझ होय? 17चोच आपे इनी बान समझातिंजू कि आले जो चाभु टे आटा जोजोम्बा होय। दिकु आलेके परमेश्वर गा सम्मान बिसोटो बान मेंबा? चोयाकी डीच दियागा मनेन बाऊ, पेनो लाजेन नी सेनेवा होय एठा इजुननी ओटबा होय? 18पेनो कुरकू जो चोचकाभी सोचातिंज्बा होय, मंडीवा होय एठा दडावा होय डीका दिकुके परमेश्वर सम्मान खराबोएवा होय। 19चोयाकी कुरकू मन टे बुरा-बुरा बिचार डेनेगोका आनोवा, चुचीरी, घोगेच, कोम्बोर तरीका टे खाराबो कमाय, लालीचो, चतरुपना, लुच्चापना, कपट, जुलू, कठोर मन, खिलाफबेन, एठा बेदिमाग वोटबा 20इनी सेबाई बुरा बातो कुरकू दिमाग टे ओटबा होय, पेनो टी बिना अबुंज गा आटा जोजोम कुरकू के खराबोए बाने।”

कनानी जाटो गा जापाए गा विश्वास

(मरकुस 7:24-30)

21यीशु दियागा चेलाकू देटे टे ओले एठा डाबोलटे सोर जीमू गा शहर गेन एठा सैदा शहर गा आसो-पासो ईरिया न ओले। 22एठा डोगे डी दूसरा गाँव गा म्या कनानी जापाए चिल्लातिंजटे मंडी लज्जे, “हे प्रभु! दाऊद गा कोंटे इंजा लिंजेन दया डाए, इंजा सनी कोंजाईके भूतो भेबाव ताखलिफ जे लक्के होय।” 23पेनो डीचनी चोचका जवाब बान जिडुका एठा दियागा चेला हेंडो दियाटे बिनती दडा लज्जे, इनिज्के बिडकेच, चोयाकी देटेन आलेगा टाऊटे चिल्लातिंजू लठ्ठा हेजेवा होय। 24यीशु नी जवाब जीके, इस्राएल गा उरा गा आटके मिंकू मेंडाकू के आराकु। 25पेनो देटेन हेन, एठा यीशु गा मेरान हेन एठा दियागा सम्मान दडा घल्जी दियागा सम्मान ठोपरे जेगाके, मंडी लज्जे। “हे प्रभु इंजा मदत डाए।” 26यीशु नी जवाब जीके, “पेला इंजा खुद गा यहूदी कुरकू गा मदत डाए। एटेन सही बाऊ होय कि पोटटाकू गा आटा साटे सिटाकु गा सम्मान येंडा।” 27डीचनी मंडीके, “सच्चोका होय प्रभु पेनो येठाभी सीताकुनी टेबाल गा इटान चफनीकू सोकळाके चरा चुराके जोमेबा होय।” 28येने लिंजेन यीशु नी डीचके जवाब जीटे मंडीके, कि हे जापाए, अमा विश्वास खाट होय, जैसा आमेन होना, अमा घल्जी डेनोगोका डाऊवा, एठा बिलकुल डीका टेमोन दियागा कोंजाई टे सजाएन।

चोटोका बिमारीकु के सासजा

29यीशु देटे टे ओलेडो, गलील जिल्हा गा समुद्र गा मेरान हेन, एठा टुक्की लिंजेन पेदेचटे देटेन सुबानजे। 30एठा गर्दी लिंजेन गर्दी लंगडाकु, अंधळाकु, गुंगाकु, ठुथळाकु, एठा घोनेचकु के साटे दियागा मेरान हेन, एठा दिकुके दियागा नंगा गा मेरान सुबानकेकु, एठा डीचनी दिकुके साजाकेकु मेना। 31इनिघल्जी मेटे कुरकू नी डोकेनेच, कि गुंगाकु मंडीवा एठा ठुथळाकु साजौवा मेटे अचम्बो डाटे इस्राएली कुरकू गा परमेश्वर गा बढाई डाके।

उफुन हजार कुरकू के चाचरा

(मरकुस 8:1-10)

32मेटे यीशु नी हेजा चेलाकूके मेरान हाकोटे दिकुके मंडीके, “इनी कुरकू इंजा सेंग्गोन आफाई दिन टाएन थंदळके होय। दिकु मेरान नका चोचकाभी जोजोमागा बाऊ होय। इनिघल्जी इंजेन दिकु घल्जी भेबाव बेकार लगातिंजू लक्के होय। चोचकाभी जोजोमागा रांगेच्का उरान कुलकू टासो मेटे दिकु कोरान लोकोम्जुबा डो थंदळवा।” 33चेलाकूनी डीचके मंडीके, “आलेन सुनसान जगान नी सेबाई कुरकू के चचारा घाल्जी आटा घगाटावा?” 34यीशु नी चेलाकू टे कोम्बराके, “आपेगा मेरान चोटो सोकळा होय?” दिकुनी मंडीके “एइय्या सोकळा।” एठा थोळासा काकू। 35इनिघल्जी यीशु नी कुरकू के ओटेन लिंजेन सुबान घाल्के एठा दिकु सुबंजे। 36डेगा बादोन यीशु नी डी एइय्या सोकडा एठा काकूके सावे एठा परमेश्वर गा धन्यवाद डाटे सोकळाके तुकडा टे अलग्गोके डाबोलटे चेलाकूके तुकडा जिऊ चालुके म्हणजेकी दिकु तुकडाके कुरकू के कटिंजकी। 37इनी रोंगो कुरकू नी काकू एठा सोकडा जोम्टे लाज भेट्टेन। एठा बादोन चेलाकूनी एइय्या टोपला भेटटी टे टुक्काके तुकडा जमाके। 38एठा जोम जापाएकु एठा चफनीकू के आराटे उफुन हजार गा अंदाजोटे डा। जब यीशु नी कुरकू के कुलकेकु। 39मेटे देटेन गर्दी के बिडाके डोंगा लिंजेन पेळेन, एठा मगदन#15:39 मगदन मरकुस 8:10 जो ईरिया गा जीमू ओल्के होय डी म्याका होय ईरिया न हेन।

Currently Selected:

मत्ती 15: GOKNT

ማድመቅ

Copy