លោកុប្បត្តិ 4
4
ចួសកាអ៊ីនកម្ចែតសែមណាវជ្រមោះអេបិល
1ចួសអដាំណាវបិចពូករ៉ើយាក់អេវ៉ាកន្តែលណាវ កឹយាក់អេវ៉ាពុងពឺត ណាវក្អូសបឺនកនកន្ទ្រូសមូយជ្រមោះ កាអ៊ីន កឹណាវជ្មុងប៉ាយ៖ «កឺបឺនកួយមូយណាក់ ចូវរ៉ើព្រះពឺតទ្រេងហៃណាវអន» 2កឹយាក់អេវ៉ាណាវកើតកនមូយទ័ន ជ្រមោះអេបិល ណាវសែមកាអ៊ីន អេបិលណាវបេកចែមចន្ទ្រាន់ កាអ៊ីនណាវបេកវ័ស្រែវ័ស្រៃ 3ពេលកាអ៊ីនណាវប៉្រមូលផល់ ណាវអែលចូវថ្វាយព្រះពឺតទ្រេងហៃនឺច 4កឹអេបិលណាវអែលកនចន្ទ្រាន់កើតរ៉ើត្កអៃ រ៉ើញ្ឆែងអៃ អែលចូវថ្វាយព្រះដែល កឹព្រះពឺតទ្រេងហៃពេញចិត្តអេបិល រ៉ើពេញចិត្តចន្ទ័ៗអេបិលអែលចូវថ្វាយណាវ 5ម៉ងព្រះម៉ឹពេញចិត្តកាអ៊ីន រ៉ើម៉ឹពេញចិត្តចន្ទ័ៗកាអ៊ីនអែលចូវថ្វាយណាវអឺ កឹកាអ៊ីនណាវមម៉ាវច្នាប់ មុះមាត់ណាវក្រញូវ 6កឹព្រះពឺតទ្រេងហៃមោះកាអ៊ីនប៉ាយ៖ «កើតន្ទ័បឺនម៉ៃច្លក់? កើតន្ទ័បឺនមុះមាត់ម៉ៃក្រញូវយ៉ាំងអិង? 7បើម៉ៃវ័រ័ក ម៉ៃច្បាស់កឹបឺនច្អបចៀក្រោយ ម៉ងបើម៉ៃវ័ម៉ឹរ័ក បាបកួបៀតម៉ៃស្រាច់ហឺយ យ៉ាំងកឹចួសថាវប៉្រុងតឹងត្របាក់ចន្ទ័ៗចា កឹណាវស្អៀអនម៉ៃវ័តូនណាវ ម៉ងម៉ៃក្រៃប៉ង្ក្រាបណាវចៀ» 8លោះរ៉ើអិង កាអ៊ីនណាវនាំអេបិលចៀស្រៃ ពេលចៀតក់ ណាវតឹមសែមណាវច្ពស់ 9កឹព្រះពឺតទ្រេងហៃមោះកាអ៊ីនប៉ាយ៖ «សែមម៉ៃកួអាណា?» កឹកាអ៊ីនឆ្លើយប៉ាយ៖ «កឺម៉ឹដិងអឺ កឺម៉ឹមេនបេកគ្វាលណាវអឺ» 10កឹព្រះណាវមោះកាអ៊ីនទ័នប៉ាយ៖ «ម៉ៃវ័ន្ទ័យ៉ាំងអិង? កឺសង់ហាមសែមម៉ៃកួឡឹងក្ដែកច្រេកដែលអឺ អនកឺជោយសងសឹកណាវ 11រ៉ើណិងម៉ៃក្រៃប៉ន្តាសសាហឺយ កឹម៉ៃក្រៃកួឆ្ងាយរ៉ើក្តែកលឹមបឺតអែលហាមសែមម៉ៃ អាសារកឹម៉ៃកម្ចែត 12ពេលម៉ៃភ្ជួររាស់ ក្តែកណាវឆុបអនម៉ៃផល់ទ័នហឺយ កឹម៉ៃម៉ឹកើតដុងលឺងកួ កើតចៀប៉កពាសដាស» 13កឹកាអ៊ីនឆ្លើយរ៉ើព្រះពឺតទ្រេងហៃប៉ាយ៖ «ម៉ៃដាក់ទោសកឺយ៉ាំងណិងច្នាប់នះអឺ កឺទ្រាំម៉ឹបឺនអឺ 14ត្ងៃណិង ម៉ៃពោយកឺលោះរ៉ើស្រុក កឹកឺក្រៃប៉កចៀឆ្ងាយរ៉ើម៉ៃទ័ន កើតចៀប៉កពាសដាស ម៉ឹកើតដុងម៉ឹកើតលឺងកួ បើកើតកួយមូយណាក់ជួបរ៉ើកឺ ណាវច្បាស់កឹកម្ចែតកឺហឺយ» 15ម៉ងព្រះពឺតទ្រេងហៃសួរកាអ៊ីនប៉ាយ៖ «បើកួយនាកម្ចែតម៉ៃ កឺដាក់ទោសកួយអិងច្នាប់លើសកឺដាក់ទោសម៉ៃត្ពោលដង» កឹព្រះពឺតទ្រេងហៃណាវគូសសញ្ញាឡឹងកាអ៊ីន ញ្ជ័ក់អនកួយកម្ចែត 16កឹលោះរ៉ើអិង កាអ៊ីនណាវប៉កលោះរ៉ើព្រះពឺតទ្រេងហៃ ចៀប៉កកួតេកវាលណូឌ ខាងកើតស្រុកអេដែន។
ស្មាចួសកាអ៊ីន
17កាអ៊ីនណាវអែលកន្តែល កឹកន្តែលណាវពុងពឺត ក្អូសបឺនកនកន្ទ្រូសមូយ ជ្រមោះអេណុក កឹម្សាអិងកាអ៊ីនណាវវ័ក្រុងមូយ ណាវដាក់ជ្រមោះក្រុងអិងប៉ាយ អេណុក តូនជ្រមោះកនណាវ 18កឹចួសអេណុកកើតកន ជ្រមោះអ៊ីរ៉ាឌ កឹចួសអ៊ីរ៉ាឌប៉ង្កើតមហ៊ូយ៉ែល កឹចួសមហ៊ូយ៉ែលប៉ង្កើតមទូសែល កឹចួសមទូសែលប៉ង្កើតឡាមេក 19ចួសឡាមេកណាវអែលកន្តែលប៉បារ មូយណាក់ជ្រមោះអដា មូយណាក់ទ័នជ្រមោះស៊ីឡា 20កឹអដាកើតកន ជ្រមោះយ៉ាបាល កឹចួសយ៉ាបាលណាវបេកកួឡឹងរោង#ជំពូក ៤ ខ ២០ ម្សាអិងកួយណាវវ័រោង ណាវប៉្រក់រ៉ើក្រណាត់ បាំងរ៉ើក្រណាត់ កឹម៉ឹកើតច្រង់ ម៉ឹកើតន្ទ្រុកអឺ កឹរោងយ៉ាំងអិង ណាវរឺអែលចៀវ័តេកណែម៉្រង តេកទោក់ម៉្រង តូនណាវក្រៃការ។រ៉ើចែមចន្ទ្រាន់ញោងកួយតឹងម៉ាត់ 21សែមកន្ទ្រូសចួសយ៉ាបាល ជ្រមោះយូបាល ណាវបេកត្រេះចាប៉ី រ៉ើប៉្លង់ខ្លុយញោងកួយតឹងម៉ាត់ 22កឹស៊ីឡាណាវកើតកន ជ្រមោះទូបាល-កាអ៊ីន កឹចួសទូបាល-កាអ៊ីនណាវបេកជាងស្ពាន់ រ៉ើជាងតាក កឹសែមក្រប៉ៃណាវ ជ្រមោះណាអាម៉ា 23កឹចួសឡាមេកណាវជ្មុងរ៉ើកន្តែលណាវតឹងបារណាក់ប៉ាយ៖ «អដារ៉ើស៊ីឡាវ៉ឺយ ច្ងាត់កឺចៀ កន្តែលកឺវ៉ឺយ ចាំច្ងាត់កឺជ្មុងដឺ កឺកម្ចែតកួយមូយណាក់ ចូវរ៉ើណាវវ័អនកឺបឹក កឹកឺកម្ចែតកួយប៉្រឡុមូយណាក់ ចូវរ៉ើណាវតឹមកឺ 24កឹបើកួយនាកម្ចែតចួសកាអ៊ីន ព្រះដាក់ទោសកួយអិងច្នាប់លើសណាវដាក់ទោសកាអ៊ីនត្ពោលដង ម៉ងបើកួយនាកម្ចែតឡាមេក ព្រះដាក់ទោសកួយអិងច្នាប់លើសព្រះដាក់ទោសកាអ៊ីនចិតសិបប៉្រាំពឹលដង» 25ម្សាអិង ចួសអដាំរ៉ើកន្តែលណាវបឺនកនកន្ទ្រូសមូយទ័ន កឹកន្តែលណាវដាក់ជ្រមោះកនអិងប៉ាយ សេត បឺនកឹណាវជ្មុងប៉ាយ៖ «ព្រះពឺតអនកឺកនមូយទ័ន ជំលោសអេបិល អាលឹមកាអ៊ីនកម្ចែត» 26កឹសេតកើតកនកន្ទ្រូសមូយ ជ្រមោះអេណុស។ តាំងរ៉ើអិងចូវ កួយណាវនាំឃ្នាគោរពព្រះពឺតទ្រេងហៃ។
Currently Selected:
លោកុប្បត្តិ 4: KNT
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
© 2020, Wycliffe Bible Translators, Inc. All rights reserved.
