លោកុប្បត្តិ 2
2
1យ៉ាំងអិង ព្រះពឺតប៉ង្កើតមេឃ ប៉ង្កើតក្តែក រ៉ើប៉ង្កើតចន្ទ័ៗតឹងម៉ាត់ តឹងកួឡឹងមេឃ តឹងកួឡឹងក្តែកបឺនម៉ាត់ហឺយ 2តេកត្ងៃត្ពាត់ព្រះពឺតប៉ង្កើតចន្ទ័ៗបឺនម៉ាត់ កឹលោះរ៉ើណាវប៉ង្កើតចន្ទ័ៗបឺនម៉ាត់ តេកត្ងៃត្ពោលណាវសម្រាក 3កឹព្រះពឺតអនពរ៍ត្ងៃអិង រ៉ើដកត្ងៃអិងវ័ចៀត្ងៃរ័ក ច្បោះត្ងៃអិងណាវសម្រាកលោះរ៉ើណាវប៉ង្កើតចន្ទ័ៗបឺនម៉ាត់ 4ណិងរើងមេឃរ៉ើក្តែកកើតចូវរ៉ើត្កអៃ។
ព្រះពឺតអនកួយលឹមណាវប៉ង្កើតរ៉ើត្កអៃកួឡឹងសួនតេកស្រុកអេដែន
ម្សាព្រះពឺតទ្រេងហៃ#ជំពូក ២ ខ ៤ តេកពាក្យព្រះពឺតទ្រេងហៃណិង ពាក្យដើមប៉ាយ “យហវហ” (ប៉ាយ “យេហូវ៉ា”) កឹពាក្យណិង នៃអៃ “ព្រះកួរហូតមាត” កឹបេកអ៊ីស្រាអែលណាវម៉ឹហានក្យាពាក្យអិងចំៗអឺ ចូវរ៉ើព្រះបរិសុទ្ធមេនទេន កឹអនកឹកើតអក់សរ “យហវហ” ណាវអានប៉ាយ “ព្រះទ្រេងហៃ” កឹកួយក្លឹងកឹបកប៉្រែតូនអិង យ៉ាំងអិងហឹយបឺនហៃបកប៉្រែប៉ាយ “ព្រះពឺតទ្រេងហៃ”។ប៉ង្កើតក្តែករ៉ើមេឃ 5ឡឹងក្តែកន្ទាន់កើតកនល័ងហនតូនវាលអឺ ម៉ឹប៉ាយសឹមមូយត្នមកឹន្ទាន់ហន ចូវរ៉ើព្រះពឺតទ្រេងហៃន្ទាន់អនកើតដាកមាន្ទ្រុះចូវឡឹងក្តែក កឹកួយភ្ជួររាស់កឹន្ទាន់កើតដែល 6ម៉ងកើតដាកជ្រើបលោះរ៉ើក្តែក សើមត្បាល់ម៉ាត់ម៉ើក្តែក 7កឹព្រះពឺតទ្រេងហៃអែលក្តែកចូវលែញ់វ័ចៀកួយ#ជំពូក ២ ខ ៧ ពាក្យ “កួយ” ភាសាដើមក្យាប៉ាយ “អដាំ” កឹពាក្យ “អដាំ”ណិងកើតចៀជ្រមោះកួយរ៉ើត្កអៃ។ កឹណាវប៉្លង់ក្សាលតូនព្រ័ង់មុះកួយអិង អនកួយអិងកើតតង្ហើមជីវិត កឹកួយអិងបឺនត្មង់ម្អិងហឹយ 8កឹព្រះពឺតទ្រេងហៃវ័សួនមូយកួឡឹងស្រុកអេដែន ស្រុកអិងកួខាងកើត កឹណាវអែលកួយអាលឹមណាវវ័រ៉ើក្តែក ចៀប៉កដកឡឹងសួនអិង 9ព្រះពឺតទ្រេងហៃវ័អនត្នមល័ងតឹងម៉ាត់ហនចូវរ៉ើក្តែក ត្នមល័ងអិងផងរ័កមេនទេន វ័អនកួយចូលចិត្ត កឹកើតប៉្លីដកអនកួយចាឡង់ កឹកួឡឹងតន្ឌីសួនអិងកើតត្នមល័ងប៉បារ ត្នមល័ងវ័អនកួយត្មង់មាត រ៉ើត្នមល័ងវ័អនកួយដិងលោសដិងក្រៃ 10កឹកួឡឹងស្រុកអេដែនអិងកើតទន្លេមូយជ្រើបចូវសួនអិង កឹទន្លេអិងបែកចៀប៉ន ហយលោះរ៉ើស្រុកអិង 11កឹទន្លេមូយជ្រមោះពិសុន ទន្លេអិងហយត្វាន់ស្រុកហាវីឡា ស្រុកអិងកើតមាស 12មាសចូវរ៉ើស្រុកអិងរ័កមេនទេន កឹកើតជារ់ផូម ជ្រមោះប្ដេល្លាម រ៉ើត្បូងអូនីក្ស 13កឹទន្លេមូយទ័ន ជ្រមោះគីហុន ទន្លេអិងហយត្វាន់ស្រុកគូស 14កឹទន្លេមូយទ័ន ជ្រមោះហ៊ីដេកែល ទន្លេអិងហយចៀខាងកើតស្រុកអាសស៊ើរ កឹទន្លេមូយទ័ន ជ្រមោះអ៊ើប្រាត 15កឹព្រះពឺតទ្រេងហៃអែលចួសអដាំចៀប៉កដកឡឹងសួនតេកស្រុកអេដែន អនណាវមីថែសួនអិង 16កឹព្រះពឺតទ្រេងហៃសួរចួសអដាំប៉ាយ៖ «ម៉ៃចាប៉្លីល័ងតឹងម៉ាត់ឡឹងសួនណិងបឺន 17ម៉ងត្នមល័ងវ័អនដិងលោសដិងក្រៃ ម៉ៃម៉ឹក្រៃចាប៉្លីអៃអឺ បើត្ងៃនាម៉ៃចា ត្ងៃអិងម៉ៃក្ចែត» 18កឹព្រះពឺតទ្រេងហៃជ្មុងប៉ាយ៖ «បើកួយណិងកួកឹខ្នាក់អែង ម៉ឹច្អបអឺ កឺប៉ង្កើតកួយមូយណាក់ទ័នសិនអនស្នំរ៉ើណាវ រ៉ើអនជោយណាវ» 19កឹព្រះពឺតទ្រេងហៃអែលចន្ទ្រាន់រ៉ើកនចែមហ្លាបតឹងម៉ាត់ លឹមណាវលែញ់វ័រ៉ើក្តែក អែលចៀអនកួរ៉ើចួសអដាំ ចូវរ៉ើណាវស្អៀដិងប៉ាយ ចួសអដាំដាក់ជ្រមោះអនចន្ទ្រាន់រ៉ើកនចែមអិងផងយ៉ាំងនា កឹចន្ទ្រាន់រ៉ើកនចែមតឹងម៉ាត់កើតជ្រមោះតូនចួសអដាំដាក់អន 20កឹចួសអដាំដាក់ជ្រមោះអនចន្ទ្រាន់ស្រុក ចន្ទ្រាន់ក្រួង រ៉ើកនចែមហ្លាបតឹងម៉ាត់ ម៉ងណាវម៉ឹពើកកើតកនចែមនាស្នំរ៉ើណាវ រ៉ើជាងជោយណាវអឺ 21កឹព្រះពឺតទ្រេងហៃវ័អនចួសអដាំបិចល្ងេតច្នាប់ កឹណាវអែលលោះង្ហាងប្រាញចួសអដាំមូយ បឺនកឹណាវវ័អនជិតសាច់ចៀក្រោយ 22ព្រះពឺតទ្រេងហៃអែលង្ហាងប្រាញលឹមណាវអែលលោះរ៉ើចួសអដាំ វ័ចៀកួយក្រប៉ៃ កឹណាវនាំចៀជួបរ៉ើចួសអដាំ 23កឹចួសអដាំណាវជ្មុងប៉ាយ៖ «អើ អាណិងយ៉ាំងកឺ ចូវរ៉ើណាវកើតចូវរ៉ើង្ហាងកឺ រ៉ើកើតចូវរ៉ើសាច់កឺ កឹក្រៃក្យាណាវប៉ាយ “កួយក្រប៉ៃ” ច្បោះណាវកើតចូវរ៉ើកួយកន្ទ្រូស» 24យ៉ាំងអិងហឹយ បឺនកួយកន្ទ្រូសលោះរ៉ើម៉ែអូវ ចៀកួរ៉ើកន្តែលណាវ កឹបេកបារណាក់អិង កើតចៀចាក់កឹមូយ 25កឹម្សាអិង ចួសអដាំរ៉ើកន្តែលណាវកួខើវ ម៉ងណាវម៉ឹអៀលអឺ។
Currently Selected:
លោកុប្បត្តិ 2: KNT
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
© 2020, Wycliffe Bible Translators, Inc. All rights reserved.
