GENESIS 36
36
Esau Tefa Hna
(1Cha 1.34-37)
1Esau tefa cu hi hna hi an si, (Esau cu Edom ti zongah ti a si). 2Esau nih Kanaan minu kha a ṭhit hna, cu hna cu Hit mi Elon fanu Adah, Hiv mi Zibeon fapa Anah i fanu Oholibamah, #Gen 26.34 3le Ishmael fanu Basemath an si; Basemath cu Nebaioth far a si. #Gen 28.9 4Adah nih Esau cu Elifaz a hrinpiak, Basemath nih Reuel a hrinpiak; 5cun Oholibamah nih Jeush, Jalam le Korah a hrin hna. Hi hna hi Esau nih Kanaan ram chungah a hrinmi an si.
6Cun Esau nih a nupi hna le a fapa hna le a fanu hna le a innchung i a ummi vialte hna le, a caw vialte hna le Kanaan ram chung i a ngeihmi thilri vialte hna he khan aa pong i a nau Jakob sinin ram hlapi ah a kal. 7Zeicahdah a kal ti ahcun Jakob he an umnak ram nih khan a cawm kho ti hna lo; saṭil tam tuk an ngei i hmunkhat ah an um kho ti lo. 8Cucaah Esau (Edom) cu Seir tlangram ah khan a va um.
9Hi hna hi Seir tlangram i a ummi Edom mi hna an pa Esau i a tefa cu an si. 10Esau fapa hna min cu hihi an si: Elifaz, amah cu Esau nupi Adah fapa a si, Reuel, amah cu Esau nupi Basemath fapa a si. 11Elifaz fapa hna cu: Teman, Omar, Zefo, Gatam le Kenaz an si. 12Timna cu Esau fapa Elifaz nupi hna lak i pakhat a si i amah nih cun Amalek a hrin. Hi hna hi Esau nupi Adah fapa cu an si.
13Reuel fapa hna cu: Nahath, Zerah, Shammah le Mizzah an si. Hi hna hi Esau nupi Basemath fapa cu an si.
14Esau nupi Oholibamah fapa hna cu Jeush, Jalam le Korah an si. Oholibamah cu Zibeon fapa Anah i a fanu a si.
15Hi hna hi Esau tefa lakah phuntungtu pawl cu an si. Esau fapa upa bik Elifaz fapa hna lak i bawi cu Teman, Omar, Zefo, Kenaz, 16Korah, Gatam le Amalek an si. Hi hna hi Edom ram chung i a ummi Elifaz tefa hna lak i phuntungtu cu an si. Annih cu Adah fapa kha an si.
17Esau fapa Reuel fapa cu hi hna hi an si. Annih lak i phuntungtu cu: Nahath, Zerah, Shammah le Mizzah an si. Hi hna hi Edom ram chung i a ummi Reuel tefa hna lak i phuntungtu cu an si. Annih cu Esau nupi Basemath fapa kha an si.
18Esau nupi Oholibamah fapa cu hi hna hi an si: an phuntungtu cu Jeush, Jalam le Korah an si. Esau nupi Oholibamah, Anah fanu, nih a hrinmi phuntungtu cu hi hna hi an si. 19Esau (Edom) tefa cu hi hi an si i an phuntungtu hna zong cu hi hna hi an si.
Seir Tefa Hna
(1Cha 1.38-42)
20Hor miphun Seir fapa cu hi hi an si, annih cu cuka rammi cu an si: Lotan, Shobal, Zibeon, Anah, 21Dishon, Ezer le Dishan. Hi hna hi Hor miphun an phuntungtu, Edom ram i a ummi Seir fapa cu an si. 22Lotan fapa cu Hori le Heman an si; Timna cu Lotan far a si. 23Shobal fapa cu Alvan, Manahath, Ebal, Shefo, le Onam an si. 24Zibeon fapa cu Aiah le Anah an si. (Anah hi a pa Zibeon laa ramlak i a khalh lio hna ah, ti lum cerh a hmutu kha a si). 25Anah fale cu, Dishon le Anah fanu Oholibamah kha an si. 26Dishon fapa cu Hemdan, Eshban, Ithran, le Kheran an si. 27Ezer fapa cu Bilhan, Zaavan le Akan an si. 28Dishan fapa cu Uz le Aran an si. 29Hor miphun phuntungtu hna cu Lotan, Shobal, Zibeon, Anah 30Dishon, Ezer le Dishan an si. Hormi phuntungtu cu an phun ning cio in Seir ram ah hi hna hi an si.
Edom Siangpahrang Hna
(1Cha 1.43-54)
31Israel siangpahrang ahohmanh nih Edom ram cu an uk hlanah, cu ram a rak uktu siangpahrang cu hi hna hi an si. 32Beor fapa Bela nih Edom ram cu a rak uk, a khua cu a min ah Dinhabah a si. 33Bela a thih tikah Bozrah khuami Zerah fapa Jobab nih khan a hun chaan. 34Jobab a thih tikah Teman mi hna ram i a ummi Husham nih a hun chaan. 35Husham a thih tikah, Moab ram chung i Midian a rak teitu Bedad fapa Hadad nih khan a hun chaan. A khua min cu Avith a si. 36Hadad a thih tikah Masrekah khuami Samlah nih khan a hun chaan. 37Samlah a thih tikah, Zufrates tiva kam i a ummi khua Rehoboth khuami Shaul nih khan a hun chaan. 38Shaul a thih tikah, Baal-hanan, Akhor fapa nih khan a hun chaan. 39Akhor fapa Baal-hanan a thih tikah Hadad nih a chaan. A khua min cu Pau a si i a nupi cu Mehetabel a si. Mehetabel cu Matred fanu a si i Matred cu Mezahab fanu a si.
40Esau tefa hna lak i phuntungtu cu hi hna hi an si, an phun ning cio le an umnak hmun ning cio in ṭial an si: Timna, Albah, Jetheth, 41Oholibamah, Elah, Pinon, 42Kenaz, Teman, Mibzar, 43Magdiel le Iram. Hi hna hi Edom phuntungtu hna cu an si, anmah ram a simi i an umnak hmun ning cio in ṭial an si (Edom mi hna pa cu Esau a si).
Currently Selected:
GENESIS 36: HCL06
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Lai (Hakha) Common Language Bible © Bible Society of Myanmar 2006