መዝሙረ ዳዊት 35

ለመዘምራን አለቃ የእግዚአብሔር ባሪያ የዳዊት መዝሙር።

1ኀጢአተኛ ራሱን የሚያስትበትን ነገር ይናገራል፥

የእግዚአብሔርም ፍርሀት በዐይኖቹ ፊት የለም።

2በአንደበቱ ሸንግሎአልና፤

ኀጢአቱ ባገኘችው ጊዜ ይጠላታል።

3የአፉ ቃል ዐመፅና ሽንገላ ነው፤

በጎ ሥራን ይሠራ ዘንድ ማስተዋልን አልወደደም።

4በመኝታው ዐመፅን ዐሰበ፤

በሁሉ ነገር መልካም ባልሆነች መንገድ ቆሞአል፤

ክፋትንም አይሰለቻትም።

5አቤቱ፥ ምሕረትህ በሰማይ ነው፥

እውነትህም እስከ ደመናት ትደርሳለች።

6ጽድቅህም እንደ እግዚአብሔር ተራሮች ናት፤

ፍርድህም እጅግ ጥልቅ ናት።

7አቤቱ፥ ሰውንና እንስሳን ታድናለህ።

አቤቱ፥ ምሕረትህን እንደ አበዛህ፥

የሰው ልጆች በክንፎችህ ጥላ ይታመናሉ።

8ከቤትህ ጠል ይረካሉ።

ከደስታህም ፈሳሽ ታጠጣቸዋለህ።

9የሕይወት ምንጭ ከአንተ ዘንድ ነውና፤

በብርሃንህ ብርሃንን እናያለን።

10ምሕረትህን በሚያውቁህ ላይ፥

ጽድቅህንም በልበ ቅኖች ላይ ዘርጋ።

11የትዕቢት እግር አይምጣብኝ፥

የኀጢአተኛ እጅም አያውከኝ።

12ዐመፃን የሚያደርጉ ሁሉ በዚያ ይወድቃሉ፤

ይሰደዳሉ፥ መቆምም አይችሉም።

Currently Selected:

መዝሙረ ዳዊት 35: አማ2000

ማድመቅ

Copy

ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ

ከ
{{ምዕራፍ}}
ታዋቂ የመጽሐፍ ቅዱስ ጥቅሶች