መጽሐፈ መዝሙር 82

እግዚአብሔር ከሁሉ በላይ ነው

1እግዚአብሔር በሰማያዊው ጉባኤ

አማልክት ሁሉ በተሰበሰቡ ጊዜ፥

በመካከላቸው ተገኝቶ ፍርድ ይሰጣል፦

2“እስከ መቼ ትክክል ያልሆነ ፍርድ ትፈርዳላችሁ?

እስከ መቼ ለክፉዎች ታዳላላችሁ?

3ለደካሞችና ለሙት ልጆች በትክክል ፍረዱ፤

የድኾችንና የተጨቈኑትን ሰዎች መብት ጠብቁ።

4ደካሞችንና ችግረኞችን አድኑ፤

ከክፉዎችም ጥቃት አስጥሉአቸው።

5“እነርሱ ግን ምንም አያውቁም፤ አይገባቸውምም፤

በጨለማ ይመላለሳሉ፤

በዚህም ጊዜ የምድር መሠረትዋ እየተናወጠ ነው።

6‘እናንተ አማልክት ናችሁ፤

ሁላችሁም የልዑል እግዚአብሔር ልጆች ናችሁ’ አልኩ። #ዮሐ. 10፥34።

7ነገር ግን እንደ ሰው ትሞታላችሁ፤

የሕይወታችሁም ፍጻሜ እንደ ማንኛውም ምድራዊ ገዢ ነው።”

8አምላክ ሆይ! ተነሥ!

መንግሥታት ሁሉ ያንተ ስለ ሆኑ

ለዓለም ፍርድን ስጥ።

Currently Selected:

መጽሐፈ መዝሙር 82: አማ05

ማድመቅ

Copy

ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ

ከ
{{ምዕራፍ}}
ታዋቂ የመጽሐፍ ቅዱስ ጥቅሶች