መጽሐፈ መዝሙር 76

የእግዚአብሔር ድል አድራጊነት

1እግዚአብሔር በይሁዳ የታወቀ ነው፤

ስሙም በእስራኤል ታላቅ ነው።

2ቤቱን በሳሌም (ኢየሩሳሌም) አደረገ፤

በጽዮንም ተራራ ላይ ይኖራል።

3በዚያም የሚያንጸባርቁ ፍላጻዎችን፥ ጋሻና ጦርን፥

ሌሎችንም የጦር መሣሪያዎች ሁሉ ሰባበረ።

4አምላክ ሆይ አንተ አስፈሪ ነህ፤

ግርማህም ከታላላቅ ተራራዎች በላይ ነው።

5ጀግኖች ወታደሮች የማረኩትን ተቀሙ፤

እጃቸውንም ማንሣት አቅቶአቸው

የመጨረሻ እንቅልፍ አንቀላፉ

6የያዕቆብ አምላክ ሆይ፥

አንተ በገሠጽካቸው ጊዜ

ፈረሰኞች ከነፈረሶቻቸው ሞቱ።

7እግዚአብሔር ሆይ

አንተ ግን በሁሉ ዘንድ የተፈራህ ነህ፤

አንተ ስትቈጣ በፊትህ የሚቆም አንድ እንኳ አይኖርም፤

8ፍርድህን ከሰማይ እንዲታወቅ ስታደርግ

ምድሪቱ ፈርታ ጸጥ አለች፤

9አንተ በምድር የተጨቈኑትን ሁሉ ለመቤዠት፥

ለፍርድ በተነሣህ ጊዜ ዓለም ጸጥ አለ።

10የሰው ቊጣ አንተን ያመሰግንሃል፤

ከጦርነት የተረፉትም በዓልህን ያከብራሉ።

11መፈራት ለሚገባው ለእግዚአብሔር ለአምላካችሁ ተስላችሁ

የተሳላችሁትን ስእለት ፈጽሙ፤

እናንተ በቅርብ ያላችሁ ሕዝቦች

መባ አምጡለት።

12ትዕቢተኞች የሆኑትን መሳፍንት ያዋርዳል፤

ታላላቅ ነገሥታትንም ያርበደብዳል።

Currently Selected:

መጽሐፈ መዝሙር 76: አማ05

ማድመቅ

Copy

ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ

ከ
{{ምዕራፍ}}
ታዋቂ የመጽሐፍ ቅዱስ ጥቅሶች