Maki PƆHEGA
PƆHEGA
Yezu yelehum wuu Maki en gulehɛ bu se'em la Maki pɔhɛ yeti, “Yelehum la dela Yezu Kiresta en de Yinɛ Dayua la Faarɛ Yelehum.” Maki biheri Yezu ti a dɛna la Buraa en tuni gee tara kpe'eŋo. Fum nyɛti a kpe'eŋo la, la a pa'alegɔ la puan, la en tã Kulekpa'bɛ'ɛhi se'em la, la en baheri nɛreba be'em se'em bɔ'ɔra ba. Yezu yi'iri a mɛŋa la Asaala Dayua, se'em n wa'am na ti a dikɛ a vom tihɛ la a faaɛ nɛreba ba be'em puan bahɛ.
Maki tɔgɛ Yezu yele wa la tuuntɔɔ la paŋa sadɔɔ gee ŋmɛ'ɛra Yezu en iŋɛ sɛla woo la zuo gana eŋa mɛŋa yɛla bii a pa'aleŋɔ. En tɔgɛ Yɔn Ko'sɔɔra la yele, la Yezu ko'om sua la a makerɛ la yele girega girega ba'ahɛ la, a kɔ'ɔm le lebe ta dikɛ la Yezu tibegɔ tuuma la a pa'alegɔ yɛla la. Saŋa n daa kina la, Yezu zahereba la daa nyaa bɔkeri en mɛ suŋa suŋa kina na, gee Yezu dinduma la daa tugum malum gbiregera mɛ. Maki gɔŋɔ wa ba'ahegɔ luga la pa'alɛ la Yezu en iŋɛ yele sɛ'a a vom ba'ahegɔ dabeha ayopɔi la puan, yele yele wuu a kpa'a pumpuuredɔɔ la zuo, la a vo'ore la.
Maki ba'ahegɔ gɔnɔ tuyi' la en kɔɔɛ la, zo'e zo'e biheri ti nɛra ayima en gulehɛ tɔ gee dagi Maki mɛŋa.
YELE SƐ'A N BOI GƆŊƆ WA PUAN:
Yelesuma wa pɔhega (1.1-13)
Yezu n pɔhɛ a tuuma Galilii (1.14—9.50)
Yezu en ze'ele Galilii ta paaɛ Yerusalɛm (10.1-52)
Ba'ahegɔ dabeha ayopɔi la puan ti Yezu lɛm Yerusalɛm, la en boi Yerusalɛm puan (11.1—15.47)
Yezu vo'ore (16.1-8)
Daana la n niiɛ a mɛŋa la a saazuo zɔŋa (16.9-20)
Currently Selected:
Maki PƆHEGA: GBTP
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Gurenɛ New Testament © The Bible Society of Ghana, 2020.