Luki 3

Yɔn Ko'sɔɔra la muulegɔ

(Matu 3.1-12; Maki 1.1-8; Yɔn 1.19-28)

1Yuuma pia la anuu, Kaiza Tiberiyusi na'am kuka zuo saŋa la, ti Pɔntiyɔsi Palete dɛna timbihega nɛŋa daana Yudiya, ti Hɛrɔd me sɔna Galilii bihera, ti a suuɔ Filipi me sɔna Iturea la Tirakonitise tihi bihera, ti Lisaniyase me sɔna Abilene tiŋa bihera, 2ti Annas la Kaifase dɛna malema kiinduma la, ti Yinɛ dikɛ a yelehum doohe Zekariya dayua Yɔn puan, muɔ puan ha. 3Ti Yɔn doohe tihi la woo en kaaɛ Yɔɔdan la, muula teere ko'om sua, la be'em sugeri dia, bɔ'ɔra nɛreba la, 4#Aza 40.3-5 wuu lan gulehɛ se'em nɔtɔgeha Azaaya gɔŋɔ la puan se'em yeti,

“Nɛra ayima kua en boi muuen kaaha baha na yeti,

Maalɛ Daana la sore la,

Maalɛ ya a sadɔtɔ la tuuntɔɔ.

5Naherɛ woo Palehɛ,

ti zoore la kunkune woo sirege,

ti sadɔɔ ŋmɛleŋɔ woo tiɛ,

ti sadɔtɔ-ɛ̃rema woo saalum,

6gee ti saala woo nyɛ Yinɛ Faarɛ la.”

7 # Mat 12.34; 23.33 Yɔn yele nɛrekuuŋɔ la en yehe na ti a bo' ba ko'om sua la yeti, “Kampɛbibehi wa, ani en kagɛ ya ti ya zɔ yehe Yinɛ sunsunyiim tuulɛ la en ye' na la puan?

8Bala zuo, wam ya wala sɛ'a en pa'alɛ ti ya tee mɛ. Gee da yɛta ya mɛhi ti, ‘Aberaham en de tumam yaaba.’ N yeti ya mɛ wa, ti Yinɛ ta'am bahɛ ti kuga wa a sɛ'a lebege kɔma bo' Aberaham. 9Nananawa, liya la maahum mɛ gã'a tiihi nyɛga zuto, ti tisɛka woo en ka wani walesuma, ka ŋmaaɛ bahɛ, lobe ka bahɛ bugum puan.”

10Ti nɛrekuuŋɔ la soke en yeti, “Beni ti tu nyaa wan iŋɛ?” 11Ti Yɔn lerege ba yeti, “Se'em woo en tari futo tuyi', tɔrɛ bo' se'em woo en ka tari la. Fum se'em woo en tari dita, me iŋɛ bala mɛa.” 12Ti kubetɔ'ɔhereba me lagum wa'am na ti ba sɔ ko'om la, gee soke en yeti, “Pa'ala, beni ti tumam me wan iŋɛ?” 13Ti a yele ba yeti, “Da to'ohe ya kuba la gaŋɛ lan de se'em.” 14Ti pɛntiireba me soke en yeti, “Gee tumam, beni ti tu wan iŋɛ?” Ti a yele ba yeti, “Da pɛregɛ ya se'em to'e ligeri, bii ya zuuhe se'em gee ka nyɛ, gee me bahɛ ti ya nini tigɛ la ya yɔɔrɛ ma'a.” 15Nɛreba suya en daa pun maahum gura la, ba daa nyaa sokere mɛ ba suya puan nyaa,Yɔn wan dɛna Kiresta la? 16Ti Yɔn lerege ba za'a yeti, “Mam sɔɔri ya mɛ la ko'om wa, gee se'em en kpe'em gana mam kini na, mam ka nari n pun lorege a tagera mi'a. Eŋa wan sɔ ya mɛ la Fa'a Sia, la bugum. 17A zãli la a yeelego wanɛ, ti a yeele sɛla woo en boi a tooren la, la a mui la iŋɛ a bããrɛ puan, gee vagela la, a wan nyɔ' ba bugum sebo en ka kiŋeri puan.”

18Bala,Yɔn dikɛ la kpemehego yɛla zo'e zo'e tɔgɛ faarɛ yelehum la bo' nɛreba la. 19#Mat 14.3-4; Mak 6.17-18 Gee Hɛrɔd en de naba ti Yɔn tahɛ en doohe en fa' Hɛrɔdiya en de a suuɔ la pɔga di la, la tuunfi'iha sɛ'a woo ti Hɛrɔd tum la, 20ta pa'ahɛ tuunfi'iherɛ se'ere en gani za'a la, dɛna en pagɛ Yɔn paka deen la.

Yezu to'e ko'om sua

(Matu 3.13-17; Maki 1.9-11; Yɔn 1.32)

21Nananawa Nɛreba la za'a en ta to'e ko'om sua ba'ahɛ la, ti Yezu me tɔ'ɔra a ko'om sua gee a pu'uheri la, ti saazuo yu'ɛ. 22#Pi'il 22.2; Yoo 2.7; Aza 42.1; Mat 3.17; Mak 1.11; Luk 9.35 Ti Fa'a Sia la sige a zuo na, la naanɛ en ani wuu dayene la. Ti kua ze'ele saazuo ha tɔgɛ bahɛ na yeti, “Fum en de mam Dayua ti n nɔŋɛ, mam nini tigɛ mɛ la fum.”

Yezu tuuhum

(Matu 1.1-17)

23Yezu ta dɛna wuu yuum pihitã, gee pɔhɛ a muulegɔ tuuma. A sɔ, (wuu ban ti'ihɛ se'em la) dela Yosefe, en de Hɛli dayua, 24se'em sɔ en de Matati, se'em sɔ en de Levi, se'em sɔ en de Meliki, se'em sɔ en de Yanayi, se'em sɔ en de Yosefe, 25se'em sɔ en de Matatiyase, se'em sɔ en de Amɔsi, se'em sɔ en de Nahum, se'em sɔ en de Ɛsili, se'em sɔ en de Nagai, 26se'em sɔ en de Maati, se'em sɔ en de Matatiyase, se'em sɔ en de Sɛmin, se'em sɔ en de Yoseki, se'em sɔ en de Yoda, 27se'em sɔ en de Yowanan, se'em sɔ en de Aresa, se'em sɔ en de Zerubabɛle, se'em sɔ en de Siyotiyɛl, se'em sɔ en de Nɛri, 28se'em sɔ en de Meliki, se'em sɔ en de Adi, se'em sɔ en de Kosam, se'em sɔ n de Elimadam, se'em sɔ en de Eri, 29se'em sɔ en de Yosua, se'em sɔ en de Ɛliyaza, se'em sɔ en de Yorim, se'em sɔ en de Matati, sɔ en de Levi, 30se'em sɔ en de Simeyɔn, se'em sɔ en de Yuda, se'em sɔ en de Yosefe, se'em sɔ en de Yonam, se'em sɔ en de Eliyakim, 31se'em sɔ en de Meleya, se'em sɔ en de Mina, se'em sɔ en de Natan, se'em sɔ en de Deviti, 32se'em sɔ n de Yesi, se'em sɔ en de Ɔbɛd, se'em sɔ en de Boazi, se'em sɔ en de Sala, se'em sɔ en de Nason, 33se'em sɔ en de Aminadabi, se'em sɔ en de Adim, se'em sɔ en de Aram, se'em sɔ en de Hɛzirɔn, se'em sɔ en de Pɛrezi, se'em sɔ n de Yuda, 34se'em sɔ en de Yakɔbe, se'em sɔ n de Aziki, se'em sɔ n de Aberaham, se'em sɔ n de Tɛra, se'em sɔ n de Nahɔ, 35se'em sɔ n de Seruge, se'em sɔ n de Aru, se'em sɔ n de Pelege, se'em sɔ n de Ɛbɛ, se'em sɔ n de Sɛla 36se'em sɔ en de Keenan, se'em sɔ n de Afagezad, se'em sɔ n de Sɛm, se'em sɔ n de Nowa, se'em sɔ n de Lamɛki, 37se'em sɔ n de Mɛtusɛla, se'em sɔ n de Enɔki, se'em sɔ en de Yared se'em sɔ n de Mahalaleel, se'em sɔ n de Keenan, 38se'em sɔ n de Enose, se'em sɔ n de Sɛti, se'em sɔ n de Adam, se'em sɔ en de Yinɛ.

Currently Selected:

Luki 3: GBTP

ማድመቅ

Copy