Tuuma 1

Fa'a Sia ye'ehego na nɔbiŋere

1 # Luk 1.1-4 Yia gɔŋɔ la puan, Tiyofilose, n daa tɔgɛ yele sɛ'a woo ti Yezu iŋɛ la, gee pa'alɛ, pɔhera sansɛka ti a pɔhɛ a tuuma la, 2ta paaɛ daan se'ere daarɛ ti a zom saazuo la. Gee ti a zom saazuo la, a daa bo' la pa'alegɔ Fa'a Sia la puan, bo' a tuntuneba la ti a mɛŋa looe la. 3A namehegɔ la pooren, Yezu niiɛ a mɛŋa la vore, yelemɛŋerɛ sadɔtɔ zo'e zo'e puan pa'alɛ a tuntuneba la, niiɛ a mɛŋa pa'alɛ ba dabeha pihinaahi puan, tɔgɛ la ba Yinɛ sɔ'ɔlum la yele. 4#Luk 24.49 En wa vo'e na bɔna la ba la, a bo' ba la nuurɛ yeti, da yehe ya Yerusalɛm wa puan, gee guri ya nɔbiŋere se'ere ti Sɔ biŋe la. A yeti, “Dina” wa “n bala ti ya wum ti n tɔgera de yele yeti, 5#Mat 3.11; Mak 1.8; Luk 3.16; Yɔn 1.33Yelemɛŋerɛ Yɔn sɔɔri mɛ la ko'om, gee la han dɛna yamam, ba wan sɔ yamam mɛ la Fa'a Sia la, la kan yuue, yehe zina.”

Yezu saazuo zɔŋa

6Ban daa ta lagum taaba la, ti ba soke Yezu yeti, “Daana, sankani ti fum yeti fum wan le malum sɛ sɔ'ɔlum la bo' Izirale?” 7Ti a lebehe ba yeti, “La dagi ya tuunɛ ti ya mina saŋa, bii sɛla n wan iŋɛ. Sɔ la mɛŋa en ze'ele yele aŋa la a mɛŋa kpe'eŋo. 8Gee yamam wan ta to'e paŋa, Fa'a Sia la han ta sige ya zuo na, ti ya dɛna mam aze' nyɛ duma, Yerusalɛm, la Yudiya za'a puan, la Samariya, la timpaberɛ wa luga za'a.” 9#Mak 16.19; Luk 24.50-51 En yele ŋwana ti ba biha en la, ba nyɛ la en pɔhɛ zɛkera saazuo, ti sagbanɛ wa'am na pi' en ti ba ka le nyɛta en. 10Ban kelum zɛ'a biha saazuo ha zii la, ti a me zɔna la, ba yeti ba bihɛ ti buraahi siyi en yɛ fuwogero pɛɛla n bala zɛ'a la ba. 11Yele ba yeti, “Galilii buraahi wa, ŋwani ti ya zɛ'a gɔra biha saazuo bala? Yezu wa ti ba dikɛ ya zi'an en ze'ele ya zi'an zom saazuo ha wa, wan wa'am la bala mɛa na wuu yan nyɛ en ti a zɔna saazuo ha se'em wa la.”

Matiyase tee ze'ele Yudasi na'arɛ

12Ti ba ze'ele Olive Zoore la n lɛm la Yerusalɛm wuu vo'ohego dabehere kinɛ la, lebe Yerusalɛm. 13#Mat 10.2-4; Mak 3.16-19; Luk 6.14-16 Ban ta paaɛ kɛ̃ tiŋa la puan la, ba zom la bɔ'seko n boi saazuo ha zi'an ti ba kɛ̃'ɛ̃ra la. Pita, Yɔn, Yemesi, Anduru, Filipi, Tɔmasi, Batolomi, Matu, Alifeyusi dayua Yemesi, Simeyɔn ti ba yi'ira Zɛlɔti la, Yemesi dayua Yudasi. 14Bana za'a lagehɛ la taaba dikɛ ba mɛhi bo' pu'uhegɔ daarɛ woo, la pɔgehi sise'ehi, ti Yezu ma Mɛɛri lagum bɔna bini, la Yezu suurɔ la.

15Dabeha aŋa mɛa puan ti Pita ihege ze'ele sɛba n nam bo' Yezu la n lagehɛ (wuu nɛrekɔbega la pihiyi') la tiŋasuka yele ba yeti, 16“N suurɔ, gulehegɔ la dela ku wa'am asira na. Gulehegɔ seko ti Fa'a Sia la tɔgɛ doohe Deviti puan doohe Yudasi se'em n wan bɔna sɛba n yeti ba yɔkɛ Yezu la nɛŋa. 17Se'ere n sɔi la a daa pa'ahɛ la tu puan, tara a tuunɛ lageŋɔ wa puan.” 18#Mat 27.3-8(Buraa kana wa daa dikɛ a tuumbe'o ligeri la da' la zi'an, gee lu a liko tahɛ a tiŋasuka ti a puuren lɔgerɔ za'a ɔlegɛ yehe na. 19Yerusalɛm nɛreba za'a mi' yele wa mɛ, bala zuo ti ba yi'ira a zi'an la ti a da la ba yetɔgum puan yeti, Hakɛledama, ti de vuurɛ dela la Ziim sɔlega.) 20#Yoo 69.25; 109.8 “Se'ere n sɔi la, la gulehɛ bɔna Yuuma Gɔŋɔ la puan yeti,

‘Bahɛ ti a yire la lebege daboo,

Bahɛ ti nɛra nɛra da kɛ̃'ɛ̃ra de puan.

Bahɛ ti nɛra ayima sooe a kinɔ kpe'eŋo la.’

21 # Mat 3.16; Mak 1.9; 16.19; Luk 3.21; 24.51 Bala zuo la, se'em daana n daa dole tu saŋawoo ti tu Daana Yezu daa bɔna la tɔ tu yɛhega la tu lɛbega na la, 22pɔhɛ Yɔn ko'sɔɔra la, tari bala ta paaɛ Yezu n wan zom saazuo la. Bana puan ayima n wan lagum pa'ahɛ tu puan lagum dɛna Yezu vo'ore la aze' nyɛ daana.” 23Bala zuo ti ba ku nuurɛ yehe buraahi siyi, kayima Yosefe, se'em ti ba yi'ira Basabase la, ti a yu'urɛ deyima dɛna Yusetuse la, la Matiyase. 24Gee nyaa pu'uhɛ yeti, “Daana, fum mi' nɛrawoo suure puan. Pa'alɛ tɔ buraahi siyi wa, ba se'em ti fum looe, 25ti a sooe ze'ele fum tuntuneba tuuma la fole la n gã' doohe la Yudasi n bire a poore bahɛ gee kiŋɛ a mɛŋa n boti zi'an la.” 26Ti ba bahɛ maanɛ kuga, ti la looe Matiyase, ti ba dikɛ en pa'ahɛ Yezu tuntuneba pia la ayima la puan.

Currently Selected:

Tuuma 1: GBTP

ማድመቅ

Copy