Jenesis 49
49
Nuarin tas alupas 49.
1 Et ahlaig vai ilpu hal o un a Jekob mika yi asan tas acis yi alwai ra aien. 3 Intas acis yi alwai ra ura, athi um athi ehni. 29 Et asan tas aktit ehele ra a Jekob va natelmoi yin vaig. 33 Et mas aien.
1IS ahlaig vai ilpu hal o un a Jekob, um ika, Akumu asjapicnaig aijaua, mika ki asuptecnaig ehelemia ainyak nitai iji igki etpu yetpam iramia an taka opan.
2Akumu asjapicnaig aijaua, um atahaijeg, ak ilpu hal u Jekob; akumu ahgei intas o Isreel etmamia aijaua.
3Ak Ruben, nai halav meto unyak aiek, im nemda unyak, nemda uhup unyak marom, et esjilid natimi alupas unyum im nemda unyum:
4na amaamai aiek et idivaig inwai, napu eti esjilid aiek; va nedo unyum, nikavaig, as ahlau jai an tinai etmam aiek; as auahas euc aiek, as wat ahlaujai an tinak aiek.
5Erau raimu a Simeon im Livai; is amen nij va atimi ehele rau er auahas atimi iran.
6Ek esjum ainyak vai intas adenaig urau; kis eti atau ainyak irai tas tiduarin urau: erus atgei tup atimi arau an tavaitap urau; erus auud ilpu atimi alupas arau an nimiisjisitai urau.
7Er amcel vai nehniv urau, is esjilid acen; im nedemda urau, is has acen: ekpu ahaig rau ainyak irai ilpu mapoi Jekob, um imiterimterim rau ehele nup Isreel.
8Ak Juta, erupu imiahpas euc a ilpu etwam: etpu amen nikmam ijinies ira auiwai ilpu atimi tak atimi iram; erupu atpuse an nuhup unyum a ilpu mapoi etmam.
9Etpu idivaig laion takuras a Juta: ak inhal unyak, na mun ahes an nitai caig inig as atgei aiek: is atpuse aien, um apakapak et idivaig laion, um lep idivaig laion emda; etpu ahugni yin a di?
10Inyi eti ti natimi alupas irai ilpu mapoi Juta, im lep natimi tas alep irai ilpu eteuc iran, um imihum pan an nopan iyehki etpu ham a Sailo; erupu atahaijeg intas o un a nup urai iji pece.
11Etpu athai togke o un aien u vaine, im nakli togke o un u vaine esjilid; etpu yiri napelumai o un aien an nohwai vaine, im nitai aso yin an nide vaine:
12etpu lah nesganimtan aien va nide vaine, um lep ahi neijin va nidenided.
13Etpu amen a Sebulun u nafaiava; etpu afaiava uri elcau inpece o un; etpu yetpan Saiton nahaijin pece o un.
14Etpu idivaig togke emda a Isakar, etpu amen aien an nibla atcai inpece o un et ero:
15etpu ika aien, Et upene nuarin atumop iran unyak; et esjilid inpece unyak; etpu imiasuol neuhlin aien par apos itai, um ahtai nakwanaham.
16Etpu asan tas alep vai ilpu atimi o un a Tan, et idivaig tah natimi alupas u nup Isreel.
17Etpu idivaig imyeuv has an nefalaig a Tan, im lep nispeuv has au nahaijin nefalaig, etpu aces neduei hors aien, va etpu etjose au cehen a natimi ateuc iran.
18Kis aitgaig euc ainyak par imiatamaig nyak, ak Ihova.
19Etpu ahau Cat inpak an nedoa: ja etpu apitac aien um esjilid ira ra.
20Etpu adale nitai caig u Eser, etpu amen ehelen nitai caig esjilid incai ilpu atimarid.
21Etpu idivaig incai alupas a Naftalai: etpu ahinag inran, ilpu mapon marom.
22Etpu idivaig incai oho a Josef, etpu idivaig incai oho aien ubutpotet pan nehpanwai; et atgeig jipe inran ijinies an nathatahau:
23eris auahas alupas inliinmopon a ilpu atimi apos efana, eris ahcai yin ara, um amcel vai yin:
24ja is emda nefana o un, is lep emda nikman va nikmai Atua emda u Jekob; va nitai inigki is atimi alayi ilpu etwan aien, im natimi inig eris asgeig iran a ilpu hal u Isreel:
25va Atua u etmam marom, is atau iram aien; im lep Atua emda acen, is acis yi alwai euc aien; etpu alupai euc aien niji itai upene jipagko an nohatag, im niji itai upene sepamki an nobohtan; uhpu lep apos um alidai ilpu mapom inyi ahinag:
26et esjilid niji itai upene u etmam irai iji itai upene u ilpu retpom, um amense et idivaig nedoon irai iji mesese: etpu amen an nidjini Josef, um lep amen an nipek o un eris atipagki yin ehele ilpu etwan.
27Etpu idivaig kuri aleg a Benjamin, etpu ces yi oplecoplec itai aien; etpu caig itai aien an nuhialeg, etpu lep auohoplec itai aien an jupura.
28Era ilpu hal u Isreel et twelv ara sji igki asega: is asan tas iji igki vai ra a etmara, um acis yi alwai ra; is acis yi alwai ra asega aien, et idivaig intas upene o un ehele ra asega, athi um athi ehni.
29Is ated ra aien, um ika ehele ra, Uhmu ati nyak ehele ilpu atimi ehpan irak: akumu atelmoi nyak aijaua ehele ilpu retpok an mun nij an nuarin nobohtan u Ifron nup u Hed,
30an mun nij an nuarin nobohtan Makpila, ubutpotet pan Mamri, an pece Kenan, is auanimtan a Ebraham, im lep nuarin nobohtan u Ifron nup u Hed, va etpu ohuun aien, mika yi etheso o un.
31Eris atelmoi Ebraham eahki ara im Sera ehgan; eris lep atelmoi Aisak eahki ara im Ribeka ehgan; kis lep atelmoi Lia ainyak eahki.
32Is auanimtan nuarin nobohtan iyehki im inmun nij iran aien ehele nup u Hed.
33Is wat asan tas iji igki ehele ilpu hal o un a Jekob, is atijai neduon an tinan aien, um mas; eris ati yin ehele ilpu atimi ehpan iran.
Currently Selected:
Jenesis 49: VAO63
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Vanuatu Bible (Intas Etipup) © United Bible Societies, 1863, 2019.