Jenesis 47
47
Nuarin tas alupas 47.
1 Et imiapan ilpu etwan et faiv a Josef, um ikni ra an nuhup u Fero, 7 im lep etman. 11 Et alupai ra nuarin amen iran aien, im lep nitai caig incara. 13 Et leh mune asega u nup Ijipt aien, 16 im niji itai eklim edo irai pece ura, 18 im lep umara, vai Fero. 22 Et eti auanimtan umai ilpu atimi alupas a Josef. 23 Et atcijaig umara imi ra aien va nuarin nohwai itai fiftd. 28 Niji mesese irai Jekob. 29 Et ika ehele Josef aien yi asig yi aktit intas ehelen mika yi atelmoi yin ehele ilpu atimi ehpan iran.
1IS apan a Josef, um asaig ehele Fero, um ika, Et mun ham a etmak, im ilpu etwak, im siip ura, im kurimatau ura, im niji itai asega ura, eris ahes an pece Kenan ara; era amen an pece Cosen ara.
2Is lucsei nahaiji ilpu etwan aien, natimi is faiv marom, um imiapan ra ehele Fero.
3Is ika a Fero ehele ilpu etwan. Eka ago niv auritai aijaua Eris ika ehele Fero ara. Ak natimarid, ecra atimi asgi siip aijama, eris lep uce a ilpu retpoma.
4Eris lep ika ehele Fero ara, Ak natimarid, ecra mun ham aijama mika ecri amen an pece inigki aijama; et tiih nefelelicai incai niji itai eklim edo irai pece unyima; et alupas numlaig has an pece Kenan: va nitai inigki ecra ugyi euc aijama, ak natimarid, mika ecri amen aijama an pece Cosen.
5Is tas a Fero ehele Josef, um ika, Et mun ham ehelum a etmam im ilpu etwam:
6et eteuc inpece Ijipt an nuhup unyum; namu asaig aiek ehele etmam im ilpu etwam, mika eri amen ara an nuarin esjilid an pece; erumu amen an pece Cosen ara: el et ato ilpu atimi arapakau ira ra aiek, ikni ra, mika eri aminjinaig niji itai eklim edo irai pece unyak ara.
7Is imiapan Jekob etman a Josef, um ati yin an nuhup u Fero: is aiheuc vai Fero a Jekob.
8Is ika a Fero ehele Jekob, Is ehed inmesese iram aiek?
9Is asuptecnaig ehele Fero a Jekob, um ika. Ek mun amen ainyak an nobohtan irai mesese is wun huntret im dirte: is eti elpat um has inmesese irak, ek mun eti uhum pan ainyak irai mesese u ilpu retpok.
10Is acis yi alwai Fero a Jekob, ja par ahes ehelen um alau ijo.
11Is ikni etman im ilpu etwan a Josef, um atcijaig imi ra nobohtan an pece Ijipt, an nuarin esjilid, au pece Rameses, is idivaig intas is asaig a Fero.
12Is alayi etman, im ilpu etwan, nitai caig a Josef, im ra asega an nimnim u etman, is idivaig eris esvi ilpu hal ura.
13Is tiih nitai caig an pece asega; is esjilid acen numlaig has; eris auatialidi a nup Ijipt im nup u Kenan asega va numlaig has.
14Is asjapicnaig mune asega an pece Ijipt a Josef, im lep an pece Kenan, vai korn eris auanimtan ara: is imiapan mune an nimnim u Fero a Josef.
15Is wat tiih mune an pece Ijipt, im lep an pece Kenan, eris apan ehele Josef a nup Ijipt asega, um ika, Alaama nitai caig aiek; va ecri jim emesmas aijama an nuhup unyum: et tiih mune unyima.
16Is ika a Josef, El et tiih mune unyimia, alupai nyak niji itai eklim edo irai pece unyimia; ekpu ahtai korn imi caua ainyak va niji itai eklim edo irai pece unyimia.
17Eris imiapan niji itai eklim edo irai pece ura ehele Josef ara: is alupai ra nitai caig a Josef um lucsei hors ura, im siip ura, im kuvimatau ura, im togke ura: is alaa ra nitai caig aien, um lucsei niji itai eklim edo irai pece asega ura an mesese iyehki.
18Is wat ti pan itac inmesese iyehki, eris apan ehelen ara an mesese is eche, um ika ehelen, Ak natimi alupas, ecrupu eti ateri vai euc aijama mika, et ti mune unyima; na ohuun niji itai eklim edo irai pece unyima aiek; et eti amen tah nitai unyima an nuhup unyum, nohuma ache, im umama:
19ecri a uri aijama par emesmas an nuhup unyum, etpu amasacen inpece unyima? namu auarimtama aiek, im umama, irai itai hegaig; etmu ohuun cama a Fero, im lep umama: namu alupai cama nupsiitai aiek, vai ecrupu umumoh aijama um eti emesmas, vai yi jim amasacen inpece.
20Is auanimtan pece Ijipt asega a Josef vai Fero; eris ahtai umara a nup Ijipt asega, va numlaig has esjilid iyehki: is idim ohuun inpece ura a Fero.
21Is ikni atimi asega aien, mika eri aheca u Fero ara, ahes an na-haijin pece Ijipt um yetpan an nahaijin.
22Ja is eti auanimtan nobohtan u ilpu atimi alupas ache aien; is alupai ilpu atimi alupas nitai caig incara a Fero, eris caig nitai caig ara is alupai ra a Fero: va nitai inigki eris eti ahtai nobohtan ura ara.
23Is tas ehele atimi a Josef, um ika, Ek mun idim auarimtamia ainyak im umamia vai Fero an nadiat inigki: almoi, nupsiitai imi caua mun igki, akumu ahwaig aijaua umamia.
24Etu wit ededel, akumu at-cijaig nahaijin fiftd imi Fero ai-jaua, ja etpu amen nahaijin et for imi caua, par ahwaig an nobohtan, im lep nitai caig incamia, im incai ilpu hal unyimia, im incara asega irai imnim unyimia.
25Eris ika ara, As imiatamaig cama aiek: namu aiheuc vai cama aiek, ak natimi alupas, ecrupu aheca u Fero aijama.
26Is asan tas alep inigki a Jo-sef an pece Ijipt asega um imihum pam an nopan inig, mika yi ohuun nahaijin noliwai itai fiftd a Fero; ja is eti ohuun nobohtan u ilpu atimi alupas ache a Fero.
27Eris amen an pece Ijipt a ilpu hal u Isreel an nuarin pece Cosen; eris ohuun niji uari obohtan ara eahki um asvalav, is um ahinag acen.
28Is amen an pece Ijipt a Jekob irai mesese is seventiin: is umoh a Jekob irai mesese is wun huntret im forte seven (147).
29An nopan iyehki is wat ubutpotet u unmas u Isreel, is ahlaig vai Josef inhal o un aien, um ika ehelen, El et upene inliinmopom aiek vai nyak, namu ati nikmam aiek ithan neduok, um ago nedo aiheuc vai nyak, im nedo inveijec; ek ugyi euc ainyak mika an jim atelmoi nyak an pece Ijipt aiek:
30ekpu han asjeuc ainyak ehele ilpu retpok, namu atipagki nyak aiek an pece Ijipt, um atelmoi nyak an netheso ura. Is ika aien, Ekpu ago nitai inig ainyak na mun asaig aiek.
31Is ika aien, Namu asig yi aktit intas ehelek aiek. Is asig yi aktit intas ehelen aien. Is atpuse a Isreel an nilpun tinan.
Currently Selected:
Jenesis 47: VAO63
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Vanuatu Bible (Intas Etipup) © United Bible Societies, 1863, 2019.