Jenesis 21
21
Nuarin tas alupas 21.
1 Er apos Aisak. 4 Er aperitome iran. 6 Nimiacitak u Sera. 9 Er ahlo Hecar im Ismeel. 15 Nohocred u Hecar. 17 Et ago eropse yin a nagelo. 22 Intas etipup u Abimelek ehele Ebraham Biersiiba.
1IS ateghe Sera a Ihova is idivaig is asaig aien, is lep ago vai Sera a Ihova is idivaig intas o un.
2Va nitai inigki is opoc a Sera, um apos inhalav atamaig imi Ebraham an nefatimi o un, an nopan iyehki is tas vaig ehelen a Atua.
3Is anvi nidai inhal o un a Ebraham, is apos imi yin a Sera, par ika Aisak.
4Is wat ti pan itac nadiat is eet, is aperitome irai inhal o un a Ebraham, is idivaig is asaig ehelen a Atua.
5Is eteuc inmesese is wun huntret irai Ebraham, eris wat apos; Aisak inhal o un.
6Is ika a Sera, Et mun ika a Atua ki imiacitak ainyak, erupu lep imiacitak ehelek ara asega era atahaijeg nyak ara.
7Is ika aien, Is emda a di par ika ehele Ebraham, Etpu alidai inhal o un a Sera? ek mun apos inhalav atamaig imi yin ainyak an nefatimi o un.
8Is wat alupas inhalav, eris atwan nided imi yin: is auanetha alupas a Ebraham an nadiat iyehki eris atwan nided imi Aisak.
9Is ecet inhal u Hecar nup Ijipt a Sera, is apos imi Ebraham aien, is imiafakahcil Aisak inhal o un aien.
10Va nitai inigki is ika ehele Ebraham aien, Abraig pagki naheca atahig inigki aiek, im inhal o un: inyi eti isjeupigmoig euc a inhal u naheca atahig inigki pan irai Aisak inhal unyak.
11Is taigtaig alupas inliinmopoi Ebraham vai inhal o un.
12Ja is ika a Atua ehele Ebraham, Etmu jim taigtaig inliinmopom aiek vai inhal unyum, im naheca atahig unyum; namu imiaiji intas asega aiek et mun asaig ehelum a Sera; erupu isjeupigmoig euc a ilpu mapom irai Aisak.
13Ekpu lep ika ainyak eri ahinag a ilpu mapoi inhal u naheca atahig inigki, et idim hal unyum aien.
14Is aiji a Ebraham an nuhihialeg, um leh nitai caig im inhubej is amen inwai iran, um alupai Hecar, um atijai an neuhlin, im lep inhal o un, um abraig pagki rau: erus apan arau, um atga ahnag an namasacen Biersiba.
15Is um ti inwai an hubej, is lep ati inhal o un aien ithan nahtancai is ethi.
16Is apan aien um ateucse an nuhup o un, ja itac acen, et idivaig nuarin yetpan nidjan nefana iran: is ika aien, Eklim jim almoi inmas o inhal unyak ainyak. Is ateuc aien an nuhup o un; is um taig alupas a Ismeel.
17Is atahaijeg nohrai intakuras a Atua; is ahlaig vai Hecar a nagelo o Ihova an nohatag, um ika ehelen, Ak Hecar, na a uri aiek? jim imtitaig; et mun atahaijeg nohrai inhal unyum eahki a Atua.
18Namu apan aiek, um imiatidai inhal unyum, um asjiraig yin an nikmam; ekpu ika ainyak eri ahinag a ilpu mapon.
19Is asalgei nesganimtan a Atua, is ecetai nehpanwai aien; is apan aien um athun wai an hubej is ohua, um alumai inhal o un.
20Is aminjinaig intakuras iyehki a Atua; is elvalupas aien, um amen an namasacen, is atimi apos efana aien.
21Is amen aien an namasacen Peran: is leh ehgan imi yin a risin an pece Ijipt.
22An nopan iyehki is tas ehele Ebraham a Abimelek im lep Faikol natimi alupas u ilpu eucsupo o un, um ika, Et atau imi euc a Atua irai iji itai asega na ago aiek:
23va nitai inigki namu asig yi aktit intas unyum aiek ehelek an nuhup u Atua, mika napu eti ago nedo efaifa vai nyak aiek, im lep vai inhal unyak, im mapok: jam ago nedo aiheuc vai nyak, et idivaig nedo aiheuc unyak vai euc, im lep vai nup uran pece inigki na amen iran aiek.
24Is ika a Ebraham, Ekpu asaig yi aktit intas unyak ainyak.
25Is ated Abimelek a Ebraham vai nehpanwai is ethi, eris atoraliak a ilpu aneca u Abimelek.
26Is ika a Abimelek, Ek eti ato ainyak natimi inig is ago nitai inigki aien: as eti asuptecnaig ehelek aiek, nato pali nigki ainyak inpig.
27Is lucsei siip a Ebraham im kurimatau, um alupai Abimelek; erus lep asig yi aktit jipe intas uran arau:
28Is echim ikni nakli siip atahig is seven a Ebraham.
29Is ika ehele Ebraham a Abimelek, Na a uri aiek par echim ikni nakli siip atahig iji igki et seven?
30Is ika aien, Namu lucsei nakli siip atahig iji igki unyak et seven aiek, mika yi itai asuptecnaig vai nyak, nikavaig, kis ucji nehpanwai inigki ainyak.
31Va nitai inigki is anvi nidan nuarin iyehki aien par ika Biersiba, (Nehpanwai an tas aktit); erus asig yi aktit jipe intas urau arau eahki.
32Maiya, erus asig yi aktit jipe intas urau arau Biersiba: erus atidai a Abimelek im Faikol natimi alupas u ilpu eucsupo o un, um adumoij pan an pece u nup u Filistia.
33Is ahwaig niji cai Biersiba a Ebraham, um ago nalaigaheni vai Ihova, et Atua aien irai iji mesese.
34Is amen a Ebraham an pece u nup u Filistia ira adiat is ahinag.
Currently Selected:
Jenesis 21: VAO63
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Vanuatu Bible (Intas Etipup) © United Bible Societies, 1863, 2019.